Steingrímur Skattmann í stuði.

Lausnin sem Steingrímur J. sér fyrst og fremst eru skattahækkanir. Hann er svo sem samkvæmur sjálfum sér og kommastefnunni í þeim efnum. Um að gera að drepa niður sjálfsbjargarviðleitni fólks,þannig að það hafi sem minnstan áhuga að ná sér í vinnu. Skattpíning þýðir ósköp einfaldlega að svört vinna mun aukast verulega þannig að ríki og sveitarfélög verða af skatttekjum.

Það er hreint ótrúleg stefna að vilja drepa allt niður. Smá saman lognast atvinnulífið útaf og allt verður í ríkisrekstri.Það hefur nú marg sannað sig að þjóðfélög sem ætla að byggja sitt á slíkri hugmyndafræði ná litlum árangri.

 það er slæmt að sitja uppi með hreinræktaða Vinstri stjórn.

Rætt um 8% aukaskatt

Athugasemdir

[Árni Gunnarsson, 13.6.2009 kl. 23:25]

Þú ert greinilega orðinn hræddur um að þessir kommúnistar séu farnir að ógna stöðugleika Davíðstímabilsins. ...Vel á minnst.

Hvað varð eiginlega um stöðugleika einkavæðingarinnar; hefurðu heyrt nokkuð af honum?

[Elsa Eiríksdóttir Hjartar (IP-tala skráð) 14.6.2009 kl. 00:39]

Sæll Sigurður

ég veit ekki um þig en ég kaus ekki þessa stjórn en hef fylgst með henni undanfarið og hún er EKKERT að gera eins og hún lofaði varðandi heimilin og fyrirtækin í landinu. Eina sem við sáum hjá samfylkingunni í kosningabaráttunni var andlit Jóhönnu ( Ingibjörg Sólrún vissi hvað hún var að gera) og fölsk loforð um að aðild að ESB  myndi redda öllu og VG sem voru ósammála eru núna eins og hækja hjá þeim annað enn þeir lofu í kosningabaráttunni. Ég mæli með því að hfa þjóðstjórn. Hvar er gegnsæið og loforðið að hafa allt upp á borðinu fyrir fólkið í landinu. Ég persónulega vill ekki selja Landið okkar fyrir aðild að ESB.

Kær kveðja Elsa

[Þórólfur Ingvarsson, 14.6.2009 kl. 04:21]

Þessi vinstri stjórn hún kemur ekki til með að vera lengi við völd, en því miður þá er alveg sama hve stuttur líftími hennar verður, skaðinn verður of stór.

Það væri mikið afrek hjá þeim sem gætu komið kommúnista í skilning um eyðileggingarmátt skattapíningar.

[Hanna (IP-tala skráð) 14.6.2009 kl. 07:11]

hehe :)  Þessi var góður Árni.

[Ína (IP-tala skráð) 14.6.2009 kl. 07:51]

Af hverju gegnrýnir þú skattahækkanir? Það skiptir engu hvaða flokkur væri í stjórn, það yrðu skattahækkanir vegna þessa hrikalega ástands sem þjóðfélagið er í. Mér finnst þið sjálfstæðismenn svo ótrúlega neikvæðir yfir öllu sem þó er verið að reyna að gera. Hugsa sér að það sé Steingrímur sem þarf að hreinsa til eftir allt "góðærið"og margir eru farnir að gagnrýna hann eins og VG beri ábyrð á þessu öllu saman. Það er ekki að spyrja að gullfiskaminni íslendinga.

[Magnús Steinar (IP-tala skráð) 14.6.2009 kl. 10:05]

Hvað ætli að verði langt þangað til að ALLT atvinnulíf verði stopp,þessu kommahyski og samspillingunni,er að takast að drepa allt í dróma hér.Því þau kunna ekkert annað enn að hækka skatta og álögur ,megi þau aldrei þrífast.

[Haukur Brynjólfsson (IP-tala skráð) 14.6.2009 kl. 13:53]

Sæll Sigurður

Þú hlýtur að kunna ráð við vandanum, hefur bara gleymt að nefna þau? Eða finnst þér nóg að rífa kjaft og fjasa um kommahyski? Hvernig vilt þú bregðast við  því neyðarástandi í efnahagsmálum sem hér ríkir og er afleiðing glæpamennsku vitleysinganna sem íhaldið og framsóknaríhaldið sleppti hér lausum. Ég nota orðið glæpamennska af ásettu ráði því að fjársöfnunin inn á Icesave reikningana - á okkar ábyrgð - löngu eftir að ljóst var hvert stefndi, var ekkert annað en glæpamennska. Ef þú kannt raunhæf ráð til að bregðast við afleiðingunum og bæta skaðann, þá skaltu endilega hósta þeim upp.

Haukur Brynjólfsson

[Liberal, 14.6.2009 kl. 14:46]

Gæti ekki verið meira sammála.

Árni, það er jú viss stöðugleiki þegar allt er dautt, þannig að í þeim skilningi eru kommarnir að koma á stöðugleika. Það er fólk eins og þú sem drepur niður heilu þjóðfélögin - fólkið sem vill banna öllum allt.

Þessi stjórn er á síðustu metrunum, það sést gjörla að hún getur ekki komið sér saman um neinar einustu hagræðingaraðgerði (skattahækkanir eru aldrei hagræðingaraðgerðir, þær eru skemmdarverk) og geta því ekki leyst vandann.

Það sem er mesta hættan er sá gríðarlegi skaði sem þessi skammlífa ógnarstjórn er að valda, hver vika sem hún situr við völd og grefur undan þjóðinni mun kalla á heilt ár hjá alvöru ríkisstjórn sem vindur ofan af vitleysunni.

Taki við ný ríkisstjórn á morgun mætti leiða að því líkum að við myndum ná jafnvægi upp úr 2015, en fari fram sem horfir verður hér ekki viðsnúningur fyrr en 2020.

[burt með vinstri stjórnina (IP-tala skráð) 14.6.2009 kl. 16:30]

sagan sýnir að fólk hefur alltaf leitast til fasista eða kommonista stjórna þegar vandamál eru í þjóðfélaginu, ekki hér heldur í öllum heiminum.