Átti ekki ESB og Evran að bjarga öllu? Ætli Jóhanna verkstjóri hafi heyrt um Grikkland?

Ótrúlegt að ástandið skuli vera svona í Grikklandi. Þessi ágæta þjóð er þó bæði aðili að ESB og myntin er Evra. Samfylkingin hefur nú hingað til talið okkur trú um að ESB og Evran væri heslti björgunarhringur okkar.

Merkilegt er það einnig að þetta skuli koma fyrir í Grikklandi,því ekki var Davíð Oddsson Seðlabankastjóru þar. Samt gat svona hrun átt sér stað í Grikklandi.

Auðvitað má búast við að viðbrögð Jóhönnu verkstjóra verði að henni komi þetta mjög á óvart.

Einhverjir Samfylkingarmenn hljóta nú að efast um að öll okkar vandamál okkar Íslendinga leysist bara við það að ganga í ESB og taka upp Evru.

Björgunarpakkinn samþykktur

Athugasemdir

[SJ (IP-tala skráð) 2.5.2010 kl. 20:39]

1. Er ekki verið að bjarga Grikklandi?

2. Þeir höfðu víst sína vanhæfu spilltu leiðtoga sem voru staðnir að svindli og svínaríi (alias kóna eins og DO)

3. Held að einungis hálfvitar telji að aðrir geti leyst öll sjálfsköpuð vandamál þjóðar í kjölfar samfelldrar valdatíðar Sjálfstæðisflokksins.

[Grímur (IP-tala skráð) 2.5.2010 kl. 22:13]

Davíð hlýtur að hafa farið í sumarfrí til Grikklands  eða gert eitthvað annað af sér til að Grikkland lenti í þessari stöðu

Undarlegt að Þorvaldur og Egil skuli ekki hafa gefið okkur útskýringu á þessu í Silfrinu í dag.

[SJ (IP-tala skráð) 2.5.2010 kl. 23:58]

Það má auðvitað aldrei gleyma að Davíð var og er valdalaus, einfeldningur sem má ekki vamm sitt vita og stjórnaði í góðri trú áratugum saman. Hann hélt, í sakleysi sínu, að Björgólfsfeðgar væru heilir og gegnir stuttbuxnadrengir og Kjartan litli yrði nú aldeilis happafengur í stjórn stærsta glæpafyrirtæki Íslandssögunnar, eins og síðar kom í ljós.

Hvernig í ósköpunum gat Dabbi vitað að þessir vænu vesturbæingar og vinir færu svona illa með hans heitelskuðu þjóð. Björgólfur hafði að vísu verið bendalaður við risa glæpamál í Landsbankanum fyrir nokkrum áratugum, síðan dæmdur í Hafskipsmáli, en batnandi mönnum er best að lifa hugsaði Davíð með sjálfum sér í bjartsýniskasti.......eða var það kannski í barnslegri einfeldni og trú?

[haukur (IP-tala skráð) 3.5.2010 kl. 00:35]

Ef Grikkland væri ekki í ESB þá væri það löngu komið á hausinn.

[Gunnar (IP-tala skráð) 3.5.2010 kl. 10:21]

a) hver hefur haldið því fram að ESB eða evra sé einhvers konar sjálfkrafa hjálp sem leysir allan vanda? Hef ekki heyrt nokkurn mann halda því fram, þótt ýmsir noti það algenga trikk að gera andstæðingnum upp skoðanir og benda síðan á hversu vitlaus sú skoðun er.

b) hver hefur haldið því fram að Davíð Oddsson hafi skapað vanda Íslands upp á eigin spýtur? Það er munur á milli þess að eiga hlut að máli en að vera einn að verki. Þetta er annað dæmi um það sem bent var á að ofan. Trúflokkur Davíðs segir að allir þeir sem benda á hlut hans í hruninu telji hann eiga einn sök á málinu og benda síðan á að þetta sé ekki rétt -- og draga af því þá ályktun að Davíð eigi engan hlut í hruninu. Snilldarrökfræði!

c) dæmi Grikkja er einmitt rök fyrir því að við ættum að ganga í ESB. Þeir (þ.e. grísk stjórnvöld) hafa hegðað sér eins og fífl, en samt ætla félagarnir í klúbbnum að rétta þeim hjálparhönd með ströngum skilyrðum vegna þess að fall Grikkja mun koma öllum klúbbnum í koll. Þannig hegða vinveittar þjóðir sér þegar félagar þeirra eiga í vandræðum -- eins og Norðurlöndin gerðu í okkar tilviki. Sorglegt er aftur á móti að fylgjast með þegar hinir aumu syndarar, sem hafa komið sér í vandræði með glannaskap og heimskulegri hegðun, kenna hjálpinni um sinn eigin vanda.