Hvaða hrikalegu fréttir er Steingrímur J. að boða ?

Hvaða stóru og hrikalegu fréttir er Steingrím ur J. eiginlega að boða. Steingrímur segir að það muni brátt koma í ljós að staða okkar sé vonlaus eða vonlítil að fara með Icesave málið fyrir dómstóla. Það hlýtur að teljast til stórtíðinda að hann skuli þannig gefa það hreinlega út bæði gagnvart okkur Íslendingum og Bretum og Hollendingum að við séum með tapað mál. Ástæðan er að hann hefur upplýsingar frá rannsóknarnefnd Alþingis Þar sem það kemur fram að einhver eða einhverjir hafi  leikið svo hressilega af sér í samskiptunum við Breta og Hollendinga.

Það er nauðsynlegt að það komist sem fyrst á hreint hvort Steingrímur J. er enn með hótanir til að hræða sem  flesta til að samþykkja Icesave eða hvort einhver eða einhverjir  hafi leikið svo hressilega af sér að staða okkar sé vonlaus.

Alþingismenn og fjölmiðlar hljóta að óska eftir að Steingrímur J. útskýri sitt mál betur. Eru fleiri en hann af ráðamönnum landsins sem hafa lesið skýrslu rannsóknarnefnarinnar. Átti hún ekki að vera leynileg þar til skýrslan væri kynnt allri þjóðinni.

Dómstólaleiðin varhugaverð

Athugasemdir

[Sigurður Haraldsson, 2.2.2010 kl. 15:35]

Svör strax það er lágmarks krafa annars segi stjórnin af sér tafarlaust!

[Sigurður Helgason, 2.2.2010 kl. 16:12]

Hafið þið telið eftir því að lömbin eru þögnuð.

[Hreinn Sigurðsson, 2.2.2010 kl. 16:22]

Gagnsæi  og heiðarleiki voru einkunnarorð stjórnarandstöðu Steingríms en hann hefur líklega drukkið einhvern ummyndunardrykk því nú snýst allt um pukur hálfkveðnar vísur og allslags dylgjur

[Þór Gunnlaugsson (IP-tala skráð) 2.2.2010 kl. 16:22]

Nei því miður það eru mjög alvarlegir hlutir í skýrslunni og hvers vegna nánast barðist Steingrímur J við að koma Icesafe í gegn sem bestu lausnina en er nú á allt öðrum nótum?  Gæti verið að hann sæi stóra kökusneið detta frá Samfylkingunni og um leið stólinn sinn þegar skýrslan kemur út??

[Guðmundur Gunnarsson, 2.2.2010 kl. 16:38]

Steingrímur talar um upplýsingar sem leynd hafi hvílt yfir og ber við trúnaði. Þá er spurningin, við hverja er trúnaðarskyldan svo rík að hagsmunir einhverra séu ríkari en hagsmunir fólksins í landinu sem er að upplifa fjármálalegt „ force major “ og á yfir höfði sér að verða skikkað til að borga hundruð miljarða sem koma þeim ekkert við!

[j.a (IP-tala skráð) 2.2.2010 kl. 16:43]

Seint læra sumir að skammast sín.