Vel hugsað um viðhaldið.

Ég skrapp til Vestmannaeyja í byrjun vikunnar. Að sjálfsögðu kíkti maður í Herjólfsdalinn. Svæðið er orðið gífurlega flott og breytingar sem gerðar hafa verið tekist vel. Allt stefnir í virkilega góða þjóðhátíð enda er sérstök stemming og upplifun að mæta í Dalinn.

Það er gaman að sjá hversu jákvæðir hlutir eru að gerast í Eyjum. Miðbærinn er að fá mikla upplyftingu með stórum glæsilegum byggingum. Það er búið að vera draumur margra Eyjamanna árum saman að eitthvað myndi gerast til að lyfta miðbænum svolítið upp. Nú er það að gerast myndarlegan hátt.

Gaman að sjá hversu margir eru að dytta að sínum húsum og lóðum. Svo er flott að heyra að Vestmannaeyingar eru mun jákvæðari á framtyíð byggðarlagsins heldur en oft áður. Það virðist allt á uppleið í Eyjum.

Það var líka flott að sjá bátana og stóru fiskiskipin sem lágu við bryggju í Vestmannaeyjum. Öllu svo vel við haldið og mikill munur að sjá skipin í Eyjum heldur en maður sér á sumum stöðum.

Það er sýnilegt að útgerðarmenn hugsa vel um viðhaldið.