Mikilvægt að fá Hönnu Birnu til forystu.

Hanna Birna Kristjánsdóttir nýtur mikils trausts meðal stuðningsmanna Sjálfstæðisflokksins og einnig meðal mjög margra sem ekki hafa verið stuðningsmenn flokksins.Hanna Birna sýndi það vel sem borgarstjóri hversu frábær leiðtogi hún er. Hanna Birna tekur þannig á m´ðalum að almenningur skilur vel hennar málflutning.

Sjálfstæðisflokkurinn þarf núna virkilega á því að halda að fá til forystu einstakling eins og Hönnu Birnu.Sjálfstæðisflokkurinn beið afhroð í síðustu kosningum, sem búast mátti við eftir efnahagshrunið. Kjósendur völdu tæra Vinstri stjórn sem hefur á skömmum tíma misst nánast allt traust. Vissulega hefur Sjálfstæðisflokkurinn náð að rétta sinn hlut nokkuð miðað við skoðanakannanir,en það er ekki ásættanlegt að flokkurinn nái ekki í skoðanakönnunum nema rétt rúmum 30%. Reynslan sýnir að flokkurinn fær aldrei eins mikið í kosningum. Miðað við vonbrigðin með Jóhönnu og Steingrím J. þyrfti Sjálfstæ'ðisflokkurinn að ná vel yfir 40% í skoðanakönnunum.

Því miður er það svo, að Bjarni Benediktsson mun ekki ná að laða að sér meiri fylgi heldur en nú er. Það er óþarfi að fara yfir hvers vegna.

Á sínum tíma var Sjálfstæðisflokkurinn í svipaðri stöðu þegar Þorsteinn Pálsson var formaður. Auðvitað hefur það ekki v erið auðvelt fyrir Davíð Oddsson að taka þá ákvörðun að bjóða sig fram gegn sitjandi formanni. Davíð tók ákvörðun um að bjóða sig fram og sigraði og það var upphafið að mikilli sigurgöngu flokksins og varð mikið gæfuspor fyrir þjóðina.

Ætli Sjálfstæðisflokkurinn að ná virkilegu fjöldafylgi og koma í veg fyrir áframhaldandi Vinstri stjórn

verðum við að fá Hönnu Birnu til forystu.

Útilokar ekki neitt

Hrói höttur og Lady Ga Ga.

Auðvitað er það alveg kórrétt að ráðherrar ríkisstjórnarinnar geta ekki setið þegjandi undir árásum Ólafs Ragnars,forseta. Jón Balvin fv.utanríkisráðherra skrifa grein í Fréttablaðið í dag þar sem sparar ekki kveðjurnar til forsetans. Hann telur að Lady Jóhanna geti ekki setið undir slíku ásökunum forsetans eða aðalpokerinn Steingrímur J.

Fleiri stjórnarþingmenn mjálma einnig í vandlætingatón um ákúrur forsetans.

Eftir situr samt að það sem Ólafur Ragnar er að segja er rétt.Það hlýtur að vera eðlilegt að upplýsa þjóðina um það hvernig Jóhanna og Steingrímur J.lögðust kylliflöt fyrir Bretum og Hollendingum og sögðu við borgum það sem þið viljið.

Svavar Gestsson formaður saminganefndarinnar vegna Icesave sagði sem frægt var, ég nenni ekki að standa í þessu lengur. Varla hefði Svavar skrifað undir nema með samþykki Jóhönnu og Steingríms J.

Auðvitað fer það í taugarnar á stjórnmálarefi eins og Jóni Baldvin að sjá sitt fólk fara í felur og viðurkenna undirlægjuháttinn með því að svara árásum Ólafs Ragnars með þögninni einni saman.

Það hefði verið nær fyrir Ólínu að ræða um það í grein sinni að þingmenn hefðu gert kröfu til Jóhannu og Steingríms J. að þau sýndu ábyrgð gagnvart hagsmunum almennings á Íslandi í viðræðunum við Breta og Hollendinga.

Gangi inn í umræðu af ábyrgð

Er lýðræði á Íslandi?

Eðlilega vekja pólitísku réttarhöldin yfir Geir H.Haarde athygli víða erlendis. Það er skiljanlegt að spurt sé, er lýðræði á Íslandi. Það þekkist ekki í nokkru lýðræðisríki að haldin séu pólitísk réttarhöld yfir stjórnmálamönnum. Aftur á móti vita allir að í einræðisríkjum eru sett upp sýndar réttarhöld og pólitískir andstæðingar dæmdir í fangelsi eða hreinlega teknir af lífi.

Auðvitað hneykslast allir á þessum pólitísku réttarhöldum yfir Geir H.Haarde. Að ætla að láta einn stjórnmálamann bera ábyrgð á hruninu er svo fráleitt að engu tali tekur. Í augum erlendra aðila sem fylgjast vel með stjórnmálum er það þeirra álit að einmitt Geir H.Haarde hafi bjargað miklu hvernig brugðist var við hruninu á sínum tíma.

Framganga Steingríms J., Atla Gíslasonar og Ögmundar í þessu máli verður þeim til ævarandi skammar. Og ekki má gleyma nokkrum þingmönnum Samfylkingarinnar, sem samþykktu ákæru á Geir , en samþykktu að hlífa samflokksmönnum sínum þar á meðal yfirmanni bankamála og fjármálaeftirlits þegar allt hrundi. Skömm þessara þingmanna verður einnig skráð í sögubækurnar

Fleiri aðstoðarmenn bjarga ekki ráðherrrum Vinstri stjórnarinnar.

Alveg er það hreint stórkostlegt að nú eru þingmennirnir þegar farnir að krukka í tillögum stjórnlagaráðsins. Þingmönnum finnst alls ekki ganga að takmarka fjölda ráðherra. Auðvitað finnst þeim að ráðherrar geti verið eins margir og þeir vilja.

Eins finnst þingmönnum alls ekki ganga að fjöldi aðstoðarmanna ráðherra verði takmarkaður. þeir vilja hafa heimild til að hafa þá tvo eða fleiri. Alltaf er til nóg af peningum í ríkissjóð fyrir svona nokkuð. Fleiri aðstoðarmenn bjarga ekki vinstri stjórninni. Fleiri aðstoðarmenn myndi eingöngu þýða enn meiri vitleysu.

uðvitað kemur það í ljós að þetta blessaða stjórnlagaráð var bara uppmáluð sýndarmennska, sem Samfylkingin lagði ofuráherslu á. Datt einhverjum í hug að þingmenn ætluðu að fara eftir tillögunum?

Heimilt að fjölga aðstoðarmönnum

Bjarni neikvæður, Hanna Birna jákvæð.

Sjálfstæðisflokkurinn talar um atvinnuuppbyggingu og að við verðum að fá erlenda fjárfestingu inn í landið.Stöðnunar og skattastefna vinstri stjórnarinnar sé röng.

Ég var því undrandi á að sjá neikvæðu viðhorfin sem Bjarni formaður hefur til kínverska auðmannsins, sem áformar uppbyggingu í ferðaþjónustu á landsbyggðinni og einnig í Reykjavík.

Það var á móti ánægjulegt að heyra skoðanir Hönnu Birnu oddvita Sjálfstæðismanna í Reykjavík og fv.borgarstjóra. Hún fagnar áhuga kínverajans að vilja koma með fjármagn til atvinnuuppbyggingar.

Meini Sjálfstæðisflokkurinn eitthvað með atvinnuleiðinni verður hann að taka jákvætt í svona erindi en hafna því ekki fyrirfram eins og leiðtogar VG gera.

Hanna Birna er einhver efnilegasti stjórnmálamaðurinn sem Sjálfstæðisflokkurinn á. Hanna Birna hlýtur að vera framtíðarleiðtogaefni Sjálfstæðisflokksins.

Gagnrýna orð Bjarna

Er það í anda velferðarstjórnar að taka upp inntökugjöld á elliheimili og rukka fyrir mat og þvott?

Nú hefur hin tæra vinstri norræna velferðarstjórn þrengt svo að öldrunarheimilum landsins að þau sjá ekki að þau geti skorið eira niður án þess að hætta ákveðnum þjónustuþáttum. Nú eða taka upp gjaldtöku á vistmenn. Ein hugmynd sem varpað hefur verið fram er að taka upp inntökugjöld. Sem sagt þeir sem eiga peninga geta komist inn en hinir sem ekki eiga pening verða bara að sjá um sig sjálfir. Nú eða þá að rukka vistmenn aukalega fyri mat og þvott.

Er það virkilega svo sem við ætlum að koma fram við aldraða fólkið, sem vann hörðum höndum við að byggja upp það þjóðfélag sem við höfum.

Nóg virðist vera til í ríkiskassanum þegar kemur að gælverkefni eins og stjórnlagaráði. Nóg virðist vera til af peningum í ríkissjóði til að standa í lágkúrulegum pólitískum réttarhöldum gegn Geir H.Haarde. Nóg virðist vera til af peningum í ríkiskassanum til að standa í aðlögunarferli í ESB.

Það gengur ekki lengur að ætla að þrengja enn að hagsmunum ellilífeyrisþega. Stéttarfélögin verða að taka þetta mál upp og berjast gegn þesu óréttlæti. Fjölmiðlar eiga að gera enn betur og hamast á ráðamönnum, þannig að augu þeirra opnist. Ellilífeyrisþegar eiga betra skilið en þessa framkomu ráðamanna.

Björgvin,hvað með Suðurnesin?

Alveg er ég sammála Björgvini G.Sigurðssyni,þingmanni Suðurkjördæis,að það á ekki vera alfarið á höndum Ögmundar innanríkisráðherra að ákveða staðsetningu á nýju fangelsi. Að sjálfsögðu á Alþingi að taka ákvörðunina um staðsetningu og innanríkisráðherra að framkvæma vilja Alþingis.

Sandgerðingar hafa óskað eftir að byggt verði nýtt fangelsi á þeirra landi og vilja koma á móts við ríkið neð eftirgjöfum á gjöldum. Önnur sveitarfélagá Suðurnesjum hafa lýst yfir stuðningi. Nú hefur marg oft verið bent á þá staðreynd að atvinnuleysi er mest á landinu á Suðurnesjum. Illa hefur gengið að koma af stað framkvæmdum. Bygging nýs fangelsis á Suðurnesjum væri kjörið tækifæri til að skapa vinnu við byggingu og svo framtíðarstörf.

Björgvin G. Sigurðsson má ekki gleyma því að hann er einnig þingmaður fyrir Suðurnesin.

Það væri þarft verk hjá fjölmiðlum hér á Suðurnesjum að leita eftir viðhorfi allra þingmanna Suðurkjördæmis til óska Suðurnesjamanna að ráðist verði í byggingu nýs fanglesins hér til að bæta úr slæmu atvinnuástandi.

Vill byggja nýja álmu á Litla-Hrauni

Þórunn vill hreinsa til hjá Vinstri grænum.

Í kvöld mætti nýhættur þingmaður Þórunn Sveinbjarnardóttir í Kastljós kvöldsins. Hinn besti þáttur og gaman að hlusta á Þórunni. Gott hjá henni að drífa sig í nám í vetur á fullum biðlaunum frá ríkinu.

Þórunn sagði það hreint út að Vinstri grænir þyrftu að hugsa sinn gang í ríkisstjórnarsamstarfinu og lagði áherslu á að hreinsa þyrfti til í herbúðum vinstri grænna. Menn þar innanborðs væru ekki stjórntækir.

Þegar spurt var hvort hún ætti við Jón Bjarnason,svaraði hún því játandi og bættin við að það sama ætti við um fleiri þingmenn VG.

Já það er eðlilegt að Þórunn velji þann kost að læra sifræði í HÍ frekar en að þurfa að drattast með VG í samstarfi.

Veit ekki með úthaldið hjá VG

Verður " Hin tæra vinstri della Jóhönnu." metsölubók eftir 30 ár ?

Svakalegt er að fá þessar fréttir. Þjóðin verður að bíða í 30 ár eftir að vinstri dellusögur Jóhönnu komi til lestrar fyrir almenning. Til að ná atkvæði Þráins Bertelssonar verða ríkisstjórnarfundir hljóðritaðir,en ekki birtir fyrr en eftir 30 ár. Kannski er Þráinn að hugsa um að útbúa mynd um vinstralífið eftir 30 ár. Hann er jú á heiðursmannalistalaunum.

En hvernig ætli verði að taka viðtöl við Jóhönnu og Steingrím J. um það sem gerðist á ríkisstjórnarfundum árið 2011 eftir 30 ár þ.e. árið 2041? Jóhanna man nú ekki alveg hvað gerist á Alþingi í dag hvað þá eftir 30 ár.

Ríkisstjórnarfundir teknir upp

Forsetinn gefur Jóhönnu og Steingrími J. rauða spjaldið.

Það hlýtur að teljast stórfrétt að forseti landsins skuli opinberlega fella dóm um ráðherra vinstri stjórnarinnar fyrir að sýna undirlægjuhátt og fallast á óraunhæfar kröfur Breta og Hollendinga í Icesave. Auðvitað mátti búast við að Samfylkingin væri reiðubúijn að fallast á hvað sem er til að móðga ekki ESB klúbbinn,en margir bjuggust við meiru af ráðherrum Vinstri grænna.

Alþingi hlýtur að þurfa að láta rannsaka Icesave málið eftir að Ólafur Ragnar,forseti,hefur fellt sinn dóm um undirlægjuhátt Jóhönnu og Steingríms J.

Það er alvarlegur hlutur að forseti landsins skuli fella sinn dóm um ráðherrana að af þeir hafi af hræðlsu við Breta og Hollendinga verið tilbúnir að láta almenning á Ísland greiða 500 milljarða að óþörfu.

Margir hljóta nú að velta fyrir sér hverjir hafi ekki staðið sig á vaktinni og sinnt vítavert dómgreindarleysi og ábyrgðarleysi.

Það hlýtur að vera eðlilegt að þetta sé rannsakað.

Ætlar ekki að munnhöggvast við forseta