Hvernig væri framtíðin á Suðurnesjum ef Vinstri grænir fengju að ráða?

Sem betur fer fyrir atvinnulíf og uppbyggingu á Suðurnesjum samþykkti mikill meirihluti alþingismanna að álver í Helguvík verður að raunveruleika. Eins og við var að búast var afturhaldsflokkur Vinstri grænna á móti. Kjósendur á Suðurnesjum hljóta að velta fyrir sér,hvernig yrði framtíð uppbyggingar á svæðinu ef Vinstri grænir ættu að ráða ferðinni.

Hvers vegna vilja Vinstri menn gefa skít í vilja heimamanna á Suðurnesjamanna. Það liggur fyrir að mikill meirihluta íbúa Suðurnesja vill að unnið verði að uppbyggingu álvers í Helguvík. Eru ekki forystumenn Vinstri grænna að básúna það að þeir séu miklir lýðræðissinnar. Eru ekki Vinstri grænir alltaf að hrópa að fólkið sjálft eigi að fá að ráða. hvers vegna gildir það ekki um atvinnuuppbyggingu á Suðurnesjum. Hvers vegna vilja Vinstri grænir þá allt í einu hafa vit fyrir fólkinu og koma í veg fyrir uppbygginu atvinnulífsins.

Ég trúi því ekki að kjósendur á Suðurnesjum kjósi Vinstri græna. þeir eiga það hreinlega ekki skilið miðað við hvernig þeir hunsa vilja heimamanna.

Athugasemdir

[Brattur, 18.4.2009 kl. 21:00]

Framtíðin er svört núna af því að Sjálfstæðismenn fengu að ráða... þetta getur ekki versnað...

[Þórður Þ. (IP-tala skráð) 18.4.2009 kl. 21:17]

Hvaða tilllögu leggur þú til? Sjálfstæðisflokkinn, flokkurinn sem leitt hefur þjóðina í gjaldþrot? Ó nei!! Þann flokk kýs ég aldrei!! Mikið frekar VG. Tek það fram, ég bý í Keflavík og hef nú þegar fundið fyrir aðgerðum xD, þær eru ekki jákvæðar.

[Svavar Bjarnason (IP-tala skráð) 18.4.2009 kl. 22:22]

Nú vita allir að álverð hefur hrapað niður úr öllu valdi og þar af leiðandi rafmagnsverðið líka. Því er einnig haldið fram að ný álver verði ekki byggð í öllum heiminum næstu tíu til tólf árin. Verið er að loka álverum út um allan heim og draga framleiðsluna saman í öðrum. Einungis sé ætlunin að halda áfram rekstri, þar sem rafmagnsverðið sé nógu lágt.    Hefur þú trú á að álver verði raunverulega byggt á næstu árum í Helguvík? Hvað hefur verið flutt út mikið af áli frá landinu á þessu ári?

[Sigurður Jónsson, 19.4.2009 kl. 20:32]

Ég er alveg sannfærður um að það verður byggt álver í Helguvík. Ég er jafn sannfærður um að ástand efnhagsmála mun lagast í heiminum og að verð á áli muni aftur hækka og seljast vel. Bæði vinstrti menn og hægri menn framtíðarinnar munu nota ál.

Ríkisvaldið á ekki að slá á það ef einhverjir vilja byggja upp fyrirtæki hér. Stjórnvöld eiga ekki að leggja stein í götu heimanna ef þeir vilja byggja upp atvinnulíf. Þess vegna eigumk við að hafna Vinstri grænum.