Almenningur krefst þess að Icesave verði frestað og frekari gögn lögð fram.

Það eru með öllu óþolandi vinnubrögð hjá Vinstri stjórninni ætli hún sér að nauðga Icesave samningnum í gegnum Alþingi í næstu viku. Samkvæmt öllum fréttum eru svo mörg vafaatriði enn uppi að það hreinlega gengur ekki. Við getum ekki látið Breta og Hollendinga neyða okkur til þess að samþykkja samning sem margir telja að sé okkur ofviða. Nú hljóta "vinir" okkar í ESB að koma til hjálpar eftir að Jóhanna og Össur eru á leiðinni þangað með Vinstri græna í vasanum.

Fyrir okkur venjulega fólkið er skrítið að hlusta á rök norska Seðlabankastjórans hjá okkurt sem heldur því fram að við ráðum vel við að borga Icesave,en bankinn gengur útfrá að Evran í ár muni standa í 158 krónum. Hvað bendir eiginlega til þess að svo verði? Það þarf þá eitthvað stórkostlegt að gerast því í dag stendur Evran í 180 krónum. Sumir spáðu að krónan myndi styrkjast um leið og búið væri að samþykkja umsókn í ESB. Ekki hefur það gerst í dag hvað svo sem verður.

Ég tel að það verði að reyna til þrautar að vinna að því að ná vítækri samstöðu á Alþingi hvernig ganga eigi frá málum varðandi Icesave samninginn. Ég trúi ekki að Steingrímur J. ætli sér að halda áfram að svínbeygja sinn þingflokk áfram,en margir VG menn hafa miklar efasemdir um að þjóðin eigi og þurfi að taka á sig þessar skuldbindingar.

Ég trúi því ekki að þingmenn Vinstri grænna þori að ganga gegn sinni sannfæringu í Icesave,nóg vaqr að horfa á uppákomuna gagnvart ESB.

Það hlýtur að vera skynsamlegt að fresta afgreiðslu og skoða málið betur eins og Borgarahreyfingin leggur til.

 

Icesave hugsanlega frestað

Athugasemdir

[Svala Jónsdóttir, 17.7.2009 kl. 20:18]

Er einhvern möguleiki á því að miðaldra íslenskir karlmenn hætti að misnota orðið "nauðgun" í tíma og ótíma?

[Agla (IP-tala skráð) 17.7.2009 kl. 20:43]

Hvernig telur þú að  ganga eigi frá málum varðandi Icesave samninginn?

[Agla (IP-tala skráð) 17.7.2009 kl. 21:05]

Hvað er þetta "Icesave" sem við almenningur krefjumst að verði frestað?

Hvers vegna krefjumst við almenningur þess að málinu verði frestað?

[Sigurður Jónsson, 17.7.2009 kl. 22:23]

Eruð þið sannfærð um það miðað við sem fram hefur komið að okkur beri skylda til að skuldbinda okkur eins hressilega og samningurinn gerir ráð fyrir? Eru ekki enn allt of mörg vafaatriði til að hægt sé að samþykkja samninginn í næstu viku?