Hvernig getur Styrmir Gunnarsson fullyrt að meirihluti Sjálfstæðismanna sé á móti aðild að Evrópusambandinu.

Styrmir Gunnarsson fullyrðir að hinn þögli meirihluti Sjálfstæðismanna sé á móti aðild að ESB. Þetta eru fullyrðingar út í loftið og furðulegt að þær skulu settar fram nú þegar Sjálfstyæðisflokkurinn hefur ákveðið að skoða þessi mál frá öllum hliðum.´Það er mjög óheppilegt að Styrmir sem einn af áhrifamönnum í Sjálfstæðisflokknum skuli skella svona fullyrðingum á borðið. Sjálfstæðisflokkurinn ætlar á næstu vikum að meta kosti og galla aðildar aðö ESB. Ég vænti þess að formaður flokksins muni á landsfundi leggja fram tillögu um að kannaðar verði aðildarviðræður því að öðrum kosti getum við ekki dregið fram í dagsljósið hvernig samningum við getum náð við ESB. Íslenska þjóðin kveður svo upp sinn dóm.

Sjálfstæðisflokkurinn getur ekki útilokað aðild að ESB svona fyrirfram eins og Styrmir gerir.

Lykilorusta um ESB-aðild háð á landsfundi Sjálfstæðisflokksins

Athugasemdir

[Pétur Guðmundur Ingimarsson (IP-tala skráð) 1.12.2008 kl. 23:11]

Þetta virðist nú einföld staðreynd sem studd er af nýjustu skoðanakönnunum, en aðeins 36 prósent kjósenda Sjálfstæðisflokks er fylgjandi innlimun landsins í ESB skv. þeim.

[Gestur Guðjónsson, 1.12.2008 kl. 23:16]

íhaldsmenn allra flokka sameinist.......

[[e-mail] (IP-tala skráð) 2.12.2008 kl. 03:20]

Takk fyrir þetta. Heiti potturinn leysti þessi mál í kvöld. Jarðfræðin fær að ráða för. Jarðskorpan markar skil efnahagslegrar samvinnu og réttindi samtarfsaðila okkar. Bandaríkjanna annars vegar og Noregs hins vegar. Við tökum upp nýja mynt , norskan-dollar,  og verðgildi hans miðað við hlutfallslega venslun hagkerfanna og niðurstöðu samninga um efnahagslega samvinnu og tryggingu. Stofnaður verður einn sameiginlegur lífeyrissjóður allra landsmanna - allir jafnir þar. Eignir landsmanna í bönkunum, skuldir fyrirtækja, verða færðar niður í efnahagsreikningi, frá skuld í eigið fé og hluturinn sameign þjóðarinnar. Skuldir heimilanna verðar verða færðar niður sem nemur því hlutfalli sem hver og einn valdi að skuldsetja eign sína en verðið miðað við byggingakostnað í löndunum þremur. Bandarískur banki yfirtekur tvo íslensku bankanna en Íslendingar og Norðmenn sameinast um aðra bankastarfsemi í dreifðri eignaraðild. Íslenskir bankastarfsmenn fá ný og spennandi tækifæri hjá banka á við City Bank. Auðlindir og forgangssamstarf um þær mótast af jarðfræðilegri legu. Þannig ættu Norðmenn forgangsaðgang að samstarfi um Drekasvæðið en Bandaríkin allt svæðið vestan við sprungumótin frá Reykjaneshrygg að Kleifarvatni og svo norðaustur í gegnum landi. Allur lífmassi í hafi, ám og vötnum verður sameign þjóðarinnar þótt núverandi nýtingaréttur verði virtur, vatnsföll af öllum toga einnig sem og orkubúskapur  þjóðarinnar gjörvallur auk landsins alls að öðru leiti. Náttúra landsins mun í auknum mæli færast í þjóðlega umsýslan og lúta ströngustu skilyrðum um sjálfbærni og samfélagslega ábyrga ræktun. Margt fleira kom fram í heita pottinum enda var skipuritið og verklagsferlið allt klárað á 40 mínútum enda karlarnir sumir orðnir ansi estrogenískir hlutfallslega séð út af hitanum og gátu því gert eitthvað annað en tuða.

Heiti potturinn er ekki sem verstur sjálfur

[Jón Valur Jensson, 2.12.2008 kl. 03:21]

Pétur Guðmundur, afstaða manna í Sjálfstæðisflokknum er enn harðari gegn aðild að Evrópubandalaginu en þú varst þér meðvitaður um. Fyrir 12 dögum birti Morgunblaðið ýtarlega skoðanakönnun um EBé-aðild, sem Capacent Gallup gerði fyrir Samtök iðnaðarins (sjá þessa grein mína, sbr. þessa). Þar kom fram, að einungis "24% sjálfstæðismanna eru hlynnt aðild, en 54% andvíg"! Andstæðingar aðildar eru þannig 2,25 sinnum fleiri en fylgjendur hennar í Sjálfstæðisflokknum.

Ég skil ekki, hvernig Sigurður Jónsson getur skrifað eins og hann gerir hér ofar (eins og hann skrifar þó oft svo ágætt mál) – er ekki allt í lagi að fylgjast betur með?

[Guðbjörn Guðbjörnsson, 2.12.2008 kl. 08:04]

Jón Valur:

Rétt hjá þér.

Sjálfstæðisflokkurin var með í kringum 40% fylgi en er nú með um 20% fylgi. Þeim sem líta á sig sem sjálfstæðismenn hefur fækkað um helming.

Að undanskildum þessum 24% sjálfstæðismanna, sem ég tilheyri, vill þá afgangurinn að þessum 20 % - ekki lengur 40% - ekki aðild að ESB. Hafni flokkurinn aðild ganga ég og afgangurinn af þessum 1/4 af núverandi fylgi flokksins einnig úr flokknum og eftir verður Sjálfstæðisflokkur með um 15% fylgi. Verði þér að góðu.

Við þessi rúmlega 20% stofnum þá annan hægri flokk, sem verur með ESB aðild og mýkri hægri stefnu að stefnumáli og munum hugsanlega ná í fylgi frá Framsóknarflokknum, Frjálslyndum og Samfylkingu. Þessi flokkur gæti náð 30-35% í fyrstu kosningum sínum.

[Sigurður Jónsson, 2.12.2008 kl. 09:04]

Jú,jú ég vissi um skoðanakönnunina. Það sem ég er að segja. Sjálfstæðisflokkurinn hefur tekið ákvörðun um að skoða ESB málið frá öllum hliðum fordæmalaust. það er því slæmt þegar einn af helstu áhrifamönnum flokksins gefur á þeim tímapunkti út sterka yfirlýsingu gegn ESB. Það á að gefa því tækifæri að skoða málin fordæmalaust og taka síðan ákvörðun. Að mínu viti hefur þessi vinna engan tilgang hafi menn þegar tekið ákvörðun.

[Bjarni Kjartansson, 2.12.2008 kl. 09:30]

Sjáðu til.

Við sem teljum okkur SJÁLFSTÆÐIS menn viljum vera SJÁLFSTÆÐIR.

Við viljum EKKI kerfi þar sem auðlindirnar verða frá börnum okkar teknar ein af öðrum og byrjað á fiskistofnum við landið.

Það LIGGUR FYRIR að við fáum EKKI neinar ívilnanir frá Fiskveiðikerfi þeirra. 

Það liggur fyrir, að við fáum EKKI undanþágu um, að geta tryggt Fullveldisrétt þjóðarinnar á einu né neinu.

Þetta þýðir einfaldlega, að skipin, sem koma til með að veiða fiskinn við strendur landsins, þurfa EKKI að koma til löndunar he´r og því verður ekki um útflutning að ræða og því ekki tekjur fyrir ÞJÓÐINA bara eigendurna úti í útlandinu.

Sama er um orkuveiturnar, þær meiga samkv ESB samningnum EKKI vera í opinberri eigu, því mun gerast líkt og í sumum héruðum Frakklands og Hollandi , Belgíu og víðar, að fyrirtæki, sem gera upp til skatts í öðru ríki, koma til með að eiga orkufyrirtækin og því verður ekki um neinn virðisauka og því aungvar tekjur fyrir ÞJÓÐINA og þvi´lítið um pening til að borga fyrir hjúkrunarheimilin, sem okkar bíða.

Með kveðju SJÁLFSTÆÐIS

 Miðbæjaríhaldið

[Bjarni Gunnarsson (IP-tala skráð) 2.12.2008 kl. 10:19]

Hann ætti að segja af sér þingmennsku hið snarasta.Hann var í stjórn sjóða Glitnis gamla og ætti að fjúka.

[Jón Valur Jensson, 2.12.2008 kl. 10:46]

Guðbjörn sér ekki aðalatriði málsins, en Bjarni Kjartansson gerir það svo sannarlega.

Það verður ekki bæði sleppt og haldið. En andstæðingar Ebé-aðildar eru 2,25 sinnum fleiri en fylgjendur hennar í Sjálfstæðisflokknum. Flokkur, sem kysi að líta ekki til slíkrar staðreyndar um bakland sitt og stuðningsfólk, yrði naumast sagður kunna fótum sínum forráð. Og að láta þá þjóð ganga í Ebé, sem langminnst yrði þar allra þjóða og réði minnstu (engu faktískt), en hefur einhverjar mestu auðlindir (fiskistofna og sennilega olíu og gas, á Drekasvæðinu) af því tagi, sem bandalagið bráðvantar og myndi slá eign sinni á í reynd, það væri langtum verri afleikur heldur en nokkurn tímann Icesave- og Kaupthing-Edge-málin samanlögð.

En Guðbirni get ég einnig svarað þannig (af því að ekki verður bæði sleppt og haldið í pólitískum stefnumálum), að jafnvel þótt einhverjir úr þessum 24% minnihluta í Sjálfstæðisflokknum færu yfir á Samfylkingu eða Framsókn, þá kæmu í staðinn aðrir ekki síðri til Sjálfstæðisflokks, þ.e. fólk úr öðrum flokkum, sem ann fullveldi þjóðarinnar. Væri Sjálfstæðisflokkurinn sá eini í framboði, sem stæði með skýrum hætti gegn hinni óráðlegu Ebé-innlimun, sem ýmsir knýja á um, þá myndi fylgi fullveldissinna sópast að honum umfram alla aðra flokka.

Sigurður minn, ég held þú verðir að átta þig á því, að það stendur yfir barátta fyrir sjálfstæði þjóðarinnar – gegn þeim, sem vilja glutra niður æðstu yfirráðum okkar yfir eigin málum. Þessi barátta bíður ekki eftir neinu og verður ekki útkljáð með því að menn þegi sem fastast, þangað til þeir geti rætt það í reykfylltum bakherbergjum eða á einungis þriggja daga landsfundi.

Ert þú ekki annars ekki sjálfstæðismaður? – ég hélt, að það væri ein meginuppistaðan í því að vera Sjálfstæðisflokksmaður.

[Gunnlaugur Ingvarsson (IP-tala skráð) 2.12.2008 kl. 11:14]

Ég get ekki séð annað en að Sjálfstæðisflokkurinn verði að taka tillit til þessa mikla meirluta flokksmanna sem EKKI vill að þjóðin gangi í ESB.

Að ætla nú að gjörbreyta stefnu flokksins í þessu máli, bara til þess að þóknast þessum augljósa minnilutahóp sem aðhyllist ESB aðild yrði bara til þess að kljúfa flokkinn í herðar niður.

[Hjörtur J. Guðmundsson, 2.12.2008 kl. 12:05]

Hverjir eru sjálfstæðismenn? Þeir sem segjast ætla að kjósa flokkinn í þessari eða þessari skoðanakönnun eða þeir sem skráðir eru sem félagsmenn í Sjálfstæðisflokknum?

[Hjörtur J. Guðmundsson, 2.12.2008 kl. 12:07]

Svo má bæta því við að Sjálfstæðisflokkurinn hefur margoft skoðað Evrópumálin frá öllum hliðum. Síðast með Evrópuskýrslu forsætisráðherra sem kom út á síðasta ári og flokkurinn átti mikla aðild. Niðurstaðan hefur einfaldlega verið til þessa að Evrópusambandsaðild þjónaði ekki hagsmunum Íslendinga.

[Sigurður Viktor Úlfarsson, 2.12.2008 kl. 13:01]

Hann fullyrðir þetta með sama hætti og ESB-sinnar fullyrða að flokkurinn "hljóti að samþykkja að fara í viðræður".  Hverjum þykir sinn fugl fagur.

[Ragnar Gunnlaugsson, 2.12.2008 kl. 14:58]

Finnst fólki það nauðsynlegast núna að veikja atvinnuvegina þ.e.s.sjávarútveg og landbúnað. Ég held að við þurfum mikið frekar að styrkja þær stoðir ef við eigum að komast út úr þessum þrengingum. Við þurfum fyrst og fremst að auka okkar framleiðslu ,erum við ekki búin að fá nóg af því að lifa á einhverju öðru, eins og banka rekstri. Ef við ætlum okkur að lifa á erlendum lántökum til framtíðar þá er sjálfsagt fyrir okkur að ganga í ESB.

[Sigurður Þórðarson, 2.12.2008 kl. 15:53]

Sjálfstæðisflokkurinn er í veikri stöðu. Kannski lætur hann Samfylkinguna pína sig í aðildarviðræður við ESB?

[Sigurður Jónsson, 2.12.2008 kl. 15:55]

Vangaveltur mínar um ESB eru skrifaðar vegna þess að ég tilheyri þeim hópi, sem hreinlega er ekki sannfærður hyvort það væri rétt eða til hagsbóta fyrir þjóðina að ganga í ESB. Ég held að svo sé um fleiri. Við viljum fá kosti og galla setta fram á skýran hátt. Ég hef staðið í þeirri trú að Sjálfstæðisflokkurinn væri að fara í þá vinnu.

Ef það liggur alveg ljóst fyrir að við missum okkar yfirráð yfir fiskimiðunum og að við missum okkar landbúnað tel ég of miklu fórnað með inngöngu í ESB. Vandamálið er að sumir stjórnmálamenn sem vilja telja sig ábyrga segja að við getum örugglega fengið okkar sérstöðu okkar,þannig að við þurfum ekkert að óttast. Hafi þeir rangt fyrir sér þarf það að koma skýrt fram. Ég er alveg sannfærður um að meirihluti þjóðarinnar vill ekki fórna yfirráðum yfir sjávarútvegi og landbúnaði. Er alveg pottþétt að við verðum að gera það?

[Jón Valur Jensson, 2.12.2008 kl. 16:29]

Gott svar hjá þér, Sigurður: "Ef það liggur alveg ljóst fyrir að við missum okkar yfirráð yfir fiskimiðunum og að við missum okkar landbúnað tel ég of miklu fórnað með inngöngu í ESB." – Sjáum nú til, hverjir taka undir með þér í þessu. (Lít bráðlega aftur á umræðuna.)