Átti að slá skjaldborg um spillingu? Nú reynir á Viðskiptaráðherra.

Samkvæmt fréttum sem berast hafa tvær af skilanefndum bankanna neitað að afhenda gögn banka í Lúxemborg,sem hafa verið í eigu Íslendinga.Standist sú neitun hlýtur öll eftirlitsvinna að verða mun erfiðari því margir Íslanedingar tengjast þessum bönkum með viðskiptum.

Nánast daglega eru nú að koma fréttir sem auka á tortryggni fólks. Er eitthvað að marka yfirlýsingar um að allt verði dregið fram sem kann að orka tvímælist. Ekkert verði til sparað að öll spil verði lögð á borðið. Komi eitthvað gruggugt í ljós verði menn látnir sæta ábyrgð.

Því miður er byrjunin þannig að hún lofar ekki góðu. Það virðast vera ansi miklir tilburðir í þá áttina að slá skjaldborg um spillinguna. Það er kannski eðlilegt miðað við reynsluna. Það er ekki mjög langt síðan olíufélaga hneykslið var hér.Rýr var nú niðurstaðan úr því máli. Aðeins einn maður, sem ekki var æðst ráðandi,látin sæta ábyrgð. Aðrir ekki. Almenningur situr uppi með skaðann.

Það sem forystumenn í okkar landsmálum verða að átta sig á að nú er mælirinn fullur í huga margra. Það mun ekki ganga gagnvart almenningi að segja,þetta er allt á hreinu,það voru engin mistök gerð. Þjóðin verður bara að sætta sig við þetta og bera skaðann. Svona yfirlýsingar munu hreinlega ekki ganga núna.

Þess vegna segi ég að haldi Sjálfstæðisflokkurinn að það muni ganga verða þau ekki mörg atkvæðin sem við fáum í næstu kosningum,jafnvel þótt þær verði ekki fyrr en 2011.

Björgvin viðskiptaráðherra hefur haft stór orð um það að allt verði látið koma fram, fólk muni geta treyst því að nþað verði ekki slegin skjaldborg um spillinguna. Nú reynir á að hann standi við orð sín.

Auðvitað mun það heyrast að við eigum ekki að vera að leita að sökudólgum. Rétt er að við eigum ekki að dæma menn fyrirfram. Einmitt til að koma í veg fyrir slíkt er að öll spil verði lögð á borðið og það verði unnið hratt. Þá munkoma í ljós hvort einhverjir hafa farið út fyrir ramma laganna eða ekki.

 

 

Kaupþing í Lúx ekki selt nema gögnin fáist

Athugasemdir

[Númi (IP-tala skráð) 10.12.2008 kl. 23:49]

Já Sigurður,blámannaflokkurinn verður í rústi eftir næstu kosningar,allt honum sjálfum að þakka.

[Sigurður Þórðarson, 11.12.2008 kl. 08:44]

Þetta er allt sjónarspil og sýndarmennska hvort sem er það vita allir. Í hvert skipti sem alvarleg spillingarmál voru á ferð var Ríkisendurskoðun fengin til að lýsa því yfir að allt væri í himnalagi.   Svo er almenningur látinn borga brúsann fyrir þessar syndakvittanir ofanálag, til að bíta höfuðið af skömminni.