Nýir skattar á munað s.s. áfengi,tóbak og olíu.

Varla er það nú í anda ESB að hækka verðið t.d. á rauðvíninu. En hvað um það. Athygli mína vakti upptalningin á munaðarvörum. Í þessari upptalningu er talað um olíu sem munaðarvöru.

Hvað er hinn ágæti Dagur eiginlega að fara. Er verið að tala um eldsneyti á bifreiðar? Getur það virkilega verið að hann líti á það sem munaðarvöru að setja eldsneyti á heimilisbílinn.

Ætlar Vinstri stjórnin kannski að ganga svo langt að neyða alla til að ferðast með strætó að fyrirmynd kommaríkjanna gömlu.

Ekki útilokað að hæstu laun ríkisstarfsmanna lækki

Athugasemdir

[Auðbjörg (IP-tala skráð) 6.5.2009 kl. 18:36]

Það er athyglisvert að talað sé um að fyrningarleiðin í sjávarútvegi verði farin og á sama tíma eigi að auka skatta á olíu. Á að ganga að sjávarútveginum dauðum????

[HIH (IP-tala skráð) 6.5.2009 kl. 21:42]

Það er varla að maður trúi því að Samfylkingin telji eldsneyti á bíla munaðarvöru. A.m.k. þeir sem búa á landsvæum, þar sem ekki eru almenningssamgöngur komast ekki af án bíls, þar er eldsneyti nauðsynjavara.

Annars var ótrúlegt að hlusta á Dag, hann er alltaf svo hástemmdur, að maður skilur ekki hvað hann er að meina. Ef hann ætlar að verða stjórnmálaforingi þarf hann að temja sér að tala þannig að fólk skilji. Ef þeir eru ákveðnir í að hækka skatta  væri nær að hækka virðisaukaskattinn um t.d. 2 tlil 3 % en þó ekki á matvælum. Það kæmi til með að skila tekjum sem skipta einhverju máli, þ.e.a.s. ef íbúar þessa lands hafa efni á að kaupa sér eitthvað annað en mat og aðrar lífsnauðsynjar.

[Kristinn Hjaltalín (IP-tala skráð) 6.5.2009 kl. 23:33]

Það er greinilegt að ríkisstjórnin vill halda upp hárri vísitölu. Með því að hækka þessa liði hækkar vísitalan því að þeir telja í vísitöluútreikningi.

[Ína (IP-tala skráð) 7.5.2009 kl. 09:34]

Einhverstaðar verður að auka skatta.Fólk mætti alveg minnka notkun á bílum svolítið því það er furðulegt að sjá fólk fara á bíl örfáa metra í búðina eins og ég verð vitni að á hverjum degi. Ég hef vanið mig á að nota strætó og það er alveg ágætt. Ef fólk vill spara þá er það ágætis leið til þess.