Gott hjá Bjarna og Svandísi

Það ber að fagna því að Bjarni Benediktsson fjármálaráðherra og Svandís Svavarsdóttir hafa nú stigið það skref að framlengja vaktaálagsaukanum hjá hjúkrunarfræðingum. Það hlýtur að vera gífurtlegt álag á heilbrigðisstéttum vegna Covid 19. Þetta hlýtur að auka líkurnar á því að aðilar nái samningi um nýjan kjarasamning við hjúkrunarfræðinga.

Þetta er jákvætt skref. Aftur á móti hlýtur það að koma til skoðunar að umbuna nú á þessum erfiðu tímum fkeiri stéttum innan heilbrigðiskerfisins vegna mikils álags á tímum Covid 19.

Þessi faraldur sýnir okkur hvað það skiptir miklu máli að heilbrigðisþjónustan sé í góðu lagi. Þá skiptir ekki öllu að hafa gott húsnæði og tæki. það skiptir öllu að hafa gott starfsfólk.

Vaktaálagsauki hjúkrunarfræðinga framlengdur