Þingmenn og sveitarstjórnarmenn. Þið látið þetta ekki gerast á HSS.

Nú reynir á þingmenn Suðurkjördæmis og sveitarstjórnarmenn hér á Suðurnesjum. Þið megið ekki láta það gerast að Heilbrigðisstofnun Suðurnesja verði nánast óstarfhæf. Með mikilli baráttu og miklu starfi hefur þjónusta og húsnæði verið byggt upp á síðustu árum hér á Heilbrigðisstofnun Suðurnesja. Fyrirætlanir stjórnvalda um óraunhæfan niðurskurð á þessari stofnun gengur ekki.

Sveitarstjórnarmenn á Suðurnesjum verða nú á stundinni að bregðast við og standa sameiginlega í að mótmæla og gera heilbrigðisráðherra grein fyrir að við getum ekki og munum ekki sætta okkur við þetta.

Í Morgunblaðinu s.l. laugardag er viðtal við Oddnýju G.Harðardóttur, sem er stjórnarþingmaður og bæjarfulltrúi í Garði.

Hún segir: " Farið verður yfir þessi atriði og fundað aftur í lok febrúar.Á meðan verður beðið með uppsagnir hjá HSS,segir Oddný."

Ég ttrúi því ekki að þingmenn kjördæmisins hvort sem þeir eru stjórnarþingmenn eða í stjórnarandstöðu láti bjóða sér þessi vinnubrögð. Það getur varla verið þægileg staða fyrir stjórnarþingmann að hún skuli nánast samstundis og viðtalið birtist vera gerð ómerk orða sinna.

Þessi þjónustusskerðing á HSS má hreinlega ekki gerast.

HSS lokar skurðstofum 1. maí

Athugasemdir

[Adda Þorbjörg Sigurjónsdóttir, 1.2.2010 kl. 07:50]

Þessi Ríkisstjórn er ótrúleg. Stofnunin mátti ekki leigja út frá sér ónýtta aðstöðu og þjónustu til aðgerða á erlendum ferðamönnum og þannig auka tekjur sínar og atvinnu á Suðurnesjum. Tala ekki um að halda sérhæfðu starfsfólki sínu. Nei það er eins og þessi Ríkisstjórn vilji heldur gera atvinnuástandið verra á Suðurnesjum og koma í veg fyrir flæði gjaldeyris inn í landið.

Þetta er þrátt fyrir að Heilbrigðisstofnun Suðurnesja hefur um árabil fengið í sinn hlut lægsta fjárframlag landsins miðað við íbúatölu svo nemur tugum prósenta og þrátt fyrir að vera með einna óhagstæðustu hlutföll aldraðra, barna og ungra öryrkja. Það er ljóst að í þessari Ríkisstjórn er hver höndin upp á móti annarri og í skjóli þess að "ekki má afla tekna á heilsuleysi annarra þjóða" vill hún frekar stórskaða heilbrigðiskerfið og velferðarþjónustuna á Íslandi.

Er ekki kominn tími til að skipta um fólk í brúnni? Nýta okkur tækifæri heilbrigðiskerfisins til að skapa tekjur og halda þannig sérhæfðu fagfólki á landinu og skapa atvinnu fyrir íbúa landsins og auka gjaldeyristekjur?