Steingrímur J: Ykkur kemur þetta ekkert við.

Þessi vinnubrögð Steingríms J. koma ekki á óvart. Það er bara gömul staðreynd og ný að þegar vinstri menn ráða þá afgreiða þeir málin að hinum komi það ekkert við hvernig mál eru afgreidd eða hvað liggi að baki þeim ákvörðunum.

Annars er það spaugilegt í meira lagi að Steingrímur J. og Vinstri grænir skuli nú fela sig bak við Alþjóðagjaldeyrissjóðinn. þeir megi ekki gefa upplýsingar fyrr en sjóðurinn leyfi. Gaman að velta fyrir sér í hvaða tóntegund Steingrímur J. hefði flutt ræðu sína væri hann nú í stjórnarandstöðu og þetta mál komið upp.

Það er auðvitað verulega gagnrýnivert að fulltrúum stjórnmálaflokka skuli neitað um upplýsingar.

Eru það svona vinnubrögð sem þjóðin ætlar að kjósa yfir sig?

Hvurslags framkoma er þetta?

Athugasemdir

[Sigurbjörg Jónsdóttir (IP-tala skráð) 1.4.2009 kl. 14:32]

Steingrímur myndi orða það svo þetta er það lágkúrulegasta fyrirlegnasta ömurlegasta sem hann hefði vitað.

[Bjarni (IP-tala skráð) 1.4.2009 kl. 15:03]

... og svo fáum við ekki að kjósa um neitt annað en sama gamla pakkið sem setti allt á hausinn.  Sveiattann segi ég.... held ég geti ekki kosið neinn þessara vitleysingja...

[Gústaf Gústafsson, 1.4.2009 kl. 15:16]

Ekki er bæði hægt að halda og sleppa, er það Sigurður? Fyrst hann Steingrímur minn endursendi ekki AGS samninginn, finnst honum sjálfsagt að hann verði að fara eftir honum.

Það er ljóst að þjóðin mun verða látin borga hrunið, spurningin er bara hversu sanngjarnt verður farið í málin. Og af því að Sjálfstæðisflokkurinn er búinn að vera við völd í 18 ár og sýna hvað hann hefur upp á að bjóða varðandi skattamálin, þ.e. að lækka hátekjuskatt og láta þá sem lifa eingöngu á fjármagnstekjum vera nánast skattlausa og sleppa við að greiða til samfélagsins, m.a. til þjónustu sem þeir nota sjálfir, s.s. heilbrigðisþjónustu o.fl. þá sýnist mér einsýnt að þjóðin prófi eitthvað annað.

En það er bara mín skoðun.

Kveðja að vestan.