Blár bæjarstjóri verður grænn.

Nú er svo komið að Ásmundur blái bæjarstjórinn í Garðinum er að skipta yfir í græna litinn. Síðustu daga hafa vinnuflokkar bæjarins hamast við að leita að svæðum sem hafa annan lit en grænan og um leið og hann finnst er grænu torfunum skellt á blettinn. Það stefnir því að nánast allt verði grænt í Garðinum. Mikið held ég að þessir örfáu Framsóknarmenn sem búa í Garðinum séu nú ánægðir með Ásmund bæjarstjóra.

Annars er gaman að sjá hvað vel hefur tekist til að gera Garðinn að fallegu sveitarfélagi. Ég held nú reyndar að mestan heiðurinn af því hve velm hefur tekist til eigi hún Hólmfríður yfirmaður Vinnuskólans. Það sýnir sig að það var góð ákvörðun sem á sínum tíma var tekin þegar hún var ráðin til starfa.

Nú er það spurning hvort við verðum að hætta að kalla Ásmund bláa bæjarstjórann og í stað þess að kalla hann græna bæjarstjórann. Seint trúi ég því nú að Ásmundur verði Framsóknarmaður þrátt fyrir að græni liturinn virðist heilla hann mjög þessa dagana.