Ekki bara viðræður heldur aðildarumsókn að ESB segir Ásmundur þingmaður VG.

Í Kastljósi í kvöld sagði Ásmundur þingmaður Vinstri grænna að það væri ekki bara verið að óska eftir viðræðum. Verði tillagan samþykkt værum við að senda formlega inn umsókn um aðild að ESB.

Menn sækja ekki um aðild að ESB nema meina eitthvað með því. Það er því furðulegt ef meirihluti þíngflokks Vinstri grænna ætlar að greiða því atkvæði að senda inn aðildarumsókn í ESB. Hver hefði trúað því að það yrðu Vinstri grænir sem kæmu okkur í Evrópusambandið.Samþykki meirihluti þjóðarinnar að hefja aðildaviðræður þá er það niðurstaða sem allir verða að sætta sig við. Sé það vilji meirihluta þjóðarinnar að óska ekki eftir aðildaviðræðum er það að sama skapi niðurstaða og þá þarf ekki að leggja í frekari kostnað  varðandi ESB umsókn.

Hvers vegna í óskupunum samþykkja þeir ekki þá leið að spyrja þjóðina hvort óska eigi eftir aðild eða ekki. Samkvæmt skoðanakönnunum segjast 76% vera fylgjandi þeirri leið.

Samfylkingarmenn segjast hlusta á vilja þjóðarinnar. Hvers vegna gildir það ekki núna?

Athugasemdir

[Ína (IP-tala skráð) 14.7.2009 kl. 00:19]

Gaman að sjá hvað þið sjallarnir eruð hrifnir af Ásmundi hinum unga. Hann er náttúrlega bóndi strákurinn og bændur vilja ekki inn í ESB, sama hvað ! Ef haldin yrði tvöföld þjóðaratkvæðagreiðsla þá yrði nú útkoman skrautleg eftir allan hræðsluáróðurinn ! Ég vinn með konu sem er alveg á móti ESB. Samt hefur hún ekkert lesið sér til um sambandið heldur er ´hún á móti af því að " þeir munu stela fiskinum okkar". Þessi kona þarf að sjá samning til að skilja ESB. Vita út á hvað málin ganga.

Þess vegna þurfum við að fara í sðildarviðræður svo við vitum hvað við erum að kjósa um. Ég get ekki ákveðið mig fyrr en ég sé samning. Held að það sé þannig með flesta.

[Þórólfur Ingvarsson, 14.7.2009 kl. 03:46]

Ég trúi því að Allavega að Steingrímur Júdas Sigfússon formaður VG. mun eiga fullan þátt í því að koma okkur í Evrópusambandið, ef við lendum þar sem ég vil bara ekki trúa að verði, hann var orðinn svo langeygður eftir ráðherrastól að hann fórnar öllu til að halda honum. Það dylst engum hvernig þetta vinstra pakk talar og af því gefur auga leið að því er ekkert heilagt. 

[Emil Örn Kristjánsson, 14.7.2009 kl. 09:40]

Fyrirgefðu, Sigurður. Minnist þú þess að það hafi einhverntíma verið eitthvað að marka samfylkingarmenn?

[Helgi Jóhann Hauksson, 14.7.2009 kl. 14:58]

Hvaðan koma menn sem ekki hefur verið það ljóst árum saman að til að fá aðildarviðræður sækjum við um aðild? - Og eina leiðinn til að fá samning til að taka afstöðu til er að takast á um hann við ESB með aðildarviðræðum eftur aðildarumsókn. - Ekki myndu viðræður kosta okkur mikið ef það væri rétt hjá þeim sem halda því fram að ekki sé um neitt að semja, bara sé einn pakki í boði. Þá væri nóg að panta samninginn í pósti og leggja hann fyrir þing og þjóð, en vegna þess að um svo margt er að semja getur viðræðuferlið tekið mörg ár, - eða fá eftir atvikum vegna EES.

[Tómas Ibsen Halldórsson, 14.7.2009 kl. 16:07]

Þeir hlusta ekki nema það henti þeim sérstaklega, nú hentar það ekki að hlusta á vilja þjóðarinnar, því að þjóðin vill trúlega eitthvað allt annað en þetta fólk.

[Gísli Baldvinsson (IP-tala skráð) 14.7.2009 kl. 17:13]

Þetta er alveg rétt hjá ykkur Ásmundi. Aðildarviðræður eru ekki sama og könnunarviðræður, enda breytt orðalag í lokaplaggi stjórnarsáttmálans. Sama plagg og Ásmundur setti stafina sína undir.

[Númi (IP-tala skráð) 14.7.2009 kl. 23:53]

Leit stendur yfir að Steigrími J sem var fyrir kosningar,talið er að klónaður tvífari hans sitji sem fjármálaráðherra.Það er alveg víst að þetta er ekki sá sami Steingrímur J sem var fyrir kosningar.Samfylkingin hatar lýðræðið,það er víst.

[Dante, 16.7.2009 kl. 00:55]

Mér finnst þetta vera það eina rétta, að þjóðin fái að kjósa um það, hvort hún vilji fara í þessar viðræður.
Ef svarið yrði Já, þá hefur alþingi skýrt umboð frá þjóðinni og alþingismenn geta komið sér upp úr pólitískum skotgröfunum sínum og byrjað að ræða saman hvernig best væri að haga þessari umsókn, landinu til heilla.
Þessi flýtir boðar ekkert gott. Ég óttast að önnur aftanítaka sé yfirvofandi ef menn stilla ekki saman strengi sína áður en lagt verður af stað.
Útbrunni eilífðar stúdentinn, hann Svavar Gestsson, lét Hollendingana og Englendingana taka sig í skraufþurra görnina og sjálfsagt þótti honum það gott strax frá byrjun.
Þjóðinni dugar eitt svona afsal á fullveldinu og þarf ekki fleiri.

Svo er það öll þessi leynd.

Hversu miklu verður haldið leyndu fyrir þjóðinni þegar aðildar samingurinn verður kynntur?

Ég mun ekki treysta þessari stjórn til að segja satt og rétt frá hlutunum.