Hver barði Ásmund fyrir að ætla að fylgja stefnu Vinstri grænna?

Pólitíkin getur oft tekið á sig furðulegar myndir. Ungi þingmaðurinn hjá Vinstri grænum fékk svo sannarlega sína eldskírn í vikunni. Ásmundur þingmaður Vinstri grænna hélt að það væri eitthvað að marka samþykktir flokksstofnana VG og ætlaði að fara eftir því. Þá var honum hreinlega sagt að það þýddi stjórnarslit. Ekki hefur enn komið farm hver eða hverjir það voru sem börðu Ásmund svo harkalega niður.

Hvað finnst kjósendum Vinstri grænna virkilega um það að formaðurinn Steingrímur J. og nokkrir fleiri ætla að sjá til þess að við óskum eftir aðildaviðræðum. Hvað finnst kjósendum VG um það að formaðurinn kaupi stjórnarsamstarfið við Samfylkinguna svona dýru verði að ganga þvert á sína eigin stefnu í ESB.

Hvað finnst flokksmönnum Vinstri grænna um framkomu Samfylkingarinnar í Icesave. Þar spilar Samfylkingin sama leikinn og þegar flokkurinn var í ríkisstjórn með Sjálfstæðisflokknum þ.e. að láta allan þungan af óvinsælu máli lenda á samstarfsflokknum. Landsmenn sjá það eitt að það sé trúaratriði hjá Steingrími J.að staðfesta samningsdrögin við Breta og Hollendinga. Samfylkingin þegir sem mest um málið enda veit hún að það er óvinsælt.

Eru flokksmenn Vinstri grænna virkilega ánægðir með sitt hlutskipti?

Tal um stjórnarslit undarlegt

Athugasemdir

[Anna Sigríður Guðmundsdóttir, 11.7.2009 kl. 23:34]

Ef þeir eru ánægðir með stefnuna þá spyr ég af hverju?