Gamlir jaxlar ásamt nýjum í Suðurkjördæmi.

Fyrstu prófkjörshelginni er lokið.Segja má að það hafi ekki orðið nein stórtíðindi hvað úrslit varðar.Lítum aðeins á niðurstöður í Suðurkjördæmi. Framundan er svo mikill slagur hjá Sjálfstæðismönnum um næstu helgi.Ég mun síðar í vikunni spá í spilin hvað það varðar.

Eðli málsins samkvæmt verður veruleg endurnýjun hjá Framsókn eftir að bæði Guðni og Bjarni Harðarson hafa látið af þingmennsku. Kjördæmið hefur áfram dýralækni á þingi þótt Árni M.hætti. Sigurður Ingi,oddviti,Hrunamannahrepps tekur við keflinu og leiðir lista Framsóknar.Sigurður Ingi hefur þó nokkra reynslu af sveitarstjórnarmálum. Hann kemur ágætlega fyrir og er ræðumaður góður. Eygló hefur fengið sína eldskírn á Alþingi og hefur klifrað upp meðorðastigann innan flokksins.Það sem helst mun há framboði Framsóknar er að hlutur Suðurnesjamanna á listanum er ekki mikill.

Það var sterkur leikur hjá Björgvini fyrrverandi viðskiptaráðherra að segja af sér. Nú leikur hann sér að því að ná fyrsta sæti á lista Samfylkingarinnar. Björgvin var á vaktinni sem bankamálaráherra þegar allt hrundi,en það virðist ekki hafa háð honum í að ná hagstæðum úrslitum í prófkjörinu.Björgvin á mjög auðvelt með að ná til fólks með sinni góðu framkomu.Það er svo örugglega sterkur leikur hjá Samfylkingunni að tefla Oddnýju bæjarstjóra í Garði í annað sæti. Það mun höfða til kjósenda á Suðurnesjum. Í þriðja sæti er svo Róbert Marshall með ræturnar í Vestmannaeyjum.Reyndar spurning hversu Eyjamenn og Sunnlendingar eru ánægðir með afrek hans sem aðstoðarmanna Samgönguráðherra.

Ég er ekki viss um að Vinstri grænir eigi eftir að fá eins góða útkomu og í síðustu kosningum.Margir höfðu ofurtrú á Atla Gíslasyni og bjuggust við miklum afrekum varðandi hans þingmennsku.Spuning hvort kjósendur hafi ekki orðið fyrir þó nokkrum vonbrigðum með framgöngu hans og oft á tíðum öfgafullar skoðanir.

Grétar  Mar mun leiða lista Frjálslyndra. Ástandið í Frjálslynda flokknum bendir til þess að hann sé ekki líklegur til að fá mikið fylgi.Það er því örugglega mikil hætta á því að Grétar Mar muni ekki ná kosningu að þessu sinni.

Spennandi verður svo að fylgjast með baráttunni í Sálfstæðisfloknum um næstu helgi. Nokkurn vegin má telja víst að Bjarni Harðarson leiði L-listann. Fróðlegt verður að sjá hverja hann velur með sér á listann.Erfitt að gera sér grein fyrir hvort hans listi muni fá eitthvert fylgi.

Sigurður Ingi í fyrsta sæti