Steingrímur J.formaður VG er Vinstri stjórnin.

Það þarf ekki að koma á óvart að Steingrímur J. tali mest á Alþingi. Ekki verður af honum tekið að hann er frábær ræðumaður. Það sést best þessa dagana að Steingrímur J. er Vinstri stjórnin. Hann er sterki aðilinn og ótrúlegt að hann skuli láta Samfylkinguna komast upp með að vera stykkfrí í Icesave málinu. Lítið fer fyrir málflutningi Jóhönnu forsætisráðherra í málinu. Hvar er Björgvin fyrrverandi bankamálaráðherra? Hvers vegna þegir hann núna. Allt þetta Icesave mál gerðist þó á hans vakt. Maður skyldi ætla að hann ætti að standa manna fremst og verja samningana. Nei öðru nær nú heyrist lítið í þeim mælska manni. Hvað með Össur sem hingað til hefur getað talað og komið skoðunum sínum á framfæri. Hafa menn heyrt mikið í honum um Icesave? Eða Árni Páll, sem áður fyrr var alls staðar með munninn opinn og sparaði öðrum ekki kveðjurnar. Ekki heyrist mikið í honum um Icesave.

Með ólíkindum að Steingrímur J. skuli láta Samfylkinguna sleppa svona billilega.Á hinn bóginn setur svo Samfylkingin algjört skilyrði að afgreiða verði aðildaviðræður við ESB.

Steingrímur J.hefur því þurft að standa í þeim slag við sína þimngmenn að fá þá til að gefa eftir í ESB málinu og ganga þvert á kosningaloforð Vinstri grænna.

Já,Steingrímur J. virðist ætla að fórna ansi miklu fyrir að sitja í Vinstri stjórn.

Steingrímur hefur talað oftast og mest

Athugasemdir

[Guðmundur 2. Gunnarsson (IP-tala skráð) 13.7.2009 kl. 12:16]

Heilög Jóhanna er algerlega úti á túni.  Er í hlutverki brúðunnar Konna í fanginu á búktalaranum Baldri, eða réttar sagt Steingrími J. Sigfússyni.  Eins og í Sovét í denn þegar Brésnev var til sýnis á opinberum vetvangi eins og strengjabrúða.

Það er augljóst að konan er ekki að ráða við hlutverk forsætisráðherra, eða finnur sig í því.  Hvort um er að kenna ofsahræðsla við embættið, eða hún hefur fullkomlega ekkert að segja?

Hvað segja allir þeir þúsundir kjósenda Vinstri grænna, sem voru rændir mannréttindum sínum, kosningarréttinum, til að hafa áhrif á landsmálin, af umskiptingnum Steingrími J. Sigfússyni?

[Jón Logi (IP-tala skráð) 13.7.2009 kl. 14:28]

Þetta getur fariðá tvennan veg, - fallið eða gengið. Icesave og svo ESB.

Það yrði nú umhugsunarefni fyrir Steingrím svona eftir á,að standa að því að koma Íslandi inn í hið hálf-miðstýrða hálf-neo kapítalíska ESB með herskyldu og allslags öðru kruðeríi. Svo veit enginn hvert móverkið fer, til vinstri eða hægri.....

Bara til að vera smá í vinstri stjórn. 

En svo getur líka farið að þetta lið detti úr söðlum sínum. Gaman verður að fylgjast með því hverjir bregða lit og hverjir ekki í komandi atkvæðagreiðslum Alþingis.