Fáum við ekki að kjósa?

Loksins eftir allt þrefið,deilurnar og klúðrið virðist eitthvað vera að rofa til í Icesave. Við erum eiginlega komin á þann stað sem hefði átt að vera í byrjun. Auðvitað var fyrsta atriðið að ná samstöðu hér heima. þetta mál hefur verið eitt alls herjar klúður frá byrjun.

Nú er það spurningin hvort þjóðaratkvæðagreiðslan verður blásin af. Auðvitað væri æskilegast að atkvæðagreiðslan færi fram, þannig að vilji landsmanna kæmi skýrt fram. Það hlýtur að vera mjög sterkt ef niðurstaðan verður eitt stórt NEI eins og flest bendir til. Það væru mjög skýr skilaboð til Breta og Hollendinga.

Kannski má svo segja að ef Bretar og Hollendingar eru nú þegar tilbúnir að slaka verulega á og að dómi vitrustu manna í góður samningur fyrir okkur í boði er auðvitað spurning hvað gera skal. Er þá skynbsamlegra að flauta atkvæðagreiðsluna af og semja.

Einhvern veginn finnst mér samt að það hljóti að vera lýðræðislegast að láta þjóðaratkvæðagreiðsluna fara fram. Þjóðin fær þannig að segja sitt álit.

Samninganefnd Íslands utan á morgun

Athugasemdir

[Sigurbjörg Eiríksdóttir, 14.2.2010 kl. 21:08]

Ég hefði viljað að það yrði kosið..

[Haraldur Rafn Ingvason, 14.2.2010 kl. 22:07]

Ekki láta eins og þú hafir trúað því að það yrði kosið um þetta mál. Ef það er eitthvað sem pólitíkusar geta sameinast um þá er það að koma með öllum ráðum í veg fyrir að svona þjóðaratkvæðagreiðslur fari fram - og það er það sem þeir eru fyrst og fremst að gera núna. Þeir hafa nefnilega engan áhuga á beinu lýðræði, allt skal fara gegn um þá og þeirra fjórflokksklíku- og spilligarvef.

[Már (IP-tala skráð) 14.2.2010 kl. 22:13]

Þessi þjóðaratkvæðagreiðsla er stærri en margir gera sér grein fyrir Sigurður. Þarna er verið að tala um að fordæmi getur skapast almenning út um allann heim að krefjast að fá að kjósa um sambærilega hluti. Það er að ske út um allann heim að fólk er að taka á sig skuldbindingar banka og fjármálastofnana sem hafa klúðrað málunum. Hvergi þó eins mikið og hér á Íslandi. Ef það spyrst út á meðal mótmælenda út um allann heim að Íslendingar hafi hafnað að taka á sig syndir annara (hvort sem er með beinum eða óbeinum hætti) og að almenningur hafi ráðið því. Þá skapast stórhættulegt fordæmi fyrir þá vogunarsjóði og bankastofnanir sem eiga orðið stóran hluta verðmæta heimsins.

Þeir munu bjóða Íslendingum gull og græna skóga í samanburði við fyrri samninga af ótta við þessa þjóðaratkvæðagreiðslu.

Það má ekki skapast fordæmi beins lýðræðis. Það vita nýlenduherra fjármálaheimsins.

Ég er búinn að skila utankjörstaðaratvæði. Feldi að sjálfsgögðu svikasamninginn.

Það er gríðarlega mikilvægt að þessi atkvæðagreiðsla fái að fara framm. Ekki bara fyrir okkur Íslendiga eins og þú bendir á Sigurður. Heldur heiminn.

[Haraldur Rafn Ingvason, 14.2.2010 kl. 22:32]

"Það má ekki skapast fordæmi beins lýðræðis. Það vita nýlenduherra fjármálaheimsins."

Sama á við um trúðana í hringleikahúsinu við Austurvöll og starfsbræður þeirra erlendis.

Og þess vegna hefur verið ljóst frá upphafi að þessi atkvæðagreiðsla færi aldrei fram!!!

[Númi (IP-tala skráð) 14.2.2010 kl. 23:36]

Athugið að kosning er hafin í Laugardalshöll,farið og kjósið,það er ég búinn að gera.

[Sigurður Haraldsson, 15.2.2010 kl. 01:19]

Verjumst látum þennan landráðlýð ekki komast upp með að taka af okkur kosningaréttinn