Mun sterk staða Besta flokksins hafa áhrif í öðrum sveitarfélögum?

Það fer ekki framhjá neinum að miklar hræringar eru nú í íslenskri pólitík. Margir kjósendur hafa fengið yfir sig nóg af fjórflokknum svokallaða og vilja refsa flokkunum fyrir allt klúðrið. Auðvitað er það kannski skiljanlegt en spurning hvort það er réttlátt að láta reiðina bitna á sveitarstjórnarmálunum.Það skiptir nefnilega ansi miklu máli hvaða fulltrúar veljast í sveitarstjórn. Hvort besti flokkurinn fær svona mikið uppúr kjörkössunum er stór spurning,en allavega mun flokkurinn koma til neð að hafa veruleg áhrif í Reykjavík.

Svo er þaðspurningin,mun þessi andstaða gegn gömlu flokkunum hafa áhrif víðar en í Reykjavík,þótt Besti flokkurinn sé ekki með framboð.Nú bjóða gömlu flokkarnir víða fram í sveitarfélögum undir sínum bókstaf. Verður þeim refsað að sama skapi og í Reykjavík. Það getur t.d. gerst aðm kjósendur skili auðu í mun ríkara mæli en áður eða kjósi frekar framboð sem ekki eru beint merkt stjórnmálaflokkum.

Merkilegt er í þessari könnun í Reykjavík að svo virðist vera sem Vinstri flokkarnir fái mun verri útkomu en Sjálfstæðisflokkurinn. Fróðlegt verður að sjá hver áhrifin verða í öðrum sveitarfélögum.

Ég velti t.d. fyrir mér hvort þetta hefur einhver áhrif hér í Garðinum. Í fyrsta skipti í sögunni er boðið fram undir D-lista merki þ.e. beintenging við Sjálfstæðisflokkinn. Mun það hafa neikvæð ághrif eða skiptir það engu máli.

Svo er annað framboð, þar sem þingmaður Samfylkingarinnar skipar baráttusætið. Mun það hafa neikvæð áhrif þar sem hún er fulltrúi fjórflokksins og stuðningsmaður Vinsgtri stjórnarinnar.

Þriðja framboðið er svo í Garðinum sem kallar sig lista allra Garðbúa. Kemur sá listi til með að hagnast á því að vera ekki beintengdur neinum stjórnmálaflokki.

Það er gaman að velta þessu fyrir sér. Niðurstaðan er að erfitt verður að spá fyrir um úrslit í kosningunum ekki bara í Reykjavík,heldur í flestum sveitarfélögum landsins.

Athugasemdir

[Sigurbjörg Eiríksdóttir, 18.5.2010 kl. 09:54]

Það segir þú satt. Það verður erfitt að sjá þetta núna. Ég hef átt erfitt með að trúa því að fólk ætli að kjósa grínframboð en það virðist staðreynd!

[ingo skulason (IP-tala skráð) 18.5.2010 kl. 10:01]

Það sem kemur mér mest á óvart er að samkvæmt skoðanakönnun þá fær VG einn í Reykjavik sem þeir eiga ekki skilið. Manneskja sem er ekki heil á geðsmunum.Ef það verður þá eiga Reykvíkíngar skilið það sem þeir fá

[Sigurbjörg Eiríksdóttir, 18.5.2010 kl. 10:04]

Ingo..Er það manneskjan sem áttaði sig á því að það væri ekkert slæmt að eignast strák?:) Ég segi það með þér þá fær fólk það sem það á skilið.