Hvers vegna hlustar forysta Vinstri grænna ekki á Ögmund.

Ég stóð í þeirri trú að Vinstri grænir stæðu fyrir ákveððnar hugsjónir og þær væru ekki falar fyrir völd og ráðherrastóla. Þó menn séu ekki sammála skoðunum VG hafa menn fram að þessu borið ákveðna virðingu fyrir flokknum og talið hann vilja standa á sínu og gæfi ekki afslátt af sínum grundvallar stefnumálum.

Það eru því mikil vonbrigði fyrir stuðningsmenn VG og líka okkar hinna að sjá að þessi flokkur hefur fórnað miklu bara til að geta setið í ríkisstjórn.

Aðeins tveir þingmenn VG virðast ætla að standa í lappirnar og standa við hugsjónir sínar. Annar þessara aðila er Ögmundur Jónasson,sem rekinn var úr ríkisstjórninni fyrir það að vilja standa við orð sín.

Hvers vegna í óskupunum er forysta VG ekki tilbúin að hlusta á Ögmund. Þessir punktar varðandi Icesave,sem ögmundur setur fram á heimasíðu sinni eru athyglisverðir,en forystan hlustar ekki á Ögmund.

Það er furðulegt að forysta Vinstri grænna skuli vilja fara þá leið að láta Breta og Hollendinga kúga sig og verða þess valdandi að unnið er að fullum krafta við að koma okkur á hné ESB.

Já, einu sinni höfðu Vinstri grænir hugsjónir til að berjast fyrir. Sú tíð er liðin.

Ögmundur: Tafir á Alþingi þjóna engum tilgangi

Athugasemdir

[Sigurbjörg Jónsdóttir (IP-tala skráð) 17.12.2009 kl. 16:43]

Steingrímur er ekki í VG hann er að vinna firrir flokkinn sinn sem er Samfylkingin vinnan felst í því að láta þá sem kusu VG ganga bakdyra megins inn hjá Samfylkingunni svo lítið beri á.