Staða Sjálfstæðisflokksins mun styrkjast eftir glæsilegan landsfund.

Nú er lokið fjölmennasta og glæislegasta landsfundi Sjálfstæðisflokksins,sem haldin hefur verið.Flokkurinn hefur á síðustu dögum farið vel yfir sín mál og markað stefrnu til framtíðar.Ég er ekki í nokkrum vafa að þegar kjósendur munu á næstu dögum kynna sér stefnu flokksins munu fleiri og fleiri sannfærast um að sú sterfna sem Sjálfstæðisflokkurinn byggist á mun reynast þjóðinni best.

Kjósendur munu átta sig á að aukin ríkisforsjá er ekki leiðin inní framtíðina. Skattahækkanir munu ekki verða til þess að leysa efnahagsvandann.Það þarf að efla og koma í atvinnulífinu í gang af fullum krafti.Ríkisrekstur á öllum sviðum er ekki lausn til að byggja upp landið að nýju eftir áföllin.

Bjarni Benediktsson tekur nú við forystunni á erfiðum tímum. Hér er á ferðinni glæsilegur foringi sem hefur stt málefni og hag fjölskyldunnar sem sitt helsta baráttumál.Kristján Þór fékk mikið traust og lýsti því yfir eftir að ljóst var að Bjarni sigraði að hann hefði munstrað sig í áhöfn Bjarna.

Okkar fyrrverandi formaður Davíð Oddsson flutti magnaða ræðu á landsfundinum og sagði margt gott og tókst eins og svo oft áður að slá á létta strengi. Því miður fór hann yfir strikið þegar hann gagnrýndi Vilhjálm Egilsson og endurreisnarnefndina. Það var stór hópur sem kom að þeirri vinnu og það var algjör óþarfi að gera lítið úr því starfi. Auðvitað eru menn ekki sammála um allt,en það var nauðsynlegt fyrir flokkinn að gera upp hlutina og horfa til framtíðar.

Þótt menn hafi skipst á skoðunum og haft mismunandi skoðanir á ýmsu voru málin afgreidd á lýðræðislegan hátt með atkvæðagreiðslu.

Sjálfstæðisflokkurinn gengur nú til kosninga með góða stefnuskrá undir forystu glæsilegra foringja og góðra frambjóðenda um land allt. Framundan er stutt og snörp kosningabarátta þar sem það skiptir öllu að Sjálfstæðisflokknum takist vel upp að koma sínum stefnumálum á framfæri við þjóðina.

Bjarni kjörinn formaður

Athugasemdir

[EE elle (IP-tala skráð) 29.3.2009 kl. 22:21]

Flokksforystan mun bara veikja flokkinn enn frekar.  Ykkur vantar vitrari menn þarna.  Það held ég nú. 

[TARA, 29.3.2009 kl. 22:44]

Ég get ekki tekið undir að þetta hafi verið glæsilegur fundur...mér fannst hegðun Davíðs fyrir neðan allar hellur og orð hans ósmekkleg...en auðvitað er það ekki þín sök...en hins vegar held ég að það hafi aldrei farið á milli mála hver yrði næsti formaður flokksins !!

[bogi (IP-tala skráð) 29.3.2009 kl. 23:22]

Fór Davíð semsagt ekki yfir strikið þegar hann líkti starfslokum sínum við krossfestingu krists?

Ég get alveg sagt þér að það koma mörg orð upp í hugann þegar ég hugsa til þessa landsfundar og glæsilegt er ekki eitt af þeim.

[Númi (IP-tala skráð) 29.3.2009 kl. 23:46]

Því gæti ég trúað að þú Sigurður hafir verið framarlega í klappliðinu,þökk sé Davíð að þessi Sjálftökuflokkur missti hundruðir atkvæða við ræðu hans.

[Andri Geir Arinbjarnarson, 30.3.2009 kl. 00:13]

Allt gott og blessað sem þú segir nema að enginn vill starfa með D lista og því eru x-D atkvæði aðeins vatn á millu VG.  Mun betra fyrir Sjálfstæðiskjósendur að kjósa næst besta kostinn sem er B eða S.  Ekki satt?

[Ásmundur Einar Daðason (IP-tala skráð) 30.3.2009 kl. 00:53]

Það er ánægjulegt til þess að vita að Geir Haarde er nú búinn að biðja Sjálfstæðismenn afsökunar á sínum mistökum en að hann skuli neita þjóðinni að hann hafi gert mistök. Skýr forgangsröðun sjálfstæðismanna kemur vel fram í þessu.