Er nauðsynlegt að hafa þjóðkirkju?

Oft hef ég velt því fyrir mér hvort það er nokkur nauðsyn að hafa þjóðkirkju þar sem ríkið heldur úti allri starfseminni með sérstökum sköttum. Reyndar þarf svo að greiða aukalega fyrir alla þjónustu kirkjunnar fyrir utan venjulegar messur.

Væri ekki mun vitlegra að fólk hefði bara frjálst val hvort það vildi vera í einhverjum ákveðnum söfnuði eða bara alls ekki. Kirkjustarfið væri þá greitt af safnaðarfólkinu sjálfu án styrkja frá ríkinu.

Spurning hvort það kæmi bara ekki mun betra kirkjustarf útúr slíku fyrirkomulagi.Hættan er alltaf sú að þar sem ríkið er verði alltof mikið bákn.

Reyndar eru þetta nú vangaveltur hjá mér og ég er reyndar ekki sannfærður hvort við gætum sleppt því að hafa þjóðkirkju og hætt öllum beinum styrkjum.

Gaman að velta þessu upp og sjá ykkar álit.

Ekkert svigrúm til að hlífa kirkjunni

Athugasemdir

[Þór Hauksson (IP-tala skráð) 9.8.2010 kl. 11:46]

Hvaða styrki ertu að tala um?

[doctore (IP-tala skráð) 9.8.2010 kl. 12:23]

Þjóðkirkjan er þjóðarskömm...  að ríkið haldi úti og rukki gjöld fyrir svona fyrirbæri er hrákslumma framaní alla þá sem eru ekki kristnir.

Það má öllum vera ljóst að trúarbrögð geta ekki sameinað eitt né neitt... Hin Abrahamísku trúarbrögð voru smíðuð til að nota í stríði...

[Sigurður Jónsson, 9.8.2010 kl. 12:25]

Kannski ekki rétt að kalla það styrki,en ríkið greiðir öll laun og reksturskostnaður er greiddur af því opinbera.

[Hallur (IP-tala skráð) 9.8.2010 kl. 12:42]

"þjóð"kirkjan getur bara gert eins og hinir. Fengið ákveðinn pening per sóknarbarn. En þá verður fólk líka að skrá sig þangaðsvona svipað og með aðra söfnuði.

Punktur.

Ekkertrugl eins og er í gangi núna.

[doctore (IP-tala skráð) 9.8.2010 kl. 13:53]

Það sem þarf að gera.

Taka alla trúarsöfnuði frá ríki, ríkið rukkar EKKI inn gjöld fyrir þá... allir afskráist úr trúarsöfnuðum, sjálfvirk skráning hættir... menn þurfa að vera 18 ára til að skrást í trúarsöfnuð... menn verða að kunna efnið sem þeir eru að skrifa undir.

Eina hlutverk ríkisins í trúmálum er að fylgjast með hvað þeir eru að sýsla, eru þeir að selja fólk lækningar... BANG ríkið kemur inn...

[Dagrún (IP-tala skráð) 9.8.2010 kl. 14:36]

Finnst kirkjan algjörlega nauðsynleg og það þarf ekki að greiða prestinum fyrir jarðarfarir. Ef það væri ekki sóknargjöld hvernig færi þá með kirkjugarðana? Yrðirðu grafinn upp ef ættingjarnir vilja ekki borga lengur? Hef þá reynslu að til kirkjunnar leitarðu þegar mest á reynir og það er gott hvort sem þú ert mjög trúaður eður ei. Var mjög stolt af því kerfi að sóknargjöld þeirra sem vildu vera utan trúfélaga fóru til Háskóla Íslands en það var lagt af í þessari eða síðustu ríkisstjórn sem mér finnst mjög miður.

[Brynjar Jóhannsson, 9.8.2010 kl. 16:42]

Ég hef ekki farið í kirkju í fjöldamörg ár. Hef ekkert þangað að sækja. Hitt er að það mætti leysa mál varðandi jarðafarir en ég sé ekki ástæðuna að fara í kirkju til að lofast konu.

[Sveinn (IP-tala skráð) 9.8.2010 kl. 20:28]

Ég held að mörgum fari betur að segja sem minnst um það sem það ekki þekkir. Ömurlegt að lesa færslur fólks sem er svo hrikalega upplýst og fullt af gremju og fordómum. Skelfing hlýtur þessu fólki að líða illa.

[Tinna Gunnarsdóttir Gígja, 10.8.2010 kl. 12:12]

Finnst fólki það eðlilegt að til kirkjunnar renni hærri upphæð en er eytt, samanlagt, í dómsmál, fangelsismál, landsskrár, ráðuneyti og neytendamál? Samtals fá þessir flokkar 19% af fjárlögum dóms- og mannréttindamálaráðuneytis, eða 4.756 milljónir á árinu 2010. Kirkjumál fá 20%, eða 4.997 milljónir.

Gjaldskrá fyrir aukaverk presta:

2. gr.

Greiðslur fyrir eftirtalin aukaverk eru sem hér segir:

1.      Skírn                                                                                                        3.500 kr.

         Ef skírt er við guðsþjónustu er skírnin ókeypis

2.      Ferming                                                                                                   9.300 kr.

3.      Hjónavígsla                                                                                              6.500 kr.

4.      Greftrun með ræðu                                                                               13.900 kr.

5.      Kistulagning                                                                                             4.000 kr.

6.      Greftrun án ræðu                                                                                    5.000 kr.

7.      Fyrir embættisvottorð                                                                                 650 kr.

3. gr.

Ef prestur er sérstaklega kvaddur til að vinna aukaverk, greiðir sá ferðakostnað prestsins er beiðist verksins, samkvæmt reglum um greiðslu ferðakostnaðar ríkisstarfsmanna, þó eigi fyrir lengri vegalengd en 10 km. Við kistulagningu og greftrun reiknist þessi vegalengd tvöföld.