Við tryggjum ekki eftirá.Enn er möguleiki að koma í veg fyrir Vinstri stjórn.

Á morgun rennur upp kjördagur. Úrslit kosninganna skipta miklu fyrir íslensku þjóðina. Samkvæmt öllum skoðanakönnunum lítur út fyrir að við fáumk hreinræktaða Vinstri stjórn. Maður á erfitt með að trúa því að þjóðin vilji stjórn sem boðað hefur launalækkanir,ríkisrekstur,miðstýringu,skattahækkanir og stopp á mikilvægar framkvæmdir.

Lausn á vandamálum þjóðarinnar leysist ekki með hugmyndafræði Vinstri manna svo mikið er víst.

Við tryggjum ekki eftirá. Það er of seint að breyta niðurstöðunni eftir morgundaginn þegar íbúar fara að finna hvað raunveruleg Vinstri stjórn þýðir fyrir Ísland.

Þótt margt hafi farið öðruvísi en við vildum felst lausnin ekki í því að afhenda Samfylkingu og Vinstri grænum völdin.Hugmyndafræði þeirra gengur ekki.

Við þurfum á sterkim Sjálfstæðisflokki að halda. X D.

Stjórnin heldur enn

Athugasemdir

[Bobbi (IP-tala skráð) 24.4.2009 kl. 11:18]

Hrunið byggðist á hugmyndafræði SjáLfstæðisFLokksins.

Endurreisnin byggist á hugmyndafræði vinstri manna, svo mikið er víst.

KJÓSUM VINSTRI STJÓRN !

[Stefán (IP-tala skráð) 24.4.2009 kl. 11:24]

Kæri Sigurður Jónsson, ég hef ákveðið að senda þér stóran pakka af fallegum serviettum fyrir táradalinn um helgina. 

[Einar (IP-tala skráð) 24.4.2009 kl. 11:26]

Hugmyndafræði ykkar FLokksmanna hefur gengið svo vel að hér er allt á hvínandi kúpunni.  Hverskonar bull er þetta í þér maður?  Þú talar um að "vinstri" stjórn boði ríkisrekstur og miðstýringu.  Hvað kallarðu það sem hefur verið í gangi hérna undanfarin ár með ríkisbatterí eins og offitusjúkling og ríkisstyrktar stóriðjuframkvæmdir a-la Soviet.  Svo talarðu um stopp á mikilvægar framkvæmdir.  Er það nokkuð álverið í Helguvík eða á Bakka sem enginn vill byggja fyrir utan að þau skapa enga atvinnu í bráð þannig að það eru bara bull loforð sem FLokksmenn vita að þeir koma aldrei til með að þurfa að standa við þar sem þeir verða ekki í stjórn næstu árin.

[Hjalti Elíasson (IP-tala skráð) 24.4.2009 kl. 11:28]

Sæll Siggi

Af hverju ekki að hætta að nýða  andstæðinga þína í stjórnmálum þú gleymir
algerlega að tjá þig um hvernigþitt stjórnmálafl töfrar fram lausnir. Þá
er ég ekki að tala um einhvern loforðalista , heldur framkvæmd þeirra
lausna sem þeir benda á. Þið hafið fengið ykkar tækifæri og skilið allt eftir í rúst.

Skiljanlegt hví þessi flokkur er að verða að smáflokki eins og Davíð
Oddsson taldi alla -20% flokka vera. Rökleysa og úrræðaleysi einkennandi og
haldið því áfram næsta sólarhringinn, því verr farið þið út úr uppgjörinu á
morgun

kv

[Sigurður Sveinsson, 24.4.2009 kl. 12:25]

Grenjaðu bara eins og þú getur. Það getur ekki nokkur ærlegur maður kosið flokkinn þinn núna. Sukk, spillingar og hrunflokkur.

[Ragnar Gunnlaugsson (IP-tala skráð) 24.4.2009 kl. 12:54]

Raunvextir aldrei hærri en eftir að þeir tóku við, þar sem verðbólga er úr sögunni síðustu mánuði.

Ætla bjarga skuldsettum sjávarútveg með því að taka aflaheimildir smá saman af honum og færa þær eithvað annað sennilega lenda þær hjá þeim sem seldu sínar aflaheimildir með ærnum hagnaði.

Skattleggja hvalveiðar svo þær geti nú ekki orðið arðbærar.Ekki nýta orkulindirnar.

Treystum við svona fólki til að stjórna okkar þjóð á erfiðleika tímum.? Eg segi NEI.

[Ragnar Gunnlaugsson, 24.4.2009 kl. 13:17]

Raunvextir aldrei verið hærri um 15% umfram verðbólgu.

[Þorsteinn H. (IP-tala skráð) 24.4.2009 kl. 14:26]

Nú aðhyllist þú augljóslega stefnu D og það má vera að öll þeirra kosningaloforð og stefna sé góð en nú spyr ég, hvernig getur þú treyst þeim aftur fyrir því að fylgja þessu vel eftir? Nú hafið þið sjálfir viðurkennt fjölda mistaka í skýrslu ykkar um endurreisn (sjálfsagt hægt að tína til fleiri mistök en eru þar), því spyr ég að þessu, hvernig getur þú treyst Sjálfstæðisflokkinum fyrir stjórn þessa lands fyrst þeir gátu ekki einu sinni verið samkvæmir sjálfum sér, skv. skýrslunni góðu ?

 Og líka svona með, hefur þú lesið t.d. stefnu og kosningaráherslur VG?

[Sóley Guðmundsdóttir (IP-tala skráð) 24.4.2009 kl. 14:45]

Þú bara hlýtur að vera að grínast...

[Helgi Jóhann Hauksson, 24.4.2009 kl. 16:53]

Reyndar eru þetta mikilvægustu rökin fyrir ESB aðild og upptöku evru „Við tryggjum ekki eftirá“. Við vitum núna hvert Sjálfstæðisflokkur og öfgafull andúð á ESB leiddi okkur. Það er ástæðulaust að stefna aftur beint fram af bjargbrúninni. „Við tryggjum ekki eftirá“ og þessvegna kjósa Sjálfstæðismenn ESB með því að setja x við S.

[Axel (IP-tala skráð) 24.4.2009 kl. 17:41]

Ég held að þú ættir að taka þér jafn langt frí frá skrifum og sjálfstæðisflokkurinn frá stjórnmálum, þ.e.a.s frí um ókomna tíð.

Ef það er einhverju um að kenna hvernig allt hefur farið til fjandans þá er það um að kenna stefnu sjálfstæðisflokks, einkavinavæðingin og seðlabankinn. Ef menn sjá það ekki þá eru menn annaðhvort blindir eða eitthvað tæpir. Nei ég held að það komi til með að taka sjálfstæðisflokk mörg ár á ná trausti almennnings aftur, það gerist ekki í þessum kosningum.

Kv Námsmaður erlendis.

[B Ewing, 24.4.2009 kl. 17:59]

Hvað annað er í boði eiginlega ?  Ekki virkaði góðærið neitt rosalega vel, nema tímabundið fyrir gróðafíklana sem töpuðu síðan öllu og meira til, allt á kostnað okkar hinna sem fengum sama og ekki neitt.  Átt þú einhversstaðar ómengaða stefnu sem byggir á farsælli framtíð fyrir alla, ekki bara suma ?  Stefna D-listans er því miður bara fyrir suma.

[Ívar Pálsson, 24.4.2009 kl. 23:16]

Helsta vonin er að Sjálfstæðisfólk mæti þannig að samanlagt nái VG og XS ekki 50% atkvæða. Þá þarf að taka þriðja aðila inn, sem gerir kröfu til þess að ýmiss mál verði útkljáð, ss. ESB og skuldir bankanna opinberaðar. Þá sæist líka að þessir tveir flokkar eru í raun svart og hvítt og úr verður Kremlar- grámi ef alvöru stjórn myndast úr því.

[Arnbjörn Eiríksson, 24.4.2009 kl. 23:31]

Sæll Sigurður og velkominn aftur til Suðurnesja. Ég hef svolítið fylgst með skrifum þínum hér og ég verð að segja að ég varð fyrir vonbrigðum með þau og flestra sjálfstæðismanna því mér finnst engin málefni vera reyfuð, eingöngu skítkast í aðra flokka, og kannski eru engar lausnir á boðstólnum hjá ykkur. Eins og einn vinur minn sem hefur fylgt Sjálfstæðisflokknum alla ævi sagði. Gjörsamlega málefnalega staurblankur flokkur. Reyndar hef ég aldrei skilið almennt verkafólk sem kýs sjálfstæðisflokkinn flokk sem er með yfirlýsta stefnu að vera fyrir auðvaldið. Ef þú hefur fylgst með umræðum stjórnmálamanna síðustu daga ættir þér að vera ljóst að raunhæfast er fyrir þig eins og mig að setja x við vinstri græna því öflugustu stjórnmálamennirnir í dag eru Steingrímur J og Katrín J einnig stendur Jóhanna sig vel.  Sjálftökuflokkarnir mega fá smá frí. Kveðja.

[Baldur Hermannsson, 25.4.2009 kl. 09:55]

Sigurður, því miður munum við sitja uppi með hreinræktaða vinstri stjórn eftir rúmlega 12 klukkustundir. Íslendingar eru eins og læmingjaskarinn sem steypir sér fram af bjarginu. Að sjá þessar vinstri athugasemdir hérna á síðunni hjá þér! Það mætti halda að þetta fólk væri á ofskynjunarlyfjum.