Loksins smá jákvæð frétt. Ekki veitir af.Einnig neikvæð frétt: Viðbótarlífeyrissjóður rýrnar hressilega.

Jæja,loksins kemur smá jákvæð frétt í öllu svartnættinu. Auðvitað þarf að setja einhver mörk á það hvað hægt er að pína fólk sem lendir í vanskilum.Teknir eru dráttarvextir af vanskilum sem er í sjálfu sér eðlilegten þetta vanskilagjald er erfitt að skilja. Gott hjá viðskiptaráðherra að reyna að létta aðeins undir með almenningi.

Þessar sífelldu neikvæðu fréttir nú í skammdeginu fara örugglega illa með andlega líðan margra.Ég fletti áðan upp á yfirliti vegna viðbótarlífeyrissparnaðar hjá Landsbankanum. Þar kemur í ljós að sparnaður hefur rýrnað um 20% a.m.k. Ekki eru nú þetta upplífgandi fréttir svona rétt fyrir jólin. Það er hreint og beint ótrúlegt hvernig þessum 30 körlum og 3 konum hefur tekist með ótrúlegri ævintýramennsku að skaða alla þjóðina.

Það er ekki nóg með að allur almenningur tapi verulega heldur þarf þjóðin að taka á sig verulegar skuldir vegna þess hvernig 30 karlarnair og 3 konurnar spiluðu með peninga almennings.

Hvar var eftirlitið? Hvar voru fjölmiðlarnir?

Vonandi förum við að fá jákvæðari fréttir á næstu vikum.

 

 

 

Segir innheimtu neytendavænni