Steingrímur J.sjávarútvegsráðherra. Alvöru loðnuveiðar strax.

Ótrúlegt er að sjávarútvegsráðherra og ríkisstjórnin skuli ekki hafa samþykkt að heimila alvöru loðnuveiðar. Sjórinn er fullur af loðnu. Maður hefði nú haldið að ríkisstjórnin myndi fagna því að geta skapað auknar gjladyristekjur með því að leyfa að veiða myndarlegt magn af loðnunni.Maður hreint og beint skilur þetta ekki hvað Vinstri stjórnin er að hugsa.

Ég hélt að svo væri komið fyrir íslenskri þjóð að við hreinlega yrðum að nota hvert tækifæri sem við fengjum til að nýta auðlind okkar í sjónum. Í gegnum tíðina hefur það reynst þjóðinni best.

Athugasemdir

[Jakob Thor Haraldsson (IP-tala skráð) 15.2.2009 kl. 14:38]

Ég er BJARTSÝN á að þessir FÁBJÁNAR taki LOKS rétta ákvörðun.  EF þessi nýja ríkisstjórn opnar ekki fyrir loðnuveiðar þá er bara að panta flugmiða burt af "ÞRÆLAEYJUNNI".  Það eru TAKMÖRK fyrir hversu mikið "helvítis fokking fokk" hægt er að bjóða einni þjóð...:).

kv. Heilbrigð skynsemi

[Auðbjörg (IP-tala skráð) 15.2.2009 kl. 17:42]

jÁ... en þessi ákvörðun verður að koma núna. Loðnan bíður ekkert bara og skreppur í kaffi í eyjum. Hún fer hér framhjá á fleigiferð og það verður að sækja hana strax. Erum að tapa þvílíkum peningum núna.

[Þórir Kjartansson, 15.2.2009 kl. 18:20]

Hver segir að sjórinn sé fullur af loðnu?  Hélt að flestum væri orðið það ljóst að það er nánast búið að útrýma loðnustofninum eins og síldinni var útrýmt hérna fyrr á árum. Svo keppa hvalir og þorskar um að éta þessi fáu síli sem eftir eru.  Rækjan var étin upp og sömuleiðis sandsílið. Þessvegna er t.d. allur lundi í Vestmannaeyjum að drepast úr hungri.

[Sigurður Viktor Úlfarsson, 15.2.2009 kl. 19:45]

Ég tek undir með Þóri, hver segir að sjórinn sé fullur af loðnu?  Loðnustofnin er forsenda þess að aðrir stofnar stækki þar sem loðnan er helsta fæðutegund stórs hluta þess afla sem sóttur er.  Þess vegna er enn meiri ástæða til að fara varlega varðandi loðnustofninn.

Eitt verður að vera alveg á hreinu.  Aðstæður á landi mega aldrei vera lagðar til grundvallar ákvörðun um það magn sem veitt er.  Einungis aðstæður í sjónum má leggja til grundvallar slíkri ákvörðun, jafnvel þótt pólitíkusinn geti aflað sér einhverra atkvæða hjá fólki sem veit ekki betur með því að taka ákvörðun sem til skamms tíma getur aflað honum vinsælda.

[Jónas Yngvi Ásgrímsson, 15.2.2009 kl. 22:19]

Bíddu hægur. Er ekki verið að kanna hvort til sé nóg af loðnu.

Hins vegar vaknar núna spurningin. Hvers vegna gaf sjávarútvegsráðherrann þinn ekki út kvóta á loðnu um sama leyti og hann gaf út heimildir á hvali. Sennilegt hefði verið að sú heimild hans hefði ekki verið eins gagnrýnd.

Annars er gaman að fylgjast með sjálfstæðismönnum í stjórnarandstöðu. Núna fyrst skilur maður hver Ragnar Reykás er. Sjálfstæðismaður í stjórn og síðan í andstöðu.

[Roland Buchholz, 16.2.2009 kl. 12:00]

Það er enginn skortur á fyrirhyggjulausum fíflum í þessu ágæta landi okkar. Étum bara nestið áður en við förum af stað, það hlýtur að reddast.

Veiðum bara þessi 400.000 tonn sem eru að koma til hrygningar. Er okkur ekki skítsama þó að það komi þá ekkert eftir tvö ár og enn minna eftir þrjú, það er seinni tíma vandamál.

Svo getum við líka bætt slatta við þorskkvótann. Það á ekkert að skipta okkur máli þó að það sé erfitt að koma því í verð erlendis, drepum þetta bara. Við getum þá bara étið þetta allt saman sjálf ef það selst ekki.

Fyrir 30 árum veiddum við milljón tonn af loðnu. þetta var gert með smápungum og allt veitt í nót. það er mín skoðun og margra annara að til að rétta við loðnustofninn, þarf að banna mönnum að grauta í torfunum með flottrolli stóran part úr árinu.  

Vonandi er tími brúnnefa auðvaldsins liðinn í stjórnarráðinu. 18 ár af einkavinavæðingu er andskotans nóg.