Eyjamenn fara að eins og Castró á Kúbu forðum.

Já, Eyjamenn eru alltaf úrræðagóðir.Ég sá það í eyjafrettir.is að Vestmannaeyingar hafa nú þegar tekið ákvörðun um að fresta Þrettándanum til föstudagsins 8.janúar 2010. Aðrir landsmenn munu væntanlega halda þrettándann hátíðlegan 6.janúar. Á sínum tíma var það heimsfrétt þegar Castró á Kúbu ákvað að fresta jólunum um nokkurn tíma þannig að fólk gæti unnið í sykrinum.

Já, það er ekki leiðum að líkjast fyrir Eyjamenn. Auðvitað er sjálfsagt að fresta Þrettándanum. Þetta er orðin ein af uppákomunum í vestmannaeyjum ár hvert. Mikið er lagt í að gera þennan dag hátíðlega og skemmtilegan og laðar hann að ferðamenn frá eyjunni í norðri.Það er því nauðsynlegt að uppákoman sé haldin um helgi. Ekki er spurning að þessi dagur verður enn vinsælli þegar samgöngumál Vestmannaeyja við fastalandið verða komin í almennilegt lag.

Svo er það bara spurningin hvort þrettándafrestunin í Eyjum fær sömu athygli og frestun jólanna á Kúbu forðum.Það er allavega gaman að heimsækja báðar þessar eyjar.

Athugasemdir

[Finnur (IP-tala skráð) 17.9.2009 kl. 22:21]

Held þeir hafi frestað hoinum síðustu 2 þrettánda, gerðu það allavega síðast.

[Hrafn Arnarson (IP-tala skráð) 18.9.2009 kl. 08:45]

Eyjamenn geta ekki frestað þrettándanum . Það geta önnur byggðalög ekki heldur . En hvað hefur þá gerst ? Jú , hátíðarhöld Eyjamanna á þrettándanum eru orðin að söluvöru . Þau eru hluti af markaðssetningu Eyjanna .Þau eru hætt að vera hátíðarhöld í eiginlegum skilningi og orðin að sýningu fyrir ferðafólk . Það væri hægt að hafa þessa sýningu , t.d.8.1 , 13.1. og lokasýningu 26.1 . Ef það er þetta sem ferðafólkið vill þá er þetta kannski athugandi .

[Bjarni Ben (IP-tala skráð) 18.9.2009 kl. 14:01]

Tja, fólk er ekki beint að borga sig inn á þrettándann... Mér finnst þessi ráðahagur þægilegur vegna þess að ég er í skóla uppi á landi og það er gott að hafa tækifæri til þess að vera viðstaddur þrettándafjörið þrátt fyrir það.