Kjósendur að átta sig á að Sjálfstæðisflokkurinn er besti...

13.2.2009 | 17:37

Kjósendur að átta sig á að Sjálfstæðisflokkurinn er besti kosturinn.

Það er ánægjulegt að sjá að eftir slakt gengi Sjálfstæðisflokksins um nokkuð langan tíma eru kjósendur nú að átta sig betur og betur á því að Sjálfstæðisflokkurinn er besti kosturinn til að hafa forustu um endurreisn landsins.

Sjálfstæðisflokkurinn er nú að fara yfir sín mál og marka stefnu til framtíðar og mun leggja skýrar línur fram á landsfundinum í lok mars n.k.

Auðvitað hafa verið gerð mörg mistök á undanförnum árum þar sem engin einn ber ábyrgðina.Aðalatriðið er að hrun bankanna og að þjóðin skuli nú vera skuldsett upp fyrir haus,er fyrst og fremst fyrrum bankaeigendum ,bankastjórum og útrásarvíkingum að kenna.

Við erum ekki ein hér á Íslandi að eiga í vanda. Flestar þjóðir berjast við efnahagsvanda og leita ráða til að leysa hann. Kjósendur hafa nú fengið smá sýnishorn af því að hafa Vinstri stjórn í landinu.Fleiri og fleiri munu sjá að það er ekki til góðs fyrir Ísland eigi þau sjónarmið að ráða hér ríkjum næstu ár.

Með virkilegri endurnýjun á framboðslistum Sjálfstæðisflokksins og þeirri góðu stefnu sem flokkurinn setur fram mun fylgið halda áfram að aukast og úrslit kosninganna verða mjög jákvæða fyrir flokkinn.

	Stuðningur við Sjálfstæðisflokk og Samfylkingu eykst
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Haha já, höldum okkur við sama flokk og setti Ísland aaalveg á hausinn. Það er langbest að vera íhaldssöm og gjaldþrota! :)

Atli Stefán Yngvason (IP-tala skráð) 13.2.2009 kl. 17:47

Mér finnst nú algjört grín haldi fólk að Vinstri grænir og Samfylkingin leiði þjóðina inní framtíðina.Finnst þér virkilega að þessir fáu dagar Jóhönnu og Steingríms J. lofi góðu um framhaldið.

Sigurður Jónsson, 13.2.2009 kl. 17:47

Ljóst er að vegna ákvarðana sem síðar kom í sljós að hefðu ekki verið réttar, hefur kreppan stungið sér harðar niður hjá okkur en í öðrum löndum. Hvort um léttúð eða hreint og beint kæruleysi hafi verið um að ræða, að sleppa tauminn af öllu sem tengist varkárni, t.d. með afnámi bindiskyldu í kjölfar einkavæðingar bankanna, skal ósagt látið. En skaðinn er skeður og ábyrgð Sjálfstæðisflokksins er óneitanlega mjög mikil og óvéfengd.

Traust á Sjálfstæðisflokknum hefur beðið gríðarlegan hnekk og það tekur sjálfsagt langan tíma uns flokkur sá endurheimti traustið. Óskiljanllegt er, að hvorki Framsóknarflokkur né sjálfstæðisflokkur hafi skilað ársreikningum fyrir árið 2007 þrátt fyrir nýleg lagafyrirmæli þar að lútandi.

Nú ber stjórnmálaflokkum lagaskylda að gera grein fyrir uppruna og notum þess mikla fjár sem þeir hafa undir höndum. Þessar reglur þykja sjálfsagðar í öllum þeim löndum þar sem lýðræði er virt að fullu. Það er ekki stjórnmálaflokkum sæmandi sem vilja láta taka mark á sér að virða að vettugi þessar sjálfsögðu reglur. Slíkt fyrirkomulag þekktisthjá kommúnistaflokkum í Austur Evrópu og sjálfsagt víðar þar sem mannréttindi hafa ekki verið upp á marga fiska.

Við erum á fullri ferð vonandi í betra og opnara lýðræði!

Mosi

Guðjón Sigþór Jensson, 13.2.2009 kl. 17:55

Er það ekki líka algjört grín að sá flokkur sem leiddi okkur inn í nútíðina geti leitt okkur inn í framtíðina?Ef verk núverandi ríkisstjórnar tala þá er það vegna þess að hún ræður einhverju um framvinduna, sem er þá vond að þínum dómi, og fráfarandi ríkisstjórn hlýtur þá líka að hafa einhverju ráðið um framvinduna sem setti okkur á hausinn. Nema hún hafi bara verið upp á punt.

Sigurður Þór Guðjónsson, 13.2.2009 kl. 17:59

Takið eftir að allir sem segja Sjálfstæðisflokkinn vera hinn eina sanna og engan annan, eru allt saman eldgamlir kallar og einhverjir viðskiptahommar.. nei takk, landið verður sko ekki endurreist af einhverjum forex fávitum.
Ef D-ið kemst við stjórn, þá skulu þeir fyrst byrja hafa áhyggjur af landsflótta...

Örn (IP-tala skráð) 13.2.2009 kl. 18:01

Ertu búinn að kíkja í kjörkassana? Ég hef grun um að hagkerfishrunið muni kosta Sjálfstæðisflokkinn mörg atkvæði. En vissulega er ég sammála þér að það voru þeir sem nauðguðu kerfinu sem mesta sök bera. Og vörn þeirra að segja að kerfið hafi boðið upp á þetta finnst mér vera sambærilegt og þegar nauðgari segir fórnarlambið hafa beðið um þetta.

Offari, 13.2.2009 kl. 18:03

Sjálfstæðisflokkurinn besti kosturinn ? Góður húmor.

Anna Einarsdóttir, 13.2.2009 kl. 18:37

Það fer eftir því hvaða aðrir kostir eru í boði. Kannski ef velja ætti á milli xD og sameiginlegs framboðs Idi Amins, Pinochets og Halldórs Ásgrímssonar.

marco (IP-tala skráð) 13.2.2009 kl. 18:41

Kjósendur eru ekki að átta sig á einu eða neinu, heldur er alzheimerinn að kikka inn eina ferðina enn - amk ef fólk heldur að xD sé málið...

Magnús (IP-tala skráð) 13.2.2009 kl. 19:01

Thad tharf ad einangra skrípóflokkinn.

"Á bilinu 94% til 95% þeirra sem segjast myndu kjósa Vinstri græna eða Samfylkinguna segjast styðja ríkisstjórnina. Þá segjast 61% framsóknarmanna og 3% sjálfstæðismanna styðja ríkisstjórnina"

Sjálfstaedisflokkurinn á ekki ad komast í stjórn naestu áratugi. ÚTILOKA thessa bjána. Ekki er haegt ad láta thá heimskinga sem kjósa thessi fífl ráda ferdinni.

Gummi (IP-tala skráð) 13.2.2009 kl. 19:07

Sjálfsstæðisdrullan er að verkum hér.

þú ert einn að þeim....ætti nú bara að taka ykkur og stinga sinnep upp í rassgatið á ykkur...

Arnar (IP-tala skráð) 13.2.2009 kl. 19:30

Fjölmiðlar sjá til þess að forsætisráðuneytið verður blátt á ný. Núverandi stjórn fær ekki frið til að koma nokkru í verk.

Sjálfstæðismenn hugsa um flokkinn fyrst og fremst. Nú vonar náhirðin að hér fari allt til fjandans, þeim er sama um fólkið.

V.G gengu í gildruna. Stóra plottið er á áætlun.

Elvar Geir Sævarsson (IP-tala skráð) 13.2.2009 kl. 19:35

Já Sigurður, þú hefur svo sannarlega kallað yfir þig málefnalegar umræður með þessari færslu. Örn reynir að alhæfa um sjálfstæðismenn að það séu eldgamlir kallar og viðskiptahommar, (ætli hann noti orðið "hommi" sem uppnefni?).

Það er merkilegt að þeir sem svara þér hér segja þig annað hvort vera að grínast eða grípa til skítkasts og uppnefna.

Annars finnst mér umræðan hér á moggablogginu vera farin að færast á ansi lágt plan. Gísli Freyr Valdimarsson skrifar ágætlega um þetta og varð ég loksins sammála honum.

Þórður Ingi (IP-tala skráð) 13.2.2009 kl. 19:39

Siggi - Sjálfstæðisflokkurinn er víða góður kostur en ef endurnýjunin verður ekki meiri í Suðurkjördæmi en nú er komið í ljós líst mér ekki á þessa pésa. Hvað er t.d. Unnur Brá að pæla afhverju bíður hún sig ekki fram í efsta sæti á að láta gömlu óhæfujálkana taka þessi sæti, það er ekki góður kostur því miður var að vona að það tækist að draga á flot eins og 2-3 góð ný nöfn í kjördæminu en það virðist ekki vera, ég nefni en og aftur Martin Eyjólfsson en ég ræð víst litlu.

Gísli Foster Hjartarson, 13.2.2009 kl. 20:00

Var við öðru að búast, Sjálfstæðisflokkurinn mun gera það gott í næstu kosningum, og mun væntanlega auka fylgið, þetta vildi VG.

Ægir Óskar Hallgrímsson, 13.2.2009 kl. 20:57

Alltaf gaman að sjá hvað margir Vinstri menn eiga erfitt með að skilja að fólk geti öðruvísi á málin en þeir.því miður grípa þá sumir þeirra til að nota skítkast og fleira í þeim dúr. Það er slæmt eins og margir vinstri menn geta fært ágætis rök fyrir sinni skoðun og verið hinir skemmtilegustu.Það er rétt hjá þér Gísli Foster að Sjálfstæðisflokkurinn í Suðurkjördæmi þarf að endurnýja forystuna. Gaman að sjá að Eyjamenn geta lagt sitt af mörkum í þeim efnum. Svo skemmtilega vill til að ég þekki þá kandidata ágætleg. Grímur Gíslason er mikill baráttujaxl.Á gott með að flytja sitt mál og er rökfastur í skoðunum.Ég hef nú ekki alltaf verið honum sammála,en hann á vissulega erindi á þing. Og ekki skemmir það að ég kenndi honum í gamla daga.

Íris Róbertsdóttir er einnig mjög góður kostur til að taka sæti ofarlega á listanum. Íris kemur mjög vel fyrir og hefur ákveðnar skoðanir á málunum. Ég kenndi henni einnig í gamla daga og þar var á ferðinni fyrirmyndar nemandi. Eins yrði hún til fyrirmyndar ofarlega á framboðslistanum.

Alveg rétt hjá þér Gísli að Martin Eyjófsson mundi styrkja framboðslistann. Þar er á ferðinni góður drengur sem hefur or'ðið góða reynslu og menntun,sem myndi nýtast vel á Alþingi. Martin var mikill vinur elsta sonar okkar þegar við bjuggum í Eyjum,þannig að ég þekki piltinn og það af góðu einu.

Ég er alveg sammála að það gengur ekki að stilla upp óbreyttu forystuliði,en þeir einu sinni geta ráðið hvernig listinn verður er þátttakendur í prófkjörinu 14.mars n.k.

Og það er ekki bara í Eyjum sem flokkurinn á nóg af efnilegu fólki. Með góðri endurnýjun á flokkurinn góða mögulega á glæsilegum sigri í Suðurkjördæmi.

Sigurður Jónsson, 13.2.2009 kl. 21:25

Sigurður, ég held að þú sért steingervingur. Gott dæmi um heilaþvottinn sem viðgengst hjá sjálfstæðisfólki. Passa bara að hafa ekki skoðanir, flokkurinn býr þær til fyrir þig. Þægilegt?

Þröstur Ingólfur Víðisson (IP-tala skráð) 13.2.2009 kl. 23:44

Mér finnst nú að sjálfstæðisflokkurinn hafi staðið sig ágætlega og fáir eru betur greiddir en Bjarni Ben. Flest á nú að fara að erfa ef þessi flokkur stöðugleikans og mestu framfara Íslandssögunnar á að fara að gjalda þess þó nokkrar fjölskyldur fari á vonarvöl. Hefur það farið framhjá þessu úrtölufólki að íslenska hagkerfið er á allra vörum um gervalla heimsbyggðina og bæði Geir Haarde og Davíð eru teknir við af Barak Obama sem best selda fréttaefnið?

Mér finnst í það minnsta lágmark að Flokkurinn fái annað tækifæri til að komast í heimspressuna sem samsafn mestu hálfvita í efnahagsstjórn á sögulegum tíma.

Þú stendur þig með stakri prýði Sigurður minn. Lætur ekki kommaskrílinn hér á bloggsíðunni þinni brjóta þig niður.

Því eins og Benedikt Jóhannsson segir þá er þetta fjandans hrun allt saman Ólafi Ragnari að kenna.

Árni Gunnarsson, 14.2.2009 kl. 00:10

Árni kann að koma fyrir sig orði.

Anna Einarsdóttir, 14.2.2009 kl. 00:28

Árni, þú ert Meistarinn! En Ingvi Hrafn er sómi Sjálfstæðisflokksins, sverð hans og skjöldur. Ingvi Hrafn er nefnilega búinn að biðja þjóðina afsökunar á, að hafa kosið Geir! Og geri aðrir fjörulallar betur!

Auðun Gíslason, 14.2.2009 kl. 04:37

Það erbu bara heilbrigt að fá að vera í stjórnarandstöðu allavega í eitt kjörtímabil. Ég neita að trúa því að íhaldsfólkið í landinu sé STRAX búið að gleyma því sem að gerðist!!!

Hilmar Dúi Björgvinsson, 14.2.2009 kl. 08:54

"Alltaf gaman að sjá hvað margir Vinstri menn eiga erfitt með að skilja að fólk geti öðruvísi á málin en þeir.því miður grípa þá sumir þeirra til að nota skítkast og fleira í þeim dúr".

Segir þú Sigurður. Það eru ekki allir hugsandi menn vinstri menn. Margir af þeim sem hafa misst trúna á sjálfstæðisflokkinn hafa misst vinnuna, eru að missa heimilið og svo framvegis.

Það er útilokað að færa rök fyrir því að sjálfstæðisflokkurinn beri ekki ábyrgð á ástandinu. Gjafasala ríkiseigna, afskiptaleysi, ofurtrú á heiðarleika markaðarins og þar af leiðandi ekkert eftirlit með sukkinu allt er þetta á ábyrgð sjálfstæðisflokksins. það er svona ár síðan að sjáfstæðisþingmaður sagði "ofurkraftur sá sem leystist úr læðingi við sölu bankana hefur fært okkur þangað sem við erum nú". Ætli sami maður sé tilbúinn að skrifa undir þessa setningu í dag.

Gulli (IP-tala skráð) 14.2.2009 kl. 10:30

Málið er bara að það skiptir okkur, þetta venjulega fólk, meginmáli að sjallarnir komist ekki aftur til valda í vor. Það skiptir máli fyrir lífsafkomu okkar. Stefna sjálfstæðisflokksins er efnahagslega gjaldþrota.

Anna Einarsdóttir, 14.2.2009 kl. 10:39

Það er bara einn flokkur, Sjálfstæðisflokkurinn, sem getur bjargað þjóðinni frá ævarandi niðurlægingu og eymd, nær hún lendir í kjafti EVRÓPU-úlfsins. V-Gölnum er ekki treystandi til að standa vörð um sjálfstæði ÍSLANDS, fari þeir í stjórn með Samfylkingunni, sem þjáist af slæmri ESB-blindu.

Með kveðju frá Siglufirði, KPG.

Kristján P. Gudmundsson, 14.2.2009 kl. 16:30

SIGURÐUR JÓNSSON , ER EKKI Í LAGI MEÐ ÞIG.?

Númi (IP-tala skráð) 14.2.2009 kl. 17:25

Já já.

Við Sjálfstæðismenn erum þeir einu sem höfum ábyrga efnahagsstefnu !
Við Sjálfstæðismenn erum þeir einu sem stöndum vörð um sjálfstæði Íslands !

Þessar klisjur sem sjallarnir þylja yfir okkur eins og einhvern sannleik, eru hættar að virka á allt þenkjandi fólk. Sjálfstæðismönnum er EKKI treystandi fyrir fjármálum. Þeim er bara EKKI treystandi til að leiða þjóðina.

Anna Einarsdóttir, 14.2.2009 kl. 17:30

Sigurður Jónsson, hvar hefur þú eiginlega haldið þig sl.18 ár ?

ag (IP-tala skráð) 15.2.2009 kl. 01:23

Sigurður Jónsson, hvar hefur þú eiginlega haldið þig sl.18 ár ?

Svar: Við kjötkatlana.

marco (IP-tala skráð) 15.2.2009 kl. 10:24

Eiga brennuvargar að sjá um uppbygginguna?

Einnar línu speki, 15.2.2009 kl. 15:03

Kristján Siglfirðingur: Mitt mat er að ef bjarga á þjóðinni frá eymd- og þó fyrst og fremst meiri niðurlægingu verði að byrja á að bjarga henni endanlega undan Sjálfstæðisflokknum.

Árni Gunnarsson, 15.2.2009 kl. 19:10