Evran á 175 krónur.

Nú held ég að margir séu farnir að efast um að ástandið sé eitthvað bjartara framundan þrátt fyrir fagurgala Jóhönnu og Steingríms. Hverjum á nú að kenna um ástandið þegar Davíð Oddsson er farin úr Seðlabankanum?

Gengi krónunnar veikist um 0,5%

Athugasemdir

[Kári Harðarson, 20.5.2009 kl. 11:40]

Jóhanna og Steingrímur hafa ekki verið með fagurgala.  Ég hef ekki séð þau lofa gulli og grænum skógum neins staðar.

Þvi miður erum við í skít sem tekur mörg ár að vinna sig úr, sama hverjir eru í stjórnarráðinu. 

Þau hafa í mesta lagi sagt að þetta bjargist allt að lokum, en þurfa ekki allir leiðtogar að vera jákvæðir?  Deyjandi hermenn fá að heyra eitthvað álíka meðan þeir draga síðustu andarslitrurnar.  

Það er stór hópur fólks á Íslandi sem á ekki eftir að hafa það af, fjárhagslega.  Ég skil að það sé biturt, en það er ekki rökrétt að kenna Jóhönnu og Steingrími um.

[Tómas Ibsen Halldórsson, 20.5.2009 kl. 16:56]

Rétt er það Kári, ég myndi ekki segja að þau hafi komið okkur í þennan vanda, en Jóhanna sagði er hún tók við völdum í febrúarbyrjun að þau ætluðu að slá skjaldborg um heimilin og koma fyrirtækjunum til hjálpar.  Fólk bíður enn eftir skjaldborginni og fyrirtækin eftir hjálpinni.

Þeim er tamt að nota allskonar frasa eins og þá sem ég nefndi hér að ofan og einn frasinn enn var "velferðarbrú", hvað sú brú á að þýða veit ég ekki og hef ekki fengið neina skýringu á.

Það sem íslenska þjóðin þarf á að halda í dag eru stjórnvöld sem eru laus við frasa og ónytjungs orð, en láta verkin tala, taka á vandanum, en bíða ekki eftir því að hlutirnir lagist af sjálfu sér.

Ef ekkert verður gert og það fyrr en seinna, spái ég því að allt verði orðið pikk fast hér í haust.  Ég vona svo sannanlega að svo verði ekki, en ég óttast það.

[Anna Sigríður Guðmundsdóttir, 20.5.2009 kl. 19:45]

Margir gagnrýna skort á fagurgala. Eg lít á það þannig að ekki sé verið að lofa upp í ermina á sér á þessum gríðarlega erviðu tímum. Sá sem lofar einhverju núna væri svo sannarlega að ljúga að þjóðinni. Enginn veit hvernig málin munu þróast í löndunum í kringum okkur.

Hins vegar vildi ég sjá yfirlit á hverjum degi í sjónvarpinu á stöð eitt (sem við erum öll skylduð til að borga fyrir hvort sem við notum eða ekki) um hvað er í gangi og hvert sé næsta skref. þannig náum við að vinna saman ef vilji er fyrir hendi og óöryggið minkar hjá okkur öllum.

Við þurfum að standa saman núna og gefa þeim smá tíma til að gera eitthvað í málunum.

Stór verkefni taka tíma. Sama hvað gert verður eru allir mannlegir og geta ekki verið fullkomnir. Ekki heldur ríkisstjórnin.

[Eyþór R. Þorleifsson (IP-tala skráð) 20.5.2009 kl. 21:29]

Orðið "velferðarbrú" er einn af frösunum sem búnir eru til af svona fólki eins og Degi B. Eggertssyni.  Mjög innhaldslaust og einungis notað til að veiða atkvæði.

Á meðan Davíð og co. voru í Seðlabankanum, tókst þeim að styrkja gengið þannig að Evran var komin niður í 143 kr.  En svo var þeim bolað í burtu, og eftir það fór krónan að veikjast aftur, því núverandi bankastjórn virðist ekki hafa getu eða vilja til að styðja við gengi krónunnar.

Kannski er þetta með ráðum gert svo Jóhanna og co. geti "sannað" það að krónan sé ónýt eins og Samfylkingarfólk og fótgönguliðar hennar í fræða- og menningarelítunni halda fram.  Svona ætlar Samfylkingin að beita Seðlabankanum til að svelta landsmenn til að fá okkur til "játast" ESB og Evrunni.