Hvað sagði Ólafur Ragnar forseti ?

Alltaf lagast það . Nú er því haldið fram að Ólafur Ragnar hafi boðið Rússum afnot af Keflavíkurflugvelli vilji þeir lána okkur. Skrifstofa forseta segir að um ónákvæmir fréttir sé að ræða af fundinum og þetta ekki verið tengt saman. Spurningin sem eftir stendur, hvað sagði Ólafur Ragnar.

Til að sannfæra þjóðina um að Árni fjármálaráðherra hafi ekki sagt neina vitleysu við Darling fjármálaráðherra Breta þurfti að birta viðtalið í heild sinni. Nú held ég að forseti vor verði að leggja spilin á borðið og segja nákvæmlega frá því hvað hann sagði.Hvers vegna eru erlendir fjölmiðlamenn að halda fram þessu tilboði Ólafs Ragnars ef ekkert er til í því. Hafa erlendir fjölmiðlamenn virkilega svona mikið hugmyndaflug. Spilin á borðið Ólafur Ragnar.

Ingibjörg Sólrún utanríkisráðherra þarf svo væntanlega að fara yfir málin með forsetanum,því varla hefur hann umboð til að bjóða Rússum eða öðrum aðstöðu hér á landi.

Annars tel ég það vera þjóðráð hjá Ólafi Ragnar að efna til hádegisverðarfundar með auðmannaþotuliðinu og útrásarvíkingunum, sem hann hefur kynnst svo vel.Þar ætti forsetinn að hella yfir þá reiði sinni og skipa þeim að skila aftur þeim fjármunum sem þeir hafa spilað með og fjárfest víða erlendis.Það er þessi hópur sem ber mesta ábyrgð á hvernig komið er.Forsetinn gerði betur í því að taka þessa vini sína á beinið.

Hvað varð um alla þá gífurlegu fjármuni sem voru á Icesave reikningunum?

Fréttir af ummælum forseta ónákvæmar

Athugasemdir

[HDN (IP-tala skráð) 12.11.2008 kl. 12:08]

Auðvitað á ekkert að birta þetta. Menn verða að geta treyst því í samskiptum þjóðanna að umræður sem eiga að heita trúnaðarmál haldist þannig. Maður sem segist hafa mikla reynslu af pólitík og sveitastjórnarmálum ætti nú ekki að þurfa að láta stafa það ofaní sig. Það þarf ekkert að birta það sem Ólafur Ragnar sagði gagngert til að misvitrir bloggarar geti velt sér upp úr því.

[Sigurður Jónsson, 12.11.2008 kl. 12:27]

Finnst þér í lagi að forsetinn bjóði Rússum aðstöðu á Keflavíkurflugvelli og þjóðin þurfi ekkert að vita af því. Væri það ekki hlutverk utanríkisráðherra í umboði ríkisstjórnar að setja slíkt fram.Þyrfti ekki að ræða það í Utanríkismálanefnd og Alþingi að taka ákvörðun um slíkt.Fyrst erlendir fjölmiðlar halda fram að forsetinn hafi sagt þetta hlýtur hann að þurfa að gera þjóðinni nákvæma grein fyrir því hvað hann sagði. Við eigum fulla heimtingu á því.

[Reynir (IP-tala skráð) 12.11.2008 kl. 12:28]

HDN, það er tómt mál að tala um trúnað þegar um málið er fjallað í erlendum fjölmiðlum. Það hlýtur að vera fótur fyrir þessari hneykslun á forsetanum og við eigum heimtingu á að vita hvort hann hefur lagst á sveif með seðlabankastjóra og ríkisstjórn þessa lands um að grafa allan trúverðugleika okkar að fullu og öllu.

Misvitrir bloggarar, já. Það ber ekki mikið á vitinu á æðstu stöðum. Í hverju felst það? Að segja sem minnst, gera minna (og þá helst mistök) og vona það besta?  

[hinge (IP-tala skráð) 12.11.2008 kl. 13:47]

Bretar skilja eftir tölvudiska með viðkvæmum upplýsingum um hálfa þjóðina á öðru hvoru götuhorni, hm... Ég man í fljótu bragði eftir þremur slíkum tilfellum.

 Ég styð það að þjóðin verði að vera upplýst um ALLT sem fram fer um þessar mundir. Þetta væru ekki merkilegri upplýsingar en svo að Ólafur Ragnar væri þarna að greina frá eigin ræðu, ekki samtali.

Ég er einnig 100% sammála málshefjanda um vensl Ólafs og fjárdólganna; sameiginlegur hádegisverðarfundur þar væri við hæfi. Eða eru þeir ekki vinir hans lengur?

[Jónas Yngvi Ásgrímsson, 12.11.2008 kl. 14:16]

Mér finnst svo sem allt í lagi að þeir heyri sem vilja að íslendingar eru ekkert ánægðir með framkomu þjóða í okkar garð vegna einhverra fáeinna svartra sauða. En talandi um að birta upplýsingar. Hvenær kemur að því að Geir H. Haarde segir þjóðinni frá því hvaða skilyrði hann skrifaði undir við IMF.

[haraldurhar, 12.11.2008 kl. 23:12]

   Sigurður tel að þú ættir að hlusta aftur á viðtalið við 'Olaf Ragnar í Kastljósi.  Þetta viðtal við Ólaf sannfærði mig að enginn ísl. ráðamaður hefur tærnar sem hann hefur hælana.  Athyglisvert hverning hann hefur brugðist við hörmungum sl. vikna, að fara út á meðal fólks og hafa opnar umræður um ástandið, mættu fleiri ráðamenn taka hann sér til fyrirmyndar og fara út á meðal almennings en ekki vera í felum, eða í skjóli öryggisvarða er okkur er ætlað að greiða fyrir.

[Sigurður Þórðarson, 13.11.2008 kl. 00:31]

Forsetinn var flottur í Kastljósinu, ég hef hins vegar ekki séð annan eins aumingjaskap eins og ISG bauð uppá, að Bretar hefðu sjálfdæmi um hvernig herir þeirra athöfnuðu sig hér!   

Það er ríkisstjórnin sem er til skammar, mér sýnist forsetinn reyna að bjarga því sem bjargað verður.

[Jón Valur Jensson, 13.11.2008 kl. 01:30]

Góður pistill, Sigurður Jónsson. Ólafur mun hafa misst á sér eðlilegt taumhald á þessum fundi með sendiherrunum, og sízt er hann trúverðugur þegar hann hafnar því að hafa gert það, sem fram kemur í minnispunktum norska sendiherrans: hótað eða látið í veðri vaka, að við gætum boðið Rússum aðstöðu hér á Miðnesheiði, ef okkur yrði ekki hjálpað. Smáatriðið um viðbrögð rússneska sendiherrans er eitt með öðru til marks um, að sagan sé sönn, jafnvel þótt það viðbragð hans sé svo vitaskuld engin sönnun fyrir áhugaleysi Rússa, nema síður sé. Menn mega á þessum síðustu og verstu ekki láta standa sig að því að trúa öllu, sem ráðamenn segja; meira að segja gæðamaðurinn Geir mun hafa skrökvað alloft upp á síðkastið skv. útgefinni skýrslugerð þar um.

[LT (IP-tala skráð) 13.11.2008 kl. 08:21]

var ekki einhver rússneskur auðkýfingur að éta með ólafi fyrir stuttu. Er ólafur ekki bara einn af þeim sem er til í að selja okkur Rússum fyrir slikk. Hann kemst þá kannski í staðinn í flotta veislu með öðrum snobburum einhverstaðar!

[Sigurður Þórðarson, 13.11.2008 kl. 10:25]

Þessi lofgjörð Jóns Vals ber öll merki svefngalsa. Ólafur lýsti því skýrt og skorinort yfir að hann hefði aldrei sagt þetta og ekkert þessu líkt. Frásögn "Klassekampen" eru 3ja manns upplýsingar sagðar vera tilvitnun í  minnispunkta norska sendiherrans sem hefur ekki staðfest að svo sé.Eg fletti þessu upp á netmiðlum og þar er eingöngu vitnað í Klassekampen. Hversu trúverðugt er þetta Klassekampen?

Hitt er alvarlegra að :

Utanríkisráherra er á hnjánum og gefur erlendu ríki sjálfdæmi um hvort það athafnar sig með herlið hér sjá þetta hér

Þessi sami ráðherra vill gefa ganga í ESB og gefa Bretum þannig sjálfdæmi um hvort þeir nýta fiskimiðin hér til frambúðar.

[Sigurgeir Jónsson, 15.11.2008 kl. 10:57]

Það er ljóst að flöggun bleika gríssins á alþingishúsinu var ekki tilefnislaus.Hvort sem það voru útsendarar forsetans eða ekki.