Það verður lítið um listamannalaun handa Þránni í framtíðinni ef Icesave verður samþykkt.

Skelfilegt er nú að horfa uppá Vinstri græna í atkvæðagreiðslunni um ríkisábyrgð á Icesave. Lilja Mósesdóttir og Ögmundur standa við sín orð, en auðvitað er spurning hvort þau hafi talið og vitað að það var í lagi að vera á móti. Við skulum samt ekki ætla þeim það. Ég held að þau séu að standa við sannfæringu sína.

Ásmundur bóndi og formaður Heimssýnar á bágt. Hann verður nú samt á endanum að gera upp sinn hug. Miðað við fyrri yfirlýsingar bæði hvað varðar Icesave og ESB getur hann ekki annað en verið á móti í lokaatkvæðagreiðslu.

Væntanlega verða þau Guðfríður Lilja og Atli Gíslason í fríi áfram til að sleppa við atkvæðagreiðslu.Ég hefði aldrewi trúað að Atli Gíslason myndi velja þess leið til að koma Icesave málinu í gegn. Hann situr uppi með að bera ábyrgð á málinu. Fólk sér í gegnum svona háttalag.

Það stefnir því að framtíð þjóðarinnar velti á því hvað Þráinn Bertelsson gerir við lokaafgreiðslu málsins. Hans atkvæði mun væntanlega ráða úrslitum um hvort Icesave verður samþykkt eða ekki.

Ég held að Þráinn geti gleymt öllu hvað varðar listamannalaun í framtíðinni samþykki hann Icesave.

 

Meirihluti samþykkti Icesave

Athugasemdir

[Stefán Friðrik Stefánsson, 8.12.2009 kl. 21:15]

Flott grein, sammála hverju orði!

[Baldur (IP-tala skráð) 8.12.2009 kl. 22:23]

Hugsa sér að þetta ráðist jafnvel á þunglyndis Þráni!  Þetta er ansi döpur staða og við vonum bara að réttlætið sigri, annars verður allt vitlaust.  Við komum til með að sjá mótmæli sem aldrei fyrr!

[Sigurður Þórðarson, 9.12.2009 kl. 04:54]

Það er hverju orði sannara að þessi atkvæðagreiðsla mun örugglega vera eitt af ógæfusporum okkar í átt til fátæktar en ekki verður snúið á braut. En hvað Þráinn prívat og persónulega varðar þá yrði ég ekki hissa þó 30 silfurpeningar séu geymdir í skúffu handa honum auk þess sem hann er ekkert unglamb lengur og það verða frekar afkomendur hans sem munu líða en hann sjálfur. Þeir sem hlustuðu á Þráinn gera grein fyrir atkvæði sínu vita að því er löngu ráðstafað. Ég hugsa að bóndinn ungi muni snúast með félögum sínum Lilju og Ögmundi  en það dugar ekki vegna Þráins.   Ef sjálfstæðismenn vilja breyta þessu verða þeir að semja við VG

Tíminn  vinnur ekki með Samfylkingunni 32000 hafa skrifað undir og fer fjölgandi. Miðað við forsögu og fyrri yfirlýsingar forsetans stóreykur hver undirskrift líkurnar á að málið fari í þjóðaratkvæði.  Ég hef algerlega öruggar heimildir fyrir því að Samfylkingin muni reyna að keyra þetta mál í gegn á methraða og ætli sér í mesta lagi viku til þess.

[Ómar Ragnarsson, 9.12.2009 kl. 06:03]

Hugsunarhátturinn á bak við það að svipta Þráin Bertelsson listamannalaunum af alls óskyldum ástæðum er svipaður og við sáum oft á Davíðstímanum þegar valdinu var beitt hvar sem því var við komið til að refsa mönnum.

Ef menn mökkuðu ekki rétt skyldi það koma niður á þeim með öllum tiltækum ráðum.

Hliðstæðu mátti sjá á fjórða áratug síðustu aldar þegar margir vildu að Halldór Laxness yrði sviptur sínum listamannalaunum vegna "óþjóðhollustu og þjónkunar við Moskvuvaldið" og svonefnds "níðs" í garð bænda í bókinni "Sjálfstætt fólk."

Þótt Laxness styddi einhvern mesta kúgara og fjöldamorðingja sögunnar á þeim tíma eins og margir fékk hann þó að halda þessum launum, þótt þau væru lækkuð.

Síðar játaði hann að hafa látið blekkjast og varð maður að meiri fyrir það.

Með ofangreindum orðum er ég hvorki að leggja hinum hrunda heimskommúnisma lið né taka afstöðu í Icesafe-málinu heldur aðeins að biðja um það að menn séu metnir af þeim verkum sínum sem koma stjórnmálaskoðunum ekkert við.

Ég er nýbúinn að leggja Ögmundi Jónassyni lið á eyjunni vegna þess, að margir geta ekki rætt málefnalega um bók Styrmis Gunnarssonar heldur fordæma hana og ritdóm Ögmundar um hana vegna þess HVERJIR þessir menn eru en ekki vegna þess um hvaða MÁLEFNI er að ræða.

Þetta er það sem Laxness kallaði "steingelt þras" í frægum sjónvarpsþætti og bað menn um að lyfta umræðunum á aðeins hærra plan.

[Sigurður Þórðarson, 9.12.2009 kl. 10:56]

Ómar, þú ert greinilega að skilja þetta allt öðruvísi en ég.

Mér fannst augljóst að höfundur textans væri að segja að ef Ísland yrði skuldsett með þessum hætti fengi enginn maður á Íslandi listamannalaun.  Það er líka ansi langsótt að einhver starfsmaður sveitarfélags úti á landi geti hótað þingmönnum. Eða hvað?

[Guðmundur 2. Gunnarsson (IP-tala skráð) 9.12.2009 kl. 12:29]

Hvernig í ósköpunum á þjóðin að getað haft efni á að borga listamannalaun til hans eða annarra?

Sammála með Atla.  Hann sýndi þá sitt rétta eðli, og framdi pólitískt sjálfsmorð eins og hinir sem það gerðu á þingi.  Þeirra þáttur í að gera sitt í að tvíbrjóta stjórnarskrána verður aldrei látið viðgangast af þjóðinni.  Guðfríði Lilju ætla ég ekki að slíta lyklaborðinu til að tjá mig um.

[Guðmundur 2. Gunnarsson (IP-tala skráð) 9.12.2009 kl. 12:46]

PS.  Held að hinn ágæti Ómar hafi misskilið góða færslu pistilhöfundar sem er að mínum skilningi að benda á hvernig í ósköpunum þjóðin ætti að getað staðið að slíkum greiðslum í framtíðinni á meðan þjóðin er rukkuð fyrir ólögvarða skuld sem vonlaust er fyrir hana að greiða, og án þess að hún hafi stofnað til hennar, og án þess að hafa hugmynd um hversu há hún verður.  Reiknimeistari reiknaði dæmið og kynnti niðurstöðu í útvarpi í gær, eins og það lítur út í dag miðað við þekktar forsendur að á hvern vinnandi mann bætast 2 miljónir á ári.  4 miljónir fyrir hvert heimili þar sem hjón starfa úti.  Ekki hef ég og við efni á slíku, þó svo að skattar hækka ekki.  Þráinn og kollegar treysta kannski á að sækja aurana frá alþjóðasamfélagi ESB, draumsamfélagi Hitlers?

[Gísli Ingvarsson, 9.12.2009 kl. 13:39]

Sammála Ómari,og til viðbótar svona dylgjur koma upp um spillingarhugarfar viðkomandi bloggara. (hann þorir ekki að birta þessa athugasemd)!

[Sigurður Jónsson, 9.12.2009 kl. 14:50]

Ég var að benda á að með samþykkt ríkisábyrðar Icesave eins og sá pakki lítur út verður á næstu árum lítið til að setja í lúxus eins og listamannalaun. Var að vekja athygli á að Þráinn réði væntanlega úrslitum hvort ríkisábyrgð verður samþykkt í núverandi mynd eða ekki. Það er hreint ótrúlegt hvernig hægt er að tala um dylgjur eða spillingarhugarfar í því sambandi. Það hljóta allir að sjá hversu hættuleg samþykkt Icesave getur orðið fyrir framtíð efnahagslífsins á Íslandi. Menn geta svo haft ýmsar skoðanir á því hverju og hverjum sé um að kenna.

[Anna Sigríður Guðmundsdóttir, 9.12.2009 kl. 21:59]

Það er nú ekki mikið mál að borga allt sem réttlátt er og þar með listamannalaun Þráins ef svika-fé verður afturkallað, sem það verður. Heldur vil ég borga Þráni með skattpeningunum en bankaræningjum og kvótaþjófum.