Vill hún fórna eldri borgurum?

Sigríður Andersen þingmaður og fyrrberandi sómsmálaráðherra er yfirleitt ansi öfgafull í skloðunum sínum. Nú telur hún að það eigi aðm afnema þær ferðatakmarkanir sem í gildi eru. Hún telur að opna verði landið þetta gangi ekki lengur að hafa landið svona lokað. Það fari alveg með efnahagsástandið.

Sem betur fer hafa stjórnvöld treyst þríeykinu til að taka ákvarðanir hvað varðar heilbrigðismálin og farið í öllu eftir þeirra tillögum. Við höfum sloppið vel. Það hefur tekist að vernda okkar viðkvæmu hópa s.s. eldri borgara. Tala látinna er margfalt hærri í mörgum löndum eins og t.d. Svíþjóð,Bandaríkjunum,Bretlandi,Belgíu og fleiri löndum.

Það er ansi mikil áhætta að fara eftir tillögu Sigríðar Andersen. Viljum við taka áhættuna á að fórna eldri borgurum í stórum stíl í þeirri von að laga efnahagsástandið?

Það er örugglega farsælast fyrir okkur að treysta áfram þríeykinu fyrir heilbrigismálunum. Þingmenn hafa nóg annað gera en skipta sér af þeim.