HVER ER MAÐURINN ?

Þeir sem eru í leit að vel launuðu og ábyrgðamiklu starfi hafa örugglega andað léttar þegar Árni Matt lýsti því yfir í Kastljósi í kvöld að hann hefði ekki áhuga á forstjórastarfi Landsvikrkjunar og enginn hefði boðið honum stöðuna. Eftir þessa yfirlýsingu Árna held ég það sé gjörsamlega útilokaðað hann taki við forstjórastöðunni af Friðriki.

Hafi þetta aldrei komið til tals er undrun Árna vel skiljanleg á öllu þessu fjölmiðlatali að hann verði forstjóri. Það hlýtur einnig að vera hálf hvimleitt fyrir Árna að fá núna nánast í hverjum viðtalsþætti spurningu um það hvort hann sé áleiðinni úr ríkisstjórninni. Ekki fá aðrir ráðherrar þessa spurningu.

Eru fjölmiðlar að ýta undir það að tími Árna sem ráðherra sé búinn?

Ef það væru veðbankar hér á landi væri spennandi að leggja undir og reyna að giska á hver verður næsti forstjóri Landsvirkjunar. Ég hreinlega trúi því ekki að það verði Vilhjálmur fyrrverandi borgarstjóri.

Hvers vegna var umsóknafrestur umstöðuna framlengdur. Ástæðan getur varla verið sú að engvir hafi haft áhuga á stöðunni. Maður áttar sig ekki alveg á því hver ástæðan getur verið.

Ég ætlaði að fara að skrifa, það verður fróðlegt að sjá hverjir sækja um. En svo mundi ég eftir að auðvitað fáum við ekkert að vita um það. Í mesta lagi fjölda umsækjenda og svo hver verður valinn.

Það hefði verið svo spennandi að sjá nafnalistann og reyna svo að spá í hver yrði ráðinn.

Þessi skemmtun var tekin frá okkur,þannig að nú verðum við bara að láta okkur detta í hug líklegan

kandidat í stöðuna. Hver það verður veit nú enginn  (eða hvað?)

Árni sækist ekki eftir forstjórastarfi Landsvirkjunar

Athugasemdir

[lelli (IP-tala skráð) 22.9.2008 kl. 21:37]

Þetta var framlengt til að fyrirbyggja allan klíkuskap. AhAhAhahahah!