Spennandi hvað það er sem Davíð ætlar að segja.

Fjölmiðlamenn hittu Davíð Oddsson á förnum vegi í miðbænum í dag. Davíð sagðist vera til friðs þessa dagana og væri eingöngu að njóta góða veðursins. Aðspurður sagði hann það vel geta verið að hann segði einhvern daginn álit sitt á Icesave samningunum.

Davíð Oddsson er alveg einstakur. Þó hann hafi ekkert að segja er það frétt.Það eitt að hann hugsanlega ætli að segja eitthvað næstu daga vekur athygli og fjölmiðlar munu velta fyrir sér næstu daga hvað það sé sem Davíð hugsanlega kunni að segja.

Megum við kannsi búast við því í næstu viku að Davíð mæti í eitt af sínum frægu viðtölum í Kastljósi. Við vitum þá að þjóðin talar um lítið annað en Davíð þá vikuna.

Líklega mun forysta Samfylkingarinnar eiga erfiða helgi og lítið geta sofið vitandi það að hugsanlega í næstu viku mun Davíð mæta og segja alþjóð sína skoðun á málunum. Já, það er eðlilegt að Samfylkingin skjálfi.

Athugasemdir

[Kjartan Björgvinsson, 3.7.2009 kl. 21:52]

Hversu viti fyrrtur ert þú, hver tekur Davíð Oddson alvarlega eftir að hafa skoðað ferilskrá hans. Ráðherran sem "einkavæddi" bankana og var svo seðlabankastjóri sem hafði stórt eftirlitshlutverk meðan að stærsta gjaldþrot heimsins reið yfir eina af minnstu þjóðum heimsins. Ef einhver ætti að skjálfa það er það DO af fráhvarfseinkennum valdabrjálæðis sem hefur leitt til harmleiks fyrir stóran hluta þeirrar þjóðar sem hann var kosinn til að gæta hagsmuna fyrir. Það er með ólíkindum hvernig gamlir skarfar eins og þú geta verið svo fastir í flokksaganum að staðreyndir hætta að skipta máli. Vaknaðu og skoðaðu málin hlutlægt og ekki hlutdrægt eins og öllum flokksbundnum íslendingum, hvar svo sem þeir í flokki standa hættir til. Gröfum  þetta gamla flokksvaldakerfi og byggjum upp betra samfélag.

Með von um betri tíð og lægri vexti

[Númi (IP-tala skráð) 3.7.2009 kl. 22:07]

Davíð Oddsson er ekki trúverðugur einstaklingur.

[jonas (IP-tala skráð) 4.7.2009 kl. 00:07]

Við vitum allavegana að hann "gaf" landsbankan á 11 milljarða með þessum líka glimrandi góða árangri.  Davíð Oddsson og Halldór Ásgrímsson verða örugglega þegar fram líða stundir álitnir einir mestu skemmdarvargar sem Íslenska lýðveldið hefur alið.  Um það verður skrifað í sögubókum framtíðar.  Á því er engin vafi.  Sagan er ekki alltaf skrifuð af sigurvegurunum.

[Sigurður Jónsson, 4.7.2009 kl. 00:17]

Já,það sannast það sem ég sagði. Samfylkingarfólk fer alveg á taugum bara við það eitt að það kemur frétt um að Davíð ætli að segja eitthvað. Ekki veit ég hvað hann kemur til með að segja. Furðulegt að Samfylkingarfólk skuli fara á taugum áður en Davíð hefur sagt nokkuð.

[Tryggvi Marteinsson (IP-tala skráð) 4.7.2009 kl. 00:22]

Það vekur alltaf athygli fjölmiðla þegar menn eru með skítkast. Þess vegna vekur það alltaf athygli hvað Davíð ropar út úr sér. Mikil er trú þín Sigurður og einfeldni. Í lýðræðisríki væri Davíð á bak við lás og slá.

[Magnús Jónsson, 4.7.2009 kl. 01:09]

Sigurður : Er það ekki merkilegt að fólk skuli kenna þeim sem opnaði hliðið um troðninginn í hliðinu, eða er það þeim að kenna sem losar um stífluna að það flæðir annarstaðar þegar stýfðan losnar, líklega er það Davíð að kenna að snjallir men spiluðu á kerfið sem var til staðar( Efta-EES ) og svo framvegis, auðvitað eru öll okkar vandamál Davíð að kenna eða hvað, hver varaði við snemma árið2007, hver var í fýlu útí Baugsveldið frá 2005, man einhver eftir orðum Davíðs, eða háðsglósum Jóhannesar í Bónus, hvar var fólkið sem skrifar athugasemdir hér að framan þegar Davíð varaði við.

[Ólafur Eiríksson, 4.7.2009 kl. 05:03]

Ég hitti mann í gær sem þagði!

Grunsamlegt?

Hvað ef hann hefði nú sagt eitthvað - maður spyr sig?

[Sigurður Sigurðsson, 4.7.2009 kl. 10:42]

Sæll nafni,

Sammála þér með það að spennandi verður að heyra hvað kallinn segir, og viðbrögð heittrúaðra Samfylkingarmanna hér koma ekki á óvart. 

[Sigurður Sigurðsson, 4.7.2009 kl. 10:50]

Engin spurning nafni, greinilegt að þetta lið er allt farið á taugum, kommúnistaríkisstjórnin er að falli komin vegna Icesave ruglsins og nú ætlar kallinn að láta heyra í sér.  Ótrúlegt hvað þetta vinstra lið er hrætt við manniinn.

[Grétar (IP-tala skráð) 4.7.2009 kl. 11:23]

Davíð eyðilagði ekki neitt.  Hann stóð að því að byggja upp gott samfélag sem aðrir menn tóku í þurrt fjósið af einskærri græðgi.  Hann gerði meira að segja tilraun til að spyrna við fótum en var stoppaður af stórasta kóara Íslenska lýðveldisins (af hverju er hann ekki hættur?).  Mér hefur síðan sýnst að allt það sem Davíð hefur stungið uppá að gera frá því í haust hafi verið hárréttar ákvarðanir.  Þjóðstjórn og að semja ekki um skuldir óreiðumanna.  Sá kúrs hefði betur verið tekinn strax í upphafi.  Í staðinn fyrir að leggjast flatir í forina.  Skemmdarvargarnir eru aðrir.  Það er ekki hægt að kenna vegagerðinni um háskaakstur.

[Árni Gunnarsson, 4.7.2009 kl. 12:45]

Hver segir að Samfylkingin skjálfi þó Dabbi kóngur segist ætla að taka til máls? Ég hef engan séð eða heyrt hafa orð á því nema þig Sigurður.

Svo rótgróin er tilbeiðsla ykkar sjallanna á þessum óheillagarmi að þið gefið ykkur það að þegar hann taki til máls um þjóðmál þá muni allir skjálfa nema sjallar!

Ætlar þessari tilbeiðslu aldrei að linna?

[Landfari, 4.7.2009 kl. 16:29]

Var það ekki fyrst og fremst fjármálaeftirlitið sem klikkaði á vaktinni.

Hitt er svo annað að Davíð er ómissandi. Áður voru allir sammála um að allt sem aflaga hefði farið væari Davíð að kenna. Nú vantar blóraböggul og þess vegna hver höndin uppi á móti annari. Nú er það ekki seðlabankastjór að kenna hvað styrivextir eru háir og gengið lágt. sennilega af því að það kunna svo fáir að formæla á norsku.