Kosningar í vor. Eina lausnin.Kjósum 23.maí n.k.

Ég hef sagt það í pislum mínum að undanförnu að það verður ekki komist hjá því að efna til kosninga í vor.Í stað þess að ríghalda í stólana á Sjálfstæðisflokkurinn að hafa frumkvæði að því að boðað verði til kosninga.Geir H.Haade,forsætisráðherra,hefur valdið til þess að ákveða kosningadaginn.

Miklar líkur eru á því að Sjálfstæðisflokkurinn  hafni því að farið verði í aðildarviöðræður við ESB og þar með er stjórnin sprungin.Ég er sannfærður um að mjög margir munu vera sammála Sjálfstæðisflokknum að það vinnist ekkert með inngöngu í ESB.

Sjálfstæðisflookurinn verður að gera upp fortíðina og horfa síðan til framtíðar. Flokkurinn þarf að yfirgefa ný frjálshyggjuna og gera mannabreytingar´.

Grasrótin í Sjálfstæðisflokknum verður að vinna að þessum málum.Sjálfstæðisflokkurinn á að gefa það út að kosið verði laugardaginn 23.maí 2009.

Allt á suðupunkti við Alþingi

Athugasemdir

[Helgi Hrafn Gunnarsson (IP-tala skráð) 20.1.2009 kl. 16:40]

En þá missa þeir völdin, og völdin eru það eina sem Sjálfstæðisflokkurinn gengur út á. Það er meira eða minna bókað mál að Sjálfstæðisflokkurinn myndi bíða afhroð í nýjum kosningum, svo ég spyr, hvers vegna ættu þeir að boða til þeirra (frá þeirra sjónarhorni)?

[Sigurður Sveinsson, 20.1.2009 kl. 16:46]

Það er gott til þess að vita að margir stuðningsmenn stjórnarflokkanna skuli taka undir kröfu um kosningar. Þessi ríkisstjórn er öllu trausti rúin. Ég veit að þú ert gallharður íhaldsmaður, nafni minn góður. Ef ég ætti hatt tæki ég ofan fyrir þér.

[Jón Snæbjörnsson, 20.1.2009 kl. 16:46]

Fyrst þeir sjá ekki að sér er líklega ekki annað í stöðunni en að kjósa - 23 mai er jafngóður og hver annar dagur en um þetta leiti þarf að vera búið að skvera kofann

[Baldur Hermannsson, 20.1.2009 kl. 17:17]

Sammála þér, Sigurður - að mestu. Ég held hins vegar að Samfylkingin sé ófús að leggja í kosningar með formanninn heilsuveilan. Illspá Wade´s hefur líka lagst illa í mig. Væri ekki betra að bíða haustsins úr því sem komið er? Ekki er flas til fagnaðar.

[Sigurður Jónsson, 20.1.2009 kl. 18:07]

Auðvitað er það ekkert heilagur dagur að kjósa 23,maí. Aðalatriðið er að koma til móts við þjóðina og áveða kjördaginn,hvort sem það verður í maí eða sept.Ég mæli þó frekar með maí. Ef forusta Sjálfstæðisflokksins ákveður þetta ekki verður Landsfundurinn að samþykkja slíka tillögu.Mótmælin eru bara ekki fámennur hópur öfgamanna,þau eru í sjálfu sér mun víðtækari en mætingin í dag og á laugardögum sýnir.

Við verðum að viðurkenna að ný frjálshyggjan hefur beðið skipbrot. Stjórnvöld brugðust eftirlitsskyldu sinni.Það getur ekki orðið sátt og friður þegar fólk sér forsíðufrétt eins og í Morgunblaðinu í dag:" Milljarðalán án áhættu "Kaupthing lánaði tugi milljarða áðu en samþykki lánanefndar lá fyrir."

Almenningi stóð ekki og standa ekki til boða svona kjör.

Mikill meirihluti Sjálfstæðismanna var og er á móti þeirri gífurlegu græðgishyggju sem hefur verið ríkjandi.Flokkurinn hefur verið byggður upp af fólki sem skilur að það þarf að skapa raunhæf verðmæti með sjávarútvegi,landbúnaði,iðnaði,ferðaþjónustu og heilbrigðri verslun. Á bak við papírsviðskiptin voru bara loftbólur.

Mér líst vel á hugmyndir Kristins um alþjóðlegt ráðgjafafyrirtæki.

[Anna Benkovic Mikaelsdóttir, 20.1.2009 kl. 19:42]

já kosningar!

[Númi (IP-tala skráð) 20.1.2009 kl. 23:14]

Þjóðstjórn er eina vitið ,fólk en ekki flokka.Legg til að fólk kíki á síðu Björn Bjarnasonar Dómsmálaráðherradindils,hvílíkur hroki hjá þeim dindli,Björn Bjarnason Farðu sem allra fyrst,langt í burt.Ef ég myndi mæta þessum ráðherradindli,að þá myndi ég hrækja á hann.

[Friðrik Hansen Guðmundsson, 20.1.2009 kl. 23:16]

Sæll Sigurður

Ég er sammála þér.

Það næst engin friður fyrr en þeir sem stóðu við stýrið og ákváðu að treysta frekar ungum óreyndum íslenskum bankamönnum og útrásarvíkingunum fremur en alþjóðlegum sérfræðingum og tók ekkert mark á viðvörunarbjöllum og siglingarmerkjum, það fólk á að axla sína ábyrgð á þeirri hræðilegu stöðu sem við nú erum í.

Það versta er að til viðbótar þessu virðist ríkisstjórnin ekki hafa það sem þarf til að rífa okkur upp úr þessu og blása þjóðinni von í brjóst. Það er ekkert að gerast. Við sjáum það að loforð um aðstoð við heimilin í landinu eru bara orðin tóm.

Sýslumenn landsins hafa greinilega ekki fengið nein fyrirmæli um að milda innheimtuaðgerðir eins og lofað var. Sýslumaðurinn á Selfossi vakti eftirminnilega athygli á því. Greinilegt var að maðurinn vildi ekki fyrir nokkurn mun fara og ná í þetta fólk og draga það í fjárnám. Í staðinn fór hann í fjölmiðla og fékk þá fyrst ráðherraleyfi til að láta þetta fólk sem vitað er að getur ekki borgað í friði. Ætli það verði nema tímabundið og ætli sýslumaður fái ekki skömm í hattinn.

Mér virðist sama hvar borið er niður það virðist enginn vera að gera neitt, allavega fátt. Það er ekki hægt að líða það.

[Páll (IP-tala skráð) 20.1.2009 kl. 23:52]

Miklar líkur eru á því að Sjálfstæðisflokkurinn  hafni því að farið verði í aðildarviðræður við ESB segir þú.

Er ekki málið að þessi Evrópuumræða hjá Sjálfstæðisflokknum er bara ein stór "Smjörklípa". Raunveruleg ástæða fyrir því að forysta flokksins er að boða til Landsfundar eins fljótt og verða mátti eftir hrunið er til að tryggja að þau nái kjöri. Í haust verður allt orðið vitlaust, Davíð og hugsanlega fleiri hefðu þá líka tóm til að undirbúa mótframboð.

Þegar ákveðið er að boða til Landsfundar undir yfirskini Evrópuumræðunnar þá gleyma menn öllu öðru í hita þeirrar umræðu. Flokksmenn hafa engan tíma til að undirbúa eða ræða eitt annað en ESB og Sjálfstæðisflokkurinn kýs föður efnahagshrunsins til áframhaldandi formannsstarfa.

Þegar næst verður kosinn formaður í Sjálfstæðisflokknum, haustið 2011 þá verða þrjú ári liðin frá hruninu og ástandi vonandi eitthvað betra til halda Landsfund og fara í formannskjör.

[Sigurður Jónsson, 20.1.2009 kl. 23:53]

Sigurbjörg og Gunnar. Ekki veit ég nú hvort Framsókn er lausnin.Reynda líst mér ljómandi vel á framkomu formannsins.Nei,ég ætla aðeins að sjá til hvernig mál munu þróast hjá Sjálfstæðisflokknum. En það er alveg á hreinu að nú verður eitthvað að gerast. Eina raunhæfa leiðin fyrir Geir er að boða til kosninga.

[Jónas Yngvi Ásgrímsson, 21.1.2009 kl. 00:09]

Ráðherrar Sjálfstæðisflokksins hafa tönnglast á því að kjósendur fái að segja sitt álit í kosningum. Mér finnst þess vegna líklegt að þeir komi til með að hanga á völdunum eins lengi og þeir geta. Í raun er eina von okkar til kosninga sú að Samfylkingarmenn hræðist að þeirra fylgi fari að falla meira og þeir slíti því stjórnarsamstarfinu. Þegar lokst verður síðan boðað til kosninga þá tel ég að Sjálfstæðismenn þori ekki í prófkjör þar sem þeir væru hræddir við það afhroð sem bíður þeirra í prófkjöri. Ég gæti t.d. séð fyrir mér að Árni Matt. kæmist ekki hátt á lista á Suðurlandi í prófkjöri.

[Arnbjörn Eiríksson (IP-tala skráð) 21.1.2009 kl. 00:16]

Sæll Sigurður það á að hætta að kjósa flokka þeir eru gengnir sér til húðar það hljóta menn að vera búnir að sjá.  Það er til fullt af fólki sem er hæft bæði úr öllum flokkum og einnig sem ekki hafa verið að pota sér framm í flokksklíkum.   Kjósa fólk ekki flokka. Kveðja.