Hvenær kemur röðin að heimilum landsins?

Alþingi hefur síðustu mánuðina verið upptekið við að ræða umsókn í Evrópusambandið og hvernig skuli afgreiða ríkisábyrgð á Icesave samninginn. Nú stefnir í að bæði þessi mál verði frá ogb þá ætla alþimngismenn í frí.

Hvað um aðgerðir til að bjarga heimilum landsins? Áttar Vinstri stjórnin sig virkilega ekki á því að hópurinn sem er hreinlega að kikna undan skuldabyrði,skattheimtu,hækkandi verðlagi,okurvöxtum o.fl. fer stækkandi á hverjum einasta degi.

Verðbólgan er enn í tveggja stafa tölu. Ein Evra er komin í 185 krónur.Vextir lækka ekki. Vöruverð' hækkar dag frá degi.

Allir stjórnmálaflokkar lögðu mikla áherslu á það fyrirbsíðustu kosningar að aðalmálið væri að koma heimilum landsins til hjálpar. Hvar er skjaldborgin?

Ætla stjórnvöld virkilega að horfa uppá að fólk gefist hreinlega upp í stórum stíl eða þeir sem geta fari af landi brott.

Eflaust eru þingmenn orðnir langþreyttir á miklu álagi,en það er varla tímabært að þeir taki sér frí í margar vikur miðað við hvernig ástandið er.

Röðin hlýtur að vera komin að því að eitthvað raunhæft verði gert til bjargar heimilum landsins.

 

Greiðsluviljinn að hverfa

Athugasemdir

[Alexander (IP-tala skráð) 27.8.2009 kl. 12:08]

Skjaldborgina er búið að slá um heimilin og ekkert í mannlegu valdi getur komið í gegnum hana nokkurri hjálp til heimilanna.