Menn hefðu betur hlustað á Jónínu.

Egill Helgason var af og til að fá Jónínu Benediktsdóttur í spjallið í Silfri Egils. Eins skrifaði hún margar greinar í blöðin.Á þeim tíma dró Jónína ýmislegt fram í dagsljósið og viðhafði stór orð um viðskiptahætti Bónusfeðgja og fleiri svokallaðra auðmanna og útrásarvíkinga. Hún sagði líka frá ltlum áhuga Samfylkingarinnar fyrir meintri spillingu Baugsveldisins.

Á þeim tíma var lítið hlustað á Jónínu og reynt að afgreiða málin með því að hún væri öfundssjúk, sár og reið og ýmislegt annað látið falla um hennar persónu.

Það merkilega er að ansi margt af því sem Jónína sagði og varaði við hefur nú komið fram. Menn hefðu betur hlustað á Jónínu á sínum tíma en auðvitað voru sterk öfl í þjóðfélaginu sem afgreiddu tal Jónínu sem vitleysu.

Það verður því fróðlegt að fá sögu Jónínu í bókarformi.

Sá tími er liðinn að Baugsfeðgar og fleiri geti kennt Davíð Oddssyni um allt sem miður hefur farið á Íslandi.Almenningur er farinn að sjá í gegnum áróðursmaskínu Baugsmiðlanna.

Ritar sögu Jónínu Ben

Athugasemdir

[Offari, 5.11.2009 kl. 12:20]

Jónína frænka vissi vel hvað hún var að segja. Þjóðin er samt ennþá því miður trúuð því að baugsfeðgar hafi bætt lífskjör hér með því að lækka matvælaverðið.  Vissulega tókst þeim að lækka hér matvælaverðið en það kostaði tölverðar fórnir því þeir drápu mikið af innlendri framleiðslu.

[Hjalti Elíasson (IP-tala skráð) 5.11.2009 kl. 17:18]

Sæll Sigurður.

Það er nú mín skoðun að flokksfélagar þínir ásamt meðreiðarsveinum  hafi nú líka verið með eitthvað líka ( kannski gúrka eins og flokksfélagi þinn var að veifa í þinginu) í eyrunum undanfarin ár. Þeir sem voguðu sér að benda þeim höfðingjum, er stjórnuðu hér síðustu ár, í hvað stefndi voru taldir  úrtölumenn og hefðu ekkert vit á þessum hlutum. En nú sitjum við í súpunni og hælbítar þíns flokks jagast í björgunarfólkinu.  En við getum þó verið bjartsýn á Íslenska þjóð og vitum fyrir víst að þið verðið úti í kuldanum í náinni framtíð . 

[Þráinn Jökull Elísson, 5.11.2009 kl. 20:26]

Mér kæmi ekki á óvart þó Jónína lumaði á fleiri upplýsingum sem gætu komið Baugsfeðgum og jafnvel fleiri aðilum illa, þegar þær koma fram í dagsljósið.

Kveðja úr Grundarfirði.

[Halldór Jóhannsson, 6.11.2009 kl. 06:36]

Það er dýrt fyrir okkur almenning að Baugsfeðgar skyldu opna Bónus...Hvað kostar það okkur nú....afskriftir uppá nokkra tugi milljarða... og allt hér í tómri steypu...Þá er nú aldeilis gróðinn farinn fyrir okkur og meira til....

[Hallgrímur M. Árnason (IP-tala skráð) 6.11.2009 kl. 09:10]

Já, lækkuðu Bónusmenn matarverð á Íslandi? 

Var bara ekki matarverðið greitt niður með lánum sem þeir tóku?  Og nú ætlast þeir til að þjóðin felli niður þessar skuldir þeirra sem notaðar voru til að niðurgreiða matarverðið í Bónusverslununum.