Fagmennska og gagnsæi. Orð sem Vinstri menn telja mikilvæg þegar þeir þurfa ekki sjálfir að standa við þau.

Margir hafa haft miklar efasemdir um að Svavar Gestsson hafi verið rétti aðilinn til að stýra samninganefnd fyrir Íslands hönd varðandi Icesave samningana við Breta og Hollendinga. Eflaust hugsa margir. Hvernig getur þetta gerst hjá Vinstri mönnum sem tala alltaf manna hæst um að það þurfi fagmennsku í öllum málum (reyndar á það við þegar þeir eru í stjórnarandstöðu).

Varla er nú Svavar með fagmennskuna í svona samningagerð. Enn furðulegra er að nefndin þurfti ekki að hafa neina sérfræðinga sér til aðstoðar.

Leyndin og pukrið sem hefur verið í kringum samninginn er með ólíkindum.+

Nú er hér eingöngu nefnt eitt dæmi, sem reyndar getur orðið þjóðinni ansi dýrleypt,hve lítið er að marka fagurgala Vinstri manna um fagmennsku og gagnsæi. Mörg fleiri dæmi væri hægt að nefna.

Þessi orð fagmennska og gagnsæi virka  í munni Vinstri manna sem hin mestu öfugmæli.

Athugasemdir

[Offari, 21.6.2009 kl. 22:37]

Mesta leyndin finnst mér samt vera að fá ekki að vita hvaða ofurvald Bretar og Hollendingar hafa til að þvínga börnin okkar til að greiða skuldir óreiðumannana. Það er einhver maðkur í mysuni.

[Skúli Víkingsson, 21.6.2009 kl. 23:49]

Hvernig stendur á því að við fáum ekki einu sinni orðaðar hótanir vínaþjóða okkar. Skyldan sem á okkur hvílir að greiða IceSave skuldina er ekki meiri en svo að þessar þjóðir vilja ekki fara með þetta fyrir dóm, ergo lögfræðileg rök þeirra halda sennilega ekki, en valdið er þeirra. Það er afar mikilvægt að fá þessar hótanir orðaðar. Það nægir ekki að yfirvöld í öllum nálægum löndum séu sammála um að okkur beri þessar drápsklyfjar. Af orðum Svavars og fleiri talsmanna sósíalista virðist svo sem þeir haldi að í framhaldinu verði Evrópuþjóðirnar okkur vinsamlegar þrátt fyrir nýfengna reynslu.

[Jon (IP-tala skráð) 22.6.2009 kl. 08:30]

Sæll.

Svo má ekki gleyma því hve gaman/sorglegt er að sjá hvað orðhákurinn Steingrímur J. var lengi að komast í mótsögn við sjálfan sig í mikilvægum málum.

Fyrst vildi hann alls ekki lán frá AGS en svo virðist það vera í lagi og ég held hann vilji nú fá lán annars staðar frá líka. Í öðru lagi vildi hann alls ekki borga Icesave fyrir skömmu síðan en núna er það allt í lagi?! Það þarf að hamra á þessu við hann, hann hefur misst allan trúverðugleika sem stjórnmálamaður.