Hvað segir Samfylkingin núna? Verða haldnar varnarræður Í Borgarnesi?

Hvernig ætli forystumönnum Samfylkingarinnar líði núna eftir að hafa verið helsti varnaraðilinn fyrir Jón Ásgeir og Baugsveldið allt saman. Hvernig ætli forystumönnum Samfylkingarinnar líði núna eftir að hafa þegið tugmilljónir í styrki frá baugi. Hvernig ætli fjölmiðlagenginu hjá Samfylkingunni líði núna eftir að hafa verið dyggir þjónar Baugsveldisins á fjölmiðlum fyrirtækisins en sitja núna á Alþingi.

Það hlýtur að vera mikið umhugsunarefni fyrir forystu Samfylkingarinnar að hafa unnið þannig að ekki mátti hafa nokkrar efasemdir um Baugsveldið .Afleiðingarnar eru nú að koma í ljós.

Nú heyrast engar fréttir af ræðum Samfylkingar í Borgarnesi til varnar Baugi.Reyndar hlýtur það að vera skelfilegt að vera helsti varnaraðili stærsta svikamáls frá stríðinu. Ótrúlegt að Samfylkingin skuli vera stærsti flokkur þjóðarinnar.

Stærsta svikamál frá stríðinu

Athugasemdir

[Lárus Vilhjálmsson, 7.6.2009 kl. 13:49]

Það væri áhugavert að fá tilvitnanir í ræðu ISG í Borgarnesi þar sem hún leggst í varnir fyrir Baugsveldið enda virðist þú hafa lesið hana í þaula.  Eins mætti líka spyrja forystumenn Sjálfstæðisflokks og Framsóknarflokks hvernig þeim liði eftir að hafa lagt grundvöllinn að þessari svikamyllu allri sem hrundi nú í haust og horft framhjá henni allri? Og hvernig líður Sjálfstæðismönnum eftir að hafa þegið tugmilljónir í styrki frá bæði Baugsmönnum og Rússagullsmönnum? Kannski hluti af skýringunni að þjóðin hafnaði Sjálfstæðisflokknum í síðustu kosningum. 

[B.N (IP-tala skráð) 7.6.2009 kl. 15:31]

Grein sem birtist eftir mig sjómannadaginn 6.júni 2004 í Morgunblaðinu ,Lýðveldið Ísland og Evrópusambandið þar sem lesa má hvernig undirrritaður horfði yfir sviðið og sá ekkert nema það sem við erum að upplifa í dag í Svikamylluspilinu.

http://mbl.is/mm/gagnasafn/grein.html?grein_id=802288

Baldvin Nielsen,Reykjanesbæ

[Sigurður Jónsson, 7.6.2009 kl. 18:24]

Óskar. Var nú ekki Jón Ásgeir og Baugur ansi tengdur inní bankana.

[GH, 7.6.2009 kl. 19:22]

Gagnrýni ISG í Borgarnesi á stjórnvöld var alls ekki vörn fyrir Baugi, eins og sjálfstæðismenn halda gjarnan fram, heldur sú leið sem stjórnvöld fóru í eftirliti með íslenskum "athafnamönnum". Það snerist alltaf um rannsóknir á einstaklingum sem DO líkaði ekki (Jón Ólafsson og JÁJ sérstaklega) en aldrei um götin í kerfinu. JÁJ var þess vegna ekki orsök vandans heldur sjúkdómseinkenni. En Flokkurinn skapaði kerfið og sá ekki sólina fyrir því, en forystumönnum líkaði ekki sumir óþekkir drengir. Vandinn er bara sá að það voru ekki óþekku drengirnir sem steyptu landinu, heldur kerfið allt. Þar lá vandinn sem DO vildi ekki sjá, enda var hann höfundur kerfisins par excellence. 

[Villi Asgeirsson, 8.6.2009 kl. 08:26]

Eins og Óskar minnist á, eru það Björgólfarnir og þeirra Landsbanki og Icesave sem er að koma þjóðinni á hausinn. Það að einhvert blað tali um JÁJ, með réttu, bætir það ekki.