Verður Kolbrún Halldórsdóttir Þjóðleikhússtjóri. Hvað ætli Vinstri menn kalli slíka veitingu komi til þess.

Á næstunni verður skipað í starf Þjóðleikhússtjóra en 9 sóttu um stöðuna. Einn af umsækjendum er Kolbrún Halldórsdóttir fyrrverandi ráðherra og þingmaður Vinstri grænna. Ýmsir telja að hún hefði ekki sótt um nema telja sig nokkuð örugga um embættið. Núverandi þjóðleikhússtjóri Tinna Gunnlaugsdóttir er meðal umsækjenda og væri það furðulegt fengi hún starfið ekki áfram.

Vinstri grænir hafa í gegnum tíðina mjög gagnrýnt það sem þeir hafa kallað pólitískar ráðningar og nefnt það ýmsum orðum eins og vinavæðingu,bitlinga o.s.frv.

Það verður því spennandi að fylgjast með hvort Katrín Jakobsdóttir,menntamálaráðherra, muni skipa

innanbúðarmann hjá Vinstri grænum eða láta önnur sjónarmið ráða afstöðu sinni.

Athugasemdir

[Dante, 5.7.2009 kl. 23:45]

Auðvitað fær Kolla jobbið, annað væri í hæðsta máta óeðlilegt!

Ekki er hægt að hafa kerlinguna atvinnulausa .

[Þórólfur Ingvarsson, 6.7.2009 kl. 05:56]

Það er tækifæri fyrir VG að losa sig við kollu fyrir fullt og allt með því að menntamálaráðherra sniðgangi hana, því það þolir enginn þetta skoffín, ekki einu sinni VG að ég held.

[Haukur Nikulásson, 6.7.2009 kl. 08:01]

Sigurður, hvernig dettur þér að vera með vandlætingu í þessu efni. Hér er kastað grjóti úr glerhúsi.

Að sjálfsögðu verður Kolla ráðin, þú veist það, ég veit það og þjóðin veit það.

Það er einmitt háttur stjórnmálamanna að raða sínu fólki á garðann og þú ert ekki í hópi þeirra sem mun stuðla að breytingum í þeim málum ekki síst vegna þess að þér finnst "furðulegt" ef systir besta vinar Davíðs verði ekki áfram í embætti.

Ef jafnræðis skal gæta, af hverju ekki að skipta út í þessu starfi eins og öðrum? Er eðlilegt að fólk eignist svona embætti til lífstíðar?

Mín persónulega skoðun er að þjóðin eigi að losa sig að mestu út úr því að niðurgreiða listir hjá fullorðnu fólki. Eins og við sjáum berlega er oftast nær um að ræða að pólitíkin reyni að stjórna því hvað er list sem vert er að ríkið niðurgreiði úr vösum okkar sem höfum engan áhuga á því að halda uppi lista- og menningarstarfsemi sem ekki getur þrifist án endalauss betls úr rýrnandi sjóðum samfélagsins.

Til að fyrirbyggja misskilning hef ég enga skoðun á því hvort núverandi þjóðleikhússtjóri hefur sinnt starfi sínu vel eða illa.

[Jón Snæbjörnsson, 6.7.2009 kl. 10:16]

Hún fær ekki þetta starf - en fylgist með hvað hún fær í staðin

[María Kristjánsdóttir, 6.7.2009 kl. 12:45]

Ég er handviss um að Kolbrún Halldórsdóttir fær ekki þetta starf. En það er einkennilegt að það skuli vera Sjálfstæðisflokksmenn sem troðið hafa í átján ár, oft samkvæmt tilskipunum Davíðs, jafnvel óhæfum einstaklingum í öll embætti sem þeir hafa getað  skuli nú standa á öndinni yfir því hvort Katrín Jakobsdóttir skipi Kolbrúnu.