Eina vitið að spyrja þjóðina hvort fara eigi í aðildaviðræður.

Auðvitað geta alþingismenn velt þessu ESB máli fram og aftur í þingsalnum án þess að komast að nokkurri niðurstöðu.Eina vitið til að fá lausn er að vísa því til þjóðaratkvæðagreiðslu hvort taka eigi upp viðræður eða ekki. Á þann hátt fæst skýr vilji þjóðarinnar gagnvart ESB. Það er nefnilega alveg rétt sem Guðfríður Lilja Vinstri grænum segir að samþykki Alþingi aðildaviðræður er það ákveðin viljayfirlýsing að vilja ganga í ESB.

Besta lausnin að samþykkja þjóðaratkvæðagreiðslu hvort fara eigi í aðildaviðræður.

Rætt um ESB á Alþingi í dag

Athugasemdir

[Jón Ingi Cæsarsson, 10.7.2009 kl. 11:33]

Ættum við svo ekki að hafa þjóðaratvæðagreiðslu um hvort við ættum að hafa þjóðaratvæðagreiðslu..um bæði málin..

[Elle_, 10.7.2009 kl. 22:49]

Vil svara no 1 (Jóni Inga): Það kostar milljónir á milljónir ofan að fara í viðræðurnar.  Og því ættum við skattgreiðendur að borga það ef það svo er gegn vilja þorra fólksins í landinu?  Og mest af því einn óábyrgur flokkur vill það? Þetta er góður punktur hjá Sigurði og bara ekkert vit í neinu öðru.

[Elle_, 11.7.2009 kl. 16:30]

Evrópu-aðildar-umræður kosta 990 milljónir + :
http://ruv.is/heim/frettir/frett/store64/item289462/

[Sigurður Jónsson, 11.7.2009 kl. 23:12]

Sigurbjörg. Hefur það alveg farið framhjá þér að Samfylkingin hefur flokka mest talað um íbúalýðræði og þjóðaratkvæðagreisðlur. Hvers vegna passar það ekki Samfylkingunni að spyrja þjóðina álits í ESB. Getur verið að Samfylkingin óttist að það yrði fellt að ganga til viðræðna? Er það ástæðan fyrir andstöðu Samfylkingarinnar?

[Jón Ingi Cæsarsson, 11.7.2009 kl. 23:24]

Það sjá all flestir heimskuna í að fara í þjóðaratkvæði um að ganga til viðræðna. Málflutningur þar yrði sami skotgrafahernaðurinn og innihaldlausu fullyrðingarnar sem við sjáum alla daga. Það liggur fyrir að meirihluti fólks vill fara í viðræður og það hefur verið æ meira afgerandi eftir því sem tíminn líður. Svo eru aftur skiptari skoðanir um hvort við eigum að fara inn enda liggur ekkert fyrir hvað það varðar og eðlilegt að menn svari því ekki á þessu stigi.

Mér finnst málflutningur Sjálfstæðisflokksins grátlega lélegur og sýnt að þessi flokkur hefur enga burði til að stjórna einu né neinu og hér kristallast ástæður þess að slitnaði upp úr síðustu stjórn.... Sjálfstæðisflokkurinn er illa haldinn af ákvarðanafælni sem er einkenni flokks sem misst hefur sjálfstraustið.

[Elle_, 12.7.2009 kl. 00:32]

Skelfilegt að lesa ´comment´ no. 4.  Hvað kemur þetta fyrri ríkisstjórnarflokki við?  Í það minnst er enginn að skrifa neitt um Sjálfstæðisflokkinn að ofan.