Allir sem treystu Jóhönnu og Samfylkingunni að standa vörð um velferðarkerfið ættu að lesa auglýsingu í helgarblöðunum.

Jóhanna Sigurðardóttir formaður Samfylkingarinnar hefur verið ólöt við það að draga upp þá mynd af sjálfri sér að hún standi fremst í því að berjast fyrir hag þeirra sem verst eru staddir og að ekki komi til greina að skerða velferðkerfið gagnvart þeim.

Samfylkingarfólk lagði áherslu á þetta í kosningabaráttunni. Þau lögðu áherslu á að þótt erfiðir tímar væru framundan þyrfti að forgangsraða og ekki ætti að láta það bitna á velferðarkerfinu allavega ekki hjá þeim verst settu.

Það væri því hollt fyrir þá sem treystu Jóhönnu og Samfylkingunni að skoða auglýsingu frá Tryggjastofnun sem birtist í Fréttablaðinu og Morgunblaðinu nú um helgina.

Það kemur svo greinilega fram í þessari auglýsingu að það er verið að skerða kjör elli-og örorkulífeyrisþega frá 1.júlí s.l. Þetta var nú öll baráttan til að vernda velferðakerfið.