SKOÐA VERÐUR ALLT.

Nú er ekki tími til að leita að sökudólgum. það verður gert síðar. Nú þurfum við bara að hugsa um að stana saman og byggja upp. Auðvitað verður að vinna sig úr þeim gífurlega vanda sem þjóðin stendur frammi fyrir,en samt sem áður er ekki hægt annað en ræða málið,hvers vegna gerðist þetta allt saman.

Auðvitað er reiðin mikil. Samkvæmt málflutningi þingmanna Samfylkingarinnar héldu menn áfram að stofna til skuldbindinga eftir að fyrir lágu athugasemdir Fjármálaeftirlitsins,vitandi það að þjóðin var ábyrgðaraðilin ef illa færi. Hvernig er það. Er ekki starfandi efnahagsnefnd Alþingis? Hefur hún ekkert hlutverk? Á Samfylkingin ekki fulltrúa þar? Er ekki til bankamálaráðherra? Er hann ekki í Samfylkingunni? Er ekki til viðskiptanefnd? Hver er formaður nefndarinnar?

Að sjálfsögðu er hægt að taka undir gagnrýni þingmanna Samfylkingarinnar. Auðvitað verður að rannsaka þetta. Ég hef ekki nokkra trú á því að Sjálfstæðisflokkurinn leggist gegn því. Það væri fáránlegt að halda það.

Það þarf að rannsaka fleiri þætti heldur en bara stjórnendur Landsbankans. Það þarf að skoða umsvif og bankastarfsemi svokallaðra auðmanna Íslands og útrásarvíkinga. Þetta er ekki svo stór hópur.Það þarf að rannsaka hvort útrásarvíkingarnir hafi skotið fé undan. Það þarf að athuga hvort hægt er að frysta eignir þeirra.

Mér fannst merkilegt að heyra í Jóni Ásgeir í Silfri Egils þar sem hann sagðist engan þátt eiga í því hvernig komið er.

Ágúst Ólafur varaformaður Samfylkingarinnar er jafnframt formaður Viðskiptanerfndar Aqlþingis. Fróðlegt er að skoða hlutverk nefndarinnar.

 Til viðskiptanefndar er m.a. vísað málum er varða fjármála- og vátryggingastarfsemi, banka, sparisjóði og aðrar fjármálastofnanir, samkeppni, hlutafélög, verslun, viðskipti og neytendavernd. Á málefnasviði nefndarinnar eru t.d. lög um viðskiptabanka og sparisjóði, lög um verðbréfasjóði og verðbréfaviðskipti, lög um vátryggingastarfsemi, lög um hlutafélög og einkahlutafélög, samkeppnislög, lög um eftirlit með fjármálastarfsemi og lög um neytendavernd.

Samkvæmt þessu virðist það nú einmitt hafa verið hlutverk Ágústs Ólafssonar að hafa eftirlitsþáttinn á sinni könnu.

 

Verða að svara til saka

Athugasemdir

[Sigurður Jónsson, 14.10.2008 kl. 21:10]

Tek undir með þér varðandi Björgvin viðskiptaráðherra.

[B.N. (IP-tala skráð) 14.10.2008 kl. 21:40]

Því að finna upp hjólið þegar mótelið er klárt hvernig við eigum að stjórna landinu þannig að allir fái að lifa og njóta! 

                                                            

                                                                Þar sem daglaunin duga

Danmörk er vel til þess fallin til að bera saman við verðlag og lífsgæði hér á landi þar sem verð á matvöru er það sama eða ódýrara og líkt gildir um tískuvörur, fatnað og fleira. Þar duga daglaunin ágætlega til að lifa fjöldskylduvænu lífi með barnafjölskylduna í fyrirrúmi. Undirstaðan að dönsku velferðinni er réttlátt skattkerfi sem leitast við að hafa sem mestan jöfnuð á meðal þegnanna. Þríeykið, það opinbera, samtök launþega og atvinnurekanda í Danmörku gerir sér grein fyrir því að velferð fyrir alla býr til samfélag sem eykur t.d. jákvæðan hagvöxt. Velferðin ryður síðan brautina fyrir borgarana til að lifa og njóta eins og kostir lands og þjóðar leyfa. Ég er nýkominn heim úr árvissri ferð minni til Danmerkur eftir heimsókn til sonar míns sem þar býr. Á meðan hann var í skólanum gafst mér tími til að gera samanburð á milli landanna um nokkur atriði eins og þau komu mér fyrir sjónir.   Persónuafslátturinn á mánuði í Danmörku er 37.217 íslenskrar en 27.647 kr. hjá yngri en 18 ára eða svipað og hjá fullorðnum á Íslandi sem er 29.029 kr. Tekjuskattsprósentan, almennt, er 41%  á almenning en hér 36.72%. Þrátt fyrir hærri tekjuskattsprósentu í Danmörku þarf tvöföld lágmarkslaun hér á landi til að mismunurinn á tekjuskattinum á milli landanna fari að skila meiru hér beint í launaumslagið.  Þó er þetta ekki sjálfgefið þegar litið er til launa fyrir sambærilega vinnu. Laun láglaunafólks í Danmörku eru frá 1253 kr. fyrir unninn tíma í dagvinnu fyrir utan orlof sem er 12%. Hér heima er borgað fyrir sambærilega vinnu frá 689 kr. auk orlofs sem er 10.17% á Íslandi. Eins og áður segir er skattprósentan 41% í Danmörku almennt séð á meðan tekjurnar fara ekki yfir 3.079,800 kr. á ári.Eftir það bættist við milliskatturinn 6% á tekjur upp að 3.696,920 kr. en þá tekur við topskatturinn 15% þar á eftir. Tekjuskattsprósentu er hægt að fá lækkaða með nýju skattkorti í Danmörku ef um meiriháttar breytingu er að ræða á högum skattgreiðanda. Til dæmis, er vaxtafrádáttur vegna íbúðakaupa og dagvistun barns gefur 46% í frádrátt.  Meðlag er líka frádráttarbært, 3488 kr.á mán. svo tekjuskattprósentan getur hæglega breyst úr 41% og lækkað niður í 30% sé mikið af frádráttarliðum eins og hjá barnafjöldskyldum.Á Íslandi er eitt skattþrep sem viðheldur þeim mikla ójöfnuði sem hér er við lýði.  Ef einstaklingur þarf að sækja vinnu og keyra hennar vegna á bíl sínum 50 km. hvern vinnudag frá heimahögum fær hann í frádrátt 20.65 kr. pr. km. frá 25  km. upp að 100 km. Ef þú byggir í Danmörku og þyrftir að sækja vinnu sem samsvaraði vegalengdinni frá Reykjanesbæ til Reykjavíkur og færir 200 ferðir fram og til baka á ári þá fengirðu í skattfrádrátt  313.880 kr. Og vel að merkja, bensínverðið er lægra ytra ef eitthvað er.  Vaxtarbætur í Danmörku eru skattfrjálsar og ekki tekjutengdar og sama gildir um barnabætur.  Barnabæturnar eru greiddar á 3 mánaða fresti og fyrir barn frá 0 - 7 ára, krónur 39.150 og til 18 ára aldurs krónur 26.100. Þessi upphæð getur hæglega tvöfaldast vegna sérstakra barnabóta sé um einstætt foreldri að ræða.  Viðmið fer eftir útreiknaðri lágmarksframfærslu frá hinu opinbera.  Á Íslandi eru barnabætur tekjutengdar og borgaðar eingöngu til 16 ára aldurs og upphæð lágmarksframfærslu enn á huldu, eða að minnsta kosti á reiki.       Vextir af lánum til íbúðarkaupa hjá okkur veita skattafrádrátt. Þó er það ekki sjálfgefið því hér eru notaðar alls kyns reiknikústir til að ná þeim niður eins og hjá þeim 10 þúsund einstaklingum sem fengu engar vaxtarbætur 1.ágúst sl. vegna nýrra reglna sem fjármálaráðherrann Árni M. Mathiesen skrifaði undir í umboði Sjálfstæðisflokksins.  Útflutningsgreinarnar hér heima eiga sér þó málsbætur hvað varðar getu til að borga mannsæmandi laun því vaxtastigið sem fyrirtækin búa við í samkeppninni um markaði erlendis er hér miklu hærri en í Danmörku. Sem dæmi eru stýrivextir hjá Seðlabankanum 14 % en 3,5% í Danmörku.  Þetta fyrirkomulag leiðir af sér að á Íslandi er betra að geyma aurana sína á bankabók og liggja síðan rólegur á meltunni og bíða afrakstursins heldur en að taka þátt í uppbyggingu samfélagsins t.d. með því að fara út í fyrirtækjarekstur. Hér er fjármagstekjuskatturinn aðeins 10%. Þetta alíslenska kerfi er hannað fyrir þá efnuðu, fyrst og fremst og hina útvöldu þ.m.t.  útrásarmenn. Þetta leiðir svo sjálfkrafa til atvinnuleysis í samfélaginu og heldur skuldurum í ánauð hárra vaxta og verðtryggingar. Í Danmörku eru fjármagnstekjur hins vegar meðhöndlaðar eins og hverjar aðrar launatekjur og takið eftir að þar er engin verðtrygging eins og við þekkjum hana og enginn skilur. Viðskiptahallinn hér á landi í dag styður þessa kenningu mína en hann er um 300% af  landsframleiðlu. Á sama tíma er viðskiptajöfnuðurinn jákvæður hjá frændum vorum. Uppsveiflan er slík þar um slóðir, að vöntun er á um 10.000 manns til arðbærra starfa. Það er engin tilviljun að burtfluttum Íslendingum til Danmerkur hefur fjölgað um góð 100% frá 1993 til dagsins í dag.,,Venlig hilsen . . .”

Baldvin Nielsen, bifreiðarstjóri, Reykjanesbæ.

Grein sem birtist í Morgunblaðinu 19. nóv. 2006 þá var danska krónan 11.60 íslenskar.

[Sævar Einarsson, 15.10.2008 kl. 08:09]

Voðalega eru þeir á hinu háa alþingi duglegir að berja sér á brjóst og benda á aðra sem þurfi að svara til saka, þeir ættu að líta sér nær og minna þá á það að það eru þeir sem setja lögin í landinu. Þingmenn eiga að hætta að eyða púðri í draga bankamenn til ábyrgðar og einbeita sér að fullum krafti og hjóla í Breta, því Bretland lýsti yfir stríði á hendur Ísland, og ég spyr, hvað ætlar íslenska ríkisstjórnin að gera í því ?