Auka þarf gjaldeyristekjur og skapa ný atvinnutækifæri.

Miðað við stöðu efnahagsmála nú og skuldastöðu þjóðarbúsins er lífsspursmál fyrir okkur að auka gjaldeyristekjur. Nærtækast í því er að nú verði settur kraftur í að virkja til að við getum selt orkuna. Við höfum ekkert val við hreinlega verðum að gera það.Með því móti getum við aukið okkar gjaldeyristekjur og skapað ný tækifæri.

Það myndi t.d.skapa gífurlega mikla vinnu og tekjur ef hægt væri hægt að halda áfram með álverið í Helguvík og setja framkvæmdir við álver við Húsavík á fullt.

Mörg fleiri tækifæri eru til að nýta orkuna t.d. með gagnaverum og netþjónabúum.

Ef við eigum að geta náð okkur fljótt upp úr dalnum verður að stuðla að því að við framleiðum meiri orku til að skapa tekjur. Það eru raunhæfar tekjur.

Hátt í fimm þúsund störf í orkufrekum iðnaði

Athugasemdir

[Jóhann (IP-tala skráð) 22.12.2008 kl. 12:44]

Var ekki AGS ad segja ad stada okkar í dag sé m.a. tilkomin vegna virkjunar vid Kárahnjúka og álversframkvæmdanna fyrir austan?

Víst höfum vid val og vonandi er sá tími kominn ad vid förum ad hugsa út fyrir álrammann. 

[Sigurður Þórðarson, 22.12.2008 kl. 14:19]

Kæri nafni

Þú hefur eitthvað ruglast á dagatölum við erum löngu byrjuð að borga með raforkunni í álverin.

Síðast þegar ég gáði var álverðið komið ofaní 1465 dollara  Sjáðu þessa færslu hér

[Jörundur Garðarsson, 22.12.2008 kl. 15:19]

Það þarf að byrja á að auka aflaheimildir um 100 þús tonn og skipta þeim afla niður á sjávarbyggðirnar sem voru arðrændar.  Eitthvað er ennþá eftir af fólki sem kann til verka í þeim bransa.  Þetta er raunhæfasta leiðin til þess að bjarga okkur úr vandanum.  Sjávarútvegurinn gerði okkur rík.  Skilningsleysi stjórnmálamanna á samfélagsbyggingunni og hagfræðikenningar þeirra hafa rústað því sem þjóðinni tókst að byggja upp á 100 árum.

[Sigurður Þórðarson, 22.12.2008 kl. 15:59]

Ég er innilega sammála þér Jörundur. Ég held að margir stjórnmálamenn haldi að kvóti sé aðalega eitthvað til að veðsetja og það sé hægt að leggja fiskinn fyrir eins og peninga á bók.

[Sigurður Jónsson, 22.12.2008 kl. 16:59]

Ég hef skrifað um að auka eugi aflaheimildir nú á þessum tímum. Það á að hlusta á sjómennina sem fullyrða að það sé óhætt. Við þurfum einnig að efla landbúnað,iðnað og ferðþjónustuna. þetta skilar okkur atvinnu og tekjum.Það verður ekki komist hjá því að virkja meira. Að sjálfsögðu á ekki eingöngu að beina öllu í álver. Það eru ýmsir aðrir möguleikar til í að nýta orkuna. En það væri vitlaust að stöðva uppbygginguna í Helguvík og fyrirhugfaðar framkvæmdir á Bakka við Húsavík.

[Eyjólfur Jónsson, 22.12.2008 kl. 17:27]

Það ER hægt að skapa atvinnu í landinu ÁN þess að smíða virkjanir út um allt land. Það er eins og alli hafi gleimt hvernig á að afla tekna án álvers og stóriðju. Della og vitleysa að halda öðru fram. Og þar að auki sæmilega vel vitbornir menn!

Wolfang (eyjólfur Jónsson)

[Sigurður M Grétarsson, 23.12.2008 kl. 11:47]

Það var í frétum í dag að lánshæfismat Landsvikjunar var að lækka. Landsvirkjun mun því ekki geta náð í lánsfé til að byggja virkjanir fyrir þessi álver. Þar að auki er álverðið orðið það lágt að það er væntanlega borin von að fá einhver fyrirtæki til að reisa álver hér á landi eða bara hvar, sem er í heiminum á næstu árum. Álfyrirtækið, sem er með álver á Bakka í athugun var að fresta framkvæmdum akkúrat af þeim ástæðum.

Við náum ekki að rísa upp úr kreppunni með óraunhæfum töfralausnum eins og þessum álversdraumum. Það stendur einfadlega ekki til boða eins og er.