Ekki frétt að Ólafur Ragnar sé í viðtali. Það væri frétt ef þetta hefði verið Jóhanna.

Stundum er fréttamatið skrítið hjá fjölmiðlum. Það er ekki nein frétt að Ólafur Ragnar hafi verið í viðtali við erlendan fjölmiðil. Sérstaklega hafi hann ekki gefið út neinar yfirlýsingar,sem næstu daga þarf að leiðrétta.

Það hefði aftur á móti verið risafrétt ef Jóhanna forsætisráðherra hefði átt viðtla við erlenda fjölmiðla.

En svona í alvörunni er það auðvitað gott að vekja athygli á okkar miklu orku og þeim möguleikum sem við eigum í að rafvæða bílaflota okkar á næstu árum. Auðvitað hlýtur það að vera mjög skynsamlegt að maður tali nú ekki um möguleikann á að við getum sett saman slíka bíla og hafið útflutning.

Vonandi verða rafbílar framtíðin hér á landi. Maður vildi allavgea óska þess að vera á einum slíkum í hvert skipti sem maður tekur bensín á bílinn.

Ólafur Ragnar í viðtali

Athugasemdir

[Hólmfríður Bjarnadóttir, 19.9.2009 kl. 17:44]

Viðtalið við Ólaf Ragnar er góð frétt og hefur væntanlega góð áhrif fyrir Íslands hönd á erlendri grundu. Þeir í útlöndum er ekki að velta sér álitum einhverra íhaldsgaura á forsetanum heldur þeim áhuga sem hann hefur á umhverfismálum. Sem betur fer er Davíð Oddsson ekki mikið í viðtölum, hvorki innan lands eða utan, því þar hafa stóru skandalarnir verið eftir það sem hann hefur fullyrt fyrir hönd þjóðarinnar. ICESAVE málið og meðhöndlun Breta og Hollendinga á okkur í kjölfar stóryrða Davíðs er stóri skandallinn og verður vonandi ekki toppaður í bráð.

[Smyrill (IP-tala skráð) 19.9.2009 kl. 18:32]

Já, ég segi nú bara að ekki sé of langt þangað til! Ekki v eitir af að spara gjaldeyrinn, en innflutningur orkugjafanna er að sjálfsögðu afar kostnaðarsamur; geri þó ráð fyrir að þróunin taki all langan tíma, svo sem við má búast; en íslendingar eru nú einu sinni framtakssamt fólk.

[Sigrún Guðmundsdóttir (IP-tala skráð) 19.9.2009 kl. 21:17]

Sammála þér Sigurður!

Algjört undur líka að hann hafi ekki þurft að leiðrétta neitt úr þessu viðtali ennþá - eins og raunin hefur verið undanfarin misseri.

Spurning líka hvort einhver viðtöl eru betri en engin - eins og frú Hólmfríður vill meina.  Sumir eru með stærri snúð fastan á sér en aðrir...