Hvenær fóru Jón Bjarnason og Steingrímur J. eða fóru þeir ekki?

Á mbl er dregin upp spennumynd af brottför ráðherra Vinstri grænna af ríkisstjórnarfundi. Svo virðist komið að þessi ólíki hópur geti alls ekki verið samferða á þingflokksfund VG. Skuggaleg mynd er dregin upp af því að Svandís og Álfheiður hafi yfirgefið Vinstri stjórnina um kl.18:00. Svo gerist hið óvænta að kl.18:20 yfirgefur Katrín fund Vinstri stjórnarinnar.

Lesendur sakamálasögunnar sitja eftir í svitabaði. Hvenær yfirgáfu Jón Bjarnason eða Steingrímur J. fund Vinstri stjórnarinnar? Eða yfirgáfu þeir félagar hreinlega ekki fund Vinstri stjórnarinnar?

Ég get hreinlega ekki séð á mbl. endirinn á þessu svakalega máli. Hvað er eiginlega að gerast hjá Vinstri grænum. Maður bíður spenntur eftir að sjá hvernig þetta allt endaði. Klukkan hvað fór Jón eða fór hann ekki. Klukkan hvað fór Steingrímur J. eða fór hann ekki. Það hljóta að verða sagðar frettir af þessu á morgun.

Svandís og Álfheiður farnar af fundi