Leiguframsal kvóta verði takmarkað.

Margir eru á þeirri skoðun að það sé nauðsynlegt að endurskoða kvótakerfið.Því miður hafa sumir útgerðarmenn kallað yfir sig þessa umræðu. Fólk hefur séð hvernig sumir kvótaeigendur hafa setið í rólegheitum og leigt eða selt sinn kvóta og stundað þannig brask. Fólk hefur séð hvernig sumir útgerðarmenn notuðu kvótann með uppsprengdu ímynduðu verði til að slá lán og fjárfesta í einhverju allt öðru en sjávarútvegi.

Auðvitað má deila um það hvort fyrningaleið Vinstri flokkanna er rétta lausnin.Margir í sjávarplássum óttast þessa aðgerð og telja að það leiði til hruns hjá útgerðinni.

Það er því ánægjulegt að útgerðarmenn sjálfir skuli opna á þann möguleika að leiguframsal kvóta verði takmarkað. Auðvitað á það að vera skilyrði að úgerðir veiði sjálfar þann kvóta sem þær fá til umráða,en stundi ekki alls konar brask með kvótann.

Það eer mikið hagsmunamál að ákveðnar breytingar náist í kvótaruglinu og sátt skapist um þær breytingar.

Athugasemdir

[Sigmar Þór Sveinbjörnsson, 9.5.2009 kl. 19:52]

Heill og sæll Sigurður, þetta er góður pistill hjá þér.

kær kveðja

[corvus corax, 10.5.2009 kl. 12:24]

Að leiguframsal verði "takmarkað"? Framkvæmdastjóri LÍÚ sagði í útvarpsviðtali í gær að það kæmi til greina af þeirra hálfu að leiguframsal verði að einhverju leyti takmarkað. Þetta er mjög ógreinilegt orðalag, að sjálfsögðu verður að banna með öllu að framleigja aflaheimildir, annað er hreinn skrípaleikur og breytir engu.

[Árni Gunnarsson, 10.5.2009 kl. 12:53]

Rétt hjá þér að sátt þarf helst að ríkja um þetta mikilvæga hagsmunamál allrar þjóðarinnar gegn um alla sögu hennar. Það er þó borin von að nokkur sættist á að af honum séu tekin verðmæti sem hann telur sig hafa náð án óheiðarlegra aðferða. Annað er svo hitt að nokkuð skondin rök eru nú notuð gegn þessum breytingum, semsagt þau að helst má nú á ýmsum skilja að fiskveiðar verði lagðar niður ef útgerðir fara á hausinn. Útgerðir hafa farið á hausinn svo lengi sem ég man til. Málið snýst um það í mínum huga að þeir sem vilja bjarga sér á eigin forsendum við þau skilyrði sem byggðarlag hans býður upp á megi gera það án mikilla afskipta ríkisvaldsins. Enda er það sá skilningur sem ég legg í hugtakið "frelsi einstaklingsins."