Allt upp á borðið.

Það er dálítið merkilegt í öllum hremmingunum að þingmenn og aðrir eru að biðja um upplýsingar á einhverju afmörkuðu sviði. Stundum finnst manni þetta lykta af pólitík,hvort það gæti nú komið sér vel fyrir einhvern ákveðinn stjórnmálaflokki og annar sæti uppi með vandamálið.

Nú er mánuður liðinn frá neyðarlögunum og ekkert virðist vera að gerast í uppgjöri eða rannsókn á hvernig þetta allt saman gat gerst. Auðvitað er ríkisstjórnin á fullu að reyna að vinna að útvegun fjármagns og væntanlega með aðgerðaráætlun í smíðum. Allt er það gott og blessað.

Á meðan hrannast upp spurninghar hjá almenningi. Það virðist vera óhreint mjöl í hverju horni. Fólk heimtar svör. Reiðin er að magnast og magnast í þjóðfélaginu.

Það er nauðsynlegt að hlutlausir aðilar,væntanlega erlendir,verði fengnir til að kortleggja og rannsaka allt málið frá a til ö.

Slík rannsókon verður að vera hafin yfir allan vafa. Það þýðir ekkert að vera að tína einn ig einn þátt útúr. Það verður að skoða allt dæmið.

Öll minnisblöð vegna fundar viðskiptaráðherra og Darlings verði lögð fram

Athugasemdir

[Nína S (IP-tala skráð) 7.11.2008 kl. 15:36]

Auðvitað ætti ekki fámennur hópur að rannsaka sjálfa sig. (Stjórnvöld, Fjármálaeftirlitið, Seðlabankastjórnin, Eftirlitsstofnun, bankaráðin o.s.frv.) Auðvitað á allt að vera uppi á borðum og stjórnarandstaðan á vissulega að eiga aðild að athugunum og rannsóknum sem nú hafa farið fram og fara fram á bak við tjöldin og enginn má vita neitt,nema annað slagið er kastað í stjórnarandstöðuna og almenning smábrauðmolum í formi minifrétta. Það er verið að fjalla um OKKAR mál, OKKAR þjóðarinnar , mál sem eru þegar byrjuð að bitna illilega á OKKUR og svo er látið eins og okkur komi þetta ekkert við. Borguðu skattpeningar okkar ekki laun þessa fólks?

[Sigurður Jónsson, 7.11.2008 kl. 22:04]

Jú alveg sammála ykkur. þetta eru okkar mál ,allavega sitjum við uppi með málið og við eigum rétt á öllum upplýsingum

[Þorsteinn Ásgeirsson (Icerock), 7.11.2008 kl. 22:52]

Er þetta ekki svolítil ósanngirni hjá Sigurður, að vera að minnast á að það sé liðinn mánuður frá setningu neyðarlaga og ekkert hafi verið gert. Mér finnst stórvirki að hafa komið hækkun á stýrivöxtum í gegn, segðu svo að þeir hafi ekki verið á fullu að redda hlutunum.

[marco (IP-tala skráð) 7.11.2008 kl. 23:06]

Nú vantar þig bara að fá Davíð til að útskýra allt með þeim hætti að þjóðin skilji.  Er það ekki?

[Nína S (IP-tala skráð) 8.11.2008 kl. 05:13]

Nú átta ég mig ekki hvað marco er að fara? Er hann að ávarpa Sigurð eða mig? Held hann ætti að fara inn á youtube og hlusta á Power to the People og skoða myndbandið og segja svo við hvern hann er að hverjum hann beinir orðum sínum

[Jón Steinar Ragnarsson, 9.11.2008 kl. 20:33]

Jamms: Hvers vegna eru svona smámunir ekki upp á borðum: http://bjb.blog.is/blog/bjb/#entry-705206