Eru Vinstri grænir tilbúnir að gefa eftir í ESB. Er ekkert að marka vikugamla samþykkt VG?

Samfylkingin telur að hefja verði sem fyrst aðildaviðræður við ESB. Samfylkingin telur það lausn allra mála að við göngum í ESB. Ekki hefur neitt komið frá þeim flokki hvort við eigum að setja stíf skilyrði hvað varðar yfirráð okkar varðandi fiskveiðar eða til verndar íslenskum landbúnaði. Söngur Samfylkingarinnar er áfram lausn allra mála hjá okkur er að ganga í ESB.

Samfylkingin setti það skilyrði gagnvart Sjálfstæðisflokknum að ríkisstjórnarsamstarfi væri sjálfhætt ef Sjálfstæðisflokkurinn samþykkti ekki að hefja viðræður við ESB.

Þessi yfirlýsing er merkilegt að í ljósi þess að nú er Samfylkingin í samstarfi við Vinstri græna sem samþykktu á sínum landsfundi fyrir viku að best væri fyrir Ísland að vera utan við ESB.

það merkilega gerist nú að Samfylkingin lýsir yfir að hún vilji áframhaldandi samstarf með Vinstri grænum.

Eftir að hafa lesið forsíðu Fréttablaðsins í morgun þarf það kannsi ekki að koma á óvart. Þar segir Steingrímur J.formaður Vinstri grænna að stjórnarflokkarnir hljóti að geta fundið flöt á Evrópumálunum.

Merkilegt. Miðað við yfirlýsingar Samfylkingarinnar um ESB getur þetta ekki þýtt neitt annað en Steingrímur J. sé tilbúinn að gefa eftir í ESB málum til að geta haldið áfram í ríkisstjórn.

Hvað segir hugsjónafólkið í Vinstri grænum sem harðast hefur barist gegn ESB. Er það ánægt með að Steingrímur J.blási á vikugamla samþykkt ESB?

Athugasemdir

[Baldur Hermannsson, 30.3.2009 kl. 11:03]

Steingrímur mun selja langömmu sína fyrir ráðherrastól.

[Benedikt Kaster Sigurðsson, 30.3.2009 kl. 11:28]

Þjóðin mun væntanlega koma til með að kjósa um það þegar samningur liggur fyrir.  Ef í honum mun felast það að Íslendingar missi yfirráð yfir fiskimiðunum verður hann felldur.

Hví ekki að ganga til saminga og sjá hvað er í boði?  Hver vegna að halda áfram á sömu braut, sem er full af getgátum og sleggjudómum?  Er persónulega ekki hrifin af ESB en held að þetta mál verði hreynt ekki klárað nema með aðildarviðræðum og í framhaldi kosningu um innngöngu.  Koma þessu frá svo hægt sé að leyta annara leiða ef þessi verður ekki farin.  Hvaða leiðir eru í raun færar?  Ekki verður krónan hér við lýði endalaust hví hún hefur þegar sannað ógagn sitt.   Kveðja Benni.

[Gústaf Gústafsson, 30.3.2009 kl. 14:19]

Að semja um eitthvað, þýðir ekki endilega ,,að semja af sér" um eitthvað. Lýðræðislega leiðin er að láta kjósa um hvort þjóðin vill að farið verði í samningaviðræður við EB.

Ég held að Samfylkingin og VG séu sammála um að vera ósammála um EB, en munu láta þjóðina skera úr um hvort fara eigi í viðræðurnar. Og hvað er því? Þetta er sú leið sem Sjálfstæðisflokkurinn er að tala um að fara.

Og setning eins og að Steingrímur muni selja ömmu sína fyrir ráðherrastól, er eitthvað svo stuttbuxnalegt Baldur Hermannsson að það sæmir vart. 

[EE elle (IP-tala skráð) 30.3.2009 kl. 15:04]

Ég skil alveg ósamræmið þarna sem Sigurður er að lýsa.  Og hann lýsir því vel.  Og þó er ég ekki að verja Sjálfstæðisflokkinn.