Vinstri stjórnin neitar að bæta kjör þeirra lægst launuðu og stendur ekki við orð sín um atvinnuuppbyggingu.

Hver hefði trúað því að launþegar og atvinnurekendur stæðu saman gegn Vinstri stjórninni. Hver hefði trúað því að baráttan stæði um það að Vinstri stjórnin vill ekki standa við ákvæðið um að skattleysismörk verði hækkuð. Hækkun skattleysismarka nýtist best þeim lægst launuðu.

Hver hefði trúað því að Vinstri stjórn stæði gegn því að auka atvinnutækifærin í landinu.

Það er merkilegt að sjá hversu menn báðum megin við borðið þ.e. launþegar og atvinnurekendur vinna vel saman og sýna mikla ábyrgð í sínum störfum. En það er grátlegt að það skuli vera Vinstri stjórn í landinu sem ætlar ekki að standa við orð sín, þannig að stöðugleikasáttmálinn er í uppnámi.

Hvað varð eiginlega um slagorð Samfylkingar og Vinstri grænna, að standa ætti vörð um hag hinna lægst launuðu. Er það gert með því að neita að hækka skattleysismörkin. Svarið er stórt NEI.

Hvað varð eiginlega um slagorð samfylkingar og Vinstri grænna að tryggja ætti öllum atvinnu. Er það gert með því að leggjast gegn allri atvinnuuppbyggingu s.s. í Helguvík og hrekja erlenda fjárfesta í burtu vegna skattasetfnunnar. Spáð er að 5000 muni bætast á atvinnuleysisskrá á næsta ári. Svarið við loforði Samfylkingar og Vinstri grænna um að tryggja öllum atvinnu er stórt NEI.

 

Hafa ekkert nálgast niðurstöðu

Athugasemdir

[Siggi (IP-tala skráð) 27.10.2009 kl. 01:03]

Ég neita því ekki að það er gaman að sjá hvernig vinnstri stjórnin er málefnalega að þrotum fram komin og algjörlega ófær um að gera nokkurn hlut rétt. Þessi vonlausa ríkisstjórn ætlar að svíkja þann hóp sem studdi þá í síðustu kosningum og jafnframt að fá "venjulegt, vinnandi, vel menntað og harðduglegt fólk" á móti sér. Héldu Jóhanna og Steingrímur virkilega að þau gætu skrifað undir samkomulag við helstu hagsmunaaðila og svo svikið ALLT saman í næstu andrá ? 
Þetta getur ekki annað en endað á einn veg..............bara spurning um tíma, ekki hvort heldur hvenær !!!

[Sigurbjörg Eiríksdóttir, 27.10.2009 kl. 08:43]

Ótrúlegt! Ég myndi skilja þetta ef yfirlýsingarnar hefðu verið gerðar fyrir hrun.

[Brynja Daníelsdóttir (IP-tala skráð) 27.10.2009 kl. 16:25]

Svo hafa stjórnvöld samt hrósað sjálfri sér fyrir þau "snilldarúrræði" sem þau hafa komið fram með. Að fólk geti tekið út lífeyrissparnaðinn sinn og að greiðslujafna lánin sín eru dæmi um þessi úrræði en  í þessu kemur ekki ein króna frá ríkinu almenningi til aðstoðar, svo mikil "snilld" er við þessi úrræði. Fólki er einfaldlega "leyft" að ráðstafa sínum eigin sparnaði, og "leyft" að borga lánin sín í lengri tíma en ella. Í öllum hugmyndum ríkisstjórnarinnar felst sem sagt einungis úrræði sem almenningur borgar sjálfur, og ríkið ætlar svo að hirða restina af ráðstöfunartekjunum á næsta ári, ef einhverjar verða eftir þegar varasjóðir skattgreiðenda hafa verið uppurnar.